• اسم الكرو : دمعة
• الكاتبة : عبير ❤
كنت غير أنا و حليمة ، حتى جا المكلوب تاع سيفو ،جاي و يرمي ف حوايجه ضربني للراس و خطف مورصو من الحلوى لي درتها
• سيف الإسلام : ما تروحيش لداركم نتي ! نزيدوك ف الدفتر العائلي معانا واقيل ..
حتى ناضتله حليمة ضرباته
• حليمة : أولا ، راني عاد كي سيقت و راك توسخلي ف الأرض يا المكلووووب ، و ثانيا هاد الضربة باسكو ضربت نسرين هي ماشي مليحة و ماكلتها مليحة
• سيف الإسلام : والضربة الثالثة لاش زعما ما تحشميش تضربي لي أكبر منك ،
• حليمة : والثالثة باسكو تستاهل ، روح دوش يا المعفون ريحتك راهي تقتل ... ، و غلقت نيفها ب يديها
بقينا نضحكو عليه ..، رمى عليا الوسادة
• سيف الإسلام : ماكلتك ماشي شابة كيفك ... حاس غادي يحكمني تسمم ، و راح يجري بعدت عليا الوسادة و خزرت فيه ، نضت من بلاصتي
• حليمة : وين بيها !
• نسرين : راني طولت على الدار ممكن بابا يكون جا و ما صابنيش وعدته نجهزله القهوة
وصلتني لعند الباب ، لأنو دارهم أونفاص لدارنا
• حليمة : اوك اذا حتاجيتي حاجة خبريني
رحت للدار دخلت الضو طافي ماكان حتى حد
• نسرين : بابا !! باابا جيييت ! باينة مازال ما جا نعيط لدار العرس نسقسيهم بالاك راه غادي يقعد يتعشى ، هادي زعما لي وعدني يجي يقعد معايا ...
التيليفون يصوني ما ردوش ممكن لأنو الحس راه والغنا ، بعد شوية صونا تيليفوني
• خليدة : الووو ....وي نسرين واش راكي
• نسرين : لاباس ، حبيت نسقسيك بابا راح من عندكم !
• خليدة : لالا ، علاه جا أصلا ! راني جاية نسقسيك على ماماك لي ماجاتش عيب عليكم ني نتي ني هي
• نسرين : كيفاش ماما ماجاتش راهم ف ساعتين ولا كتر من لي خرجو !!
• خليدة : واش راكب تقولي مارانيش نسمع الحس تاع الغنا ... الووو ... شوفي منبعد نعاودلك و نحكو اوك دوكا راني لاهية بلغي سلامي لماماك ...
• نسرين : الووو خليييدة ردي عليا ....خليدة ...الووو
تكوبات الأبال ...كيفاش هادي بابا وماما ما وصلوش
عيطت ل سيفو 5 مرات ما ردش عليا باينة يكون ف الدوش علابيها ما سمعش التيليفون ، بقيت نعض ف صباعي و خايفة حتى صونا التيليفون قلت باينة بابا ...بصح لا ماشي هو
• سيف الاسلام : وويييي السمينة لقيتك معيطتتلي
بقيت نبكي ف التيليفون ...
• نسرين : ....
• سيف الإسلام : وشبيك نسرين علاش راكي تبكي !! راكي موجوعة ولا كاش ما صرا !!
• نسرين : لالا ....عيطت لوحدة من اهل العرس وقالتلي بلي بابا و ماما مازال ما وصلوش للعرس ... راني خايفة ميتة ..
• سيف الاسلام : بالاك غير ما شافتهمش ا تخافيش صرصورتي باباك ءكون جاي ف الطريق لا بالاك عجباته ماماك و هي لابسة بطل يجي لعندك هههه
• نسرين : هههه ممكن ..
• سيف الإسلام : متأكدة راكي مليحة ؟ ما نبعتلكش حلبمة تقعد معاك ؟ دوك تبدا تظلام الحالة
• نسرين : لا راني مليحة ابقى تحكي معايا برك
مسكين بقى يحاول يضحك فيا نص ساعة و حنا نحكو حتى وصلتني ابال أخرى
• نسرين : استنى استنى بابا راه يعيطلي
• سيف الاسلام : شفتي قلتلك ما عندهم والو روحي ردي عليه
• نسرين : ايه شوي و نعاودلك ..
أنت تقرأ
دمعة
Romanceأحيانا يجب أن نحذر من ما نتمناه لأنه قد يصبح حقيقة على حين بغتة ، تلك الأماني التي نظنها تبخرت عندما تناسينا الأمر سيأتي يوم تعود فيه و تتشكل على أرض الواقع لربما ستعود في وقت خاطئ في وقت نقول فيه : " يا ليتنا لم نتمنى ذلك " ، الأماني لا تشمل فقط ا...
