• اسم الكرو : دمعة
• الكاتبة : عبير ❤
• خالة أمينة : رواحي بنتي نعرفك على ضيفاتي
كانو جماعة تاع نساء و المخيرة فيهم لابسة قنطار ذهب باينين بلي جايين يتخلعو ب ذهبهم ولبستهم ماشي باش يعرسو
• نسرين : نعم خالة هاني جيت ، سلام خالاتي لاباس !
• خالة امينة : هادي حبيبتي عمارية و هادي ام وصال لي كانت تقرا مع سيفو ياك متفكرتها و لي لابسة الازرق ختي ماشي غير صحبتي نبيهة
• نسرين : متشرفين .
• عمارية : ماشاء الله كبرتي و رجعتي مراة
• نبيهة : بصح أمينة ختي هادي راهي مراة ف عمر الزواج مازالها عايشة عندك !
بلعت ريقي ب 66 الف كشفة مين داروني موضوع السهرة بصح معليش تعودت على هاد الكلام شافت فيا ام وصال و حكات معايا ب نبرة وقحة بالضحكة
• ام وصال : شفت بلي راه عندك حرية كبيرة نتي وسيف ، بوووه علييك امينة ختي راكي راخفة الحزام هههه ، ياك ما تكون حاطة عينيها عليه !
وانا نقول ف قلبي نقدر نسمعكم أودي نقصو الصوت على الأقل خليني نروح و كملي كلامك ، ما كملتش كلامي ف قلبي حتى جاني رد كي الصاعقة من عند خالة امينة
• خالة امينة : واش حبيتوني ندير ياك والديها خلاوها صغيرة و داتهم الموت تجيكم نسمح فيها وتديها الدنيا لا قدر الله و كاش ما تدير برا
• نبيهة : عندك الحق ، معليش تدي فيها أجر بعدا
خزرت فيا أم وصال و ردت على خالة امينة
• ام وصال : صح قلال لي كيفك الله يكتر من امثالك ان شاء الله برك ما تكونش مثقلة عليك
• خالة امينة : دراهم سكنتهم راهم معيشينها الق ينقال حد ما يحب يزيد على روحه مصاريف
• نسرين : ....
• خالة أمينة : ما تزعفي مني ما والو بنتي راني نقول ف الحق ف وجهك احسن ما نحكيها ف ظهرك
ما قدرتش نزيد نقعد دقيقة ف وسطهم القنطة والغصة قريب قطعولي النفس تاعي خرجت لبرا نبكي ...
• عمارية : باينة مدللة بزاف زوج كلمات برك راحت تبكي الله يقدرك حبيبتي عليها .
*** قبل 5 سنين ****
• ماما : نسرين رواحي تتغذاي
• نسرين : لالا مارانيش جيعانة ماما
• ماما : تهبطي ولا نجيك
• نسرين : ما رانيش قادرة نحكي خليني وحدي ، قرد ، حماااار هاكدا قاعد يزعف فيا دوكا حتى الماكلة ما قادراش ناكلها أهئ..أهئ حتى جا بابا دق عليا الباب
• بابا : برنسيستي
• نسرين : يااا باباا لازم نمسح دموووعي ...ايه بااابا راني جاية ، مسحت دموعي و فتحت عليه الباب
نعم بابا
• بابا : علاش كنتي تبكي !
نسرين : كي درت عرفت ديما تفيق بيا ، حضنته نحبك بابا
أنت تقرأ
دمعة
Romanceأحيانا يجب أن نحذر من ما نتمناه لأنه قد يصبح حقيقة على حين بغتة ، تلك الأماني التي نظنها تبخرت عندما تناسينا الأمر سيأتي يوم تعود فيه و تتشكل على أرض الواقع لربما ستعود في وقت خاطئ في وقت نقول فيه : " يا ليتنا لم نتمنى ذلك " ، الأماني لا تشمل فقط ا...
