နေရခက်တဲ့လေထုကိုဖြိုခွင်းလိုက်သူကတော့ မျိုးစေ။
"ဟားဟား အမေကတော့နောက်ပြီဗျာ၊ အခေါ်ဝေါ်တွေပါပြောင်းလို့။ ပြီးတော့ဘယ်ကဗလလဲ အမေမှားနေပြီ"
"ဘာကို~"
မျိုးစေရဲ့အမေစကားဟမယ်ဖို့ပြင်တုန်းမှာပဲ ခြိမ်းခြောက်သလိုအကြည့်တစ်ခုကြောင့် နှုတ်ကတိခနဲပိတ်သွားသည်။ တစ်ခုခုမှားနေတယ်ဆိုတာသိပေမယ့် သူဘာပြောရဲမှာလဲ သားမျိုးစေလုပ်စာကိုအပူအပင်မရှိထိုင်စားနေရတာဖြစ်တဲ့တွက် ဒီအမေပါးစပ်ပိတ်ယုံပေါ့။
"လာပါအမေရယ် ဟိုမှာမောင်ကကြောင်တောင်တောင်တွေဖြစ်ကုန်ပြီ၊ အမေ့ကိုနောက်မှသားပြောပြစရာတွေရှိတယ် အခုမောင်ကနေမကောင်းဘူး အမေအဲ့ဒါပဲသိထားပေး"
"လာမောင် နိုနိုးတို့သွားရအောင်၊
အခုမောင့်တိုက်ခန်းကိုလိုက်ပို့ပေးမယ် ညကျမှမုန့်သွားစားမယ်"
နိုနိုး~ မောင်~ ဘာတွေလဲ၊ ဒေါ်ကေသီဘာကိုမှနားမလည်တော့ပါ။
စကားဝိုင်းဟာနိုနိုးတို့သားမိနှစ်ယောက်နဲ့တင်ပြီးသွားပြီးတော့ ဇိုက်ကနိုနိုးရဲ့လက်ဆွဲခေါ်သွားခြင်းကိုခံရပါသည်။ သူတို့ပြောနေတာ နားလည်သလိုရှိပေမယ့် ဘာကိုမှမသိတဲ့ဇိုက်ကနားမလည်ပြန်ဘူး။ ပြီးတော့ဇိုက် အဲ့အန်တီကြီးကိုကြည့်မရဘူး။ အဲ့အန်တီကြီးနဲ့အတူ ဇိုက်လက်ကိုဆွဲခေါ်သွားတဲ့ လက်ပိုင်ရှင်ကိုလည်း နည်းနည်းတော့ အင်း~
"နိုနိုးကိုယ့်လက်ကိုလွှတ်!"
အမေနဲ့စကားတွေပြောမိမှာဆိုးလို့ တစ်နည်းအားဖြင့်အလိမ်တွေပေါ်ကုန်မှာဆိုးလို့ အလျင်အမြန်ဇိုက်ကိုဆွဲခေါ်လာတဲ့မျိုးစေခြေလှမ်းတွေတုံ့ဆိုင်းသွားသည်။ မောင်က~ မောင်ကမျိုးစေကိုအော်လိုက်တာ။
"မောင်!"
မယုံနိုင်ခြင်းတွေနဲ့ခေါ်တဲ့မျိုးစေရဲ့အသံကတုန်နေပါလိမ့်မည်။ သို့သော်ဟိုနိုင်ငံမှာလိုရေလိုက်ငါးလိုက်တောင်မဆက်ဆံဘဲ ဒီမြေပေါ်ခြေချတာနဲ့အမျှပြောင်းလဲသွားတဲ့မောင့်လေသံ။ မလာချင်တာ ဒီမြေကိုပြန်မလာချင်တာဒါတွေကြောင့်။
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romansaမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...
