"နိုနိုး!""ဂျီ!!"
ဟ! ထူးပုံထူးနည်းကအလန်း။
မြေပဲခွံတွကိုတဖူးဖူးမှုတ်ထုတ်ရင်း ဇိုက်ကိုမကြည့်ဘဲထူး၍ ဗန်းထဲကမြေပဲငါးစေ့လောက်ယူပြီး ပါးစပ်ထဲပစ်ထည့်သည်။
"ကိုယ့်ဖုန်းတစ်ချက်ကြည့်ပေးထား ကားရောက်လို့ခေါ်ရင်မသိလိုက်မှာဆိုးလို့"
"yes!"
ဘေးနားမှာ မြေပဲအခွံချွတ်နေတဲ့နိုနိုးခေါင်းလေးကိုပွတ်ပြီး ဇိုက်ရေချိုးဖို့ပြင်ရန်လှည့်အထွက်
"~~ဂျန်ကန်နီဂျား၀ယ် ဖီးစနကီးစား၀ယ်
ဂျန်ကန်ဖီးစနကီးဂျော်ကနီဂျား၀ယ်~~ရာမ်~ ရာမ်~ ရာမ်~ ရာမ်~""နိုနိုးအဲ့တာဘာသီချင်းလဲ"
ဇိုက် နိုနိုးဆိုတဲ့သီချင်းကအနည်းငယ်ထူးဆန်းတာမို့ ဇိုက်မေးကြည့်မိသည်။ ခေါင်းလေးတစ်လှုပ်လှုပ်နဲ့ ဆိုနေတဲ့သီချင်းသံကခပ်စူးစူးလေး။ ဘာမှန်းမသိတဲ့ဘာသာနဲ့ ဘာမှန်းမသိတဲ့သီချင်းကိုဆိုနေပေမယ့် ဒီကလေးလေးချစ်စရာကောင်းတာတော့ ငြင်းမရ။
"ဟာနုမာန်သီချင်းလေ"
"ငါမကြားဖူးဘူး"
"ဇိုက်ကကြည့်မှမကြည့်တာကုလားကားလေ မဟာတန်ခိုးရှင်ဟာနုမာန်လို့ခေါ်တယ်၊ အဲ့ထဲကသီချင်း"
"အော်~"
ဟုတ်တာပေါ့ ညနေဆိုင်ပိတ်ပြီးရင် ခေါင်းရင်းအိမ်မှာအခွေသွားသွားကြည့်နေတာလေ။ ဇိုက်ခေါင်းတငြိမ့်ငြိမ့်နဲ အ၀တ်လဲရန်အိမ်ခန်းထဲသို့သွားလိုက်သည်။
ဇိုက်ပြန်ထွက်လာတော့
ရာမ်~ ရာမ်~ ရာမ်~ ရာမ်~
"ဟော် ဇိုက်ရေ ဖုန်းလာတယ် ၊ အသီးကားတွေရောက်ပြီတဲ့"
"နိုနိုး လိုက်မယ်ဆို"
အိမ်ရှေ့မှာထိုင်ပြီး ဖုန်းကြည့်ရင်းသီချင်းဆိုနေတဲ့နိုနိုးကို ဇိုက်မေးလိုက်တော့
"မလိုက်တော့ဘူး "
ညနေ(5)နာရီထိုးဇိုက်က အချိန်မှန်ကားသွားရသလို နိုနိုးကလည်းTVကြည့်ဖို့သွားရဦးမည်။ ဒီညကုလားကားအသစ်၀ယ်ထားသည်ဟု ဖွားကပြောထားသည်။ ဇိုက်နဲ့တစ်ခါမှကားမလိုက်ဖူးတာမို့ဒီညလိုက်မည်ဟု ပူဆာထားသော်လည်း အခုချိန်မှာဇာတ်လမ်းအသစ်ကိုပိုစိတ်၀င်စားနေတာ။
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romanceမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...