Unicode
I Belonged To You
" ပုံပြင်လေးကတော့ ဒါပါပဲကွယ်။ ကဲ ..မာမီ့သား အချစ်တုံးလေးလည်း မျက်လုံးလေးမှိတ်ပြီး အိပ်ပါတော့နော် "
[ လွန်ခဲ့သော ၁၉ နှစ်ကျော်ခန့်က ]
" ဟင်းး နောက်တစ်ပုဒ် ပြောပြ .."
သူ့ရင်ဘတ်လေးပေါ် ဖွဖွပုပ်ပေးပြီး ချော့သိပ်နေသည့် မာမီ့လက်ကို အတင်းဆွဲထားကာ ၅ နှစ်သားလေး Lee Mark ဂျီကျနေသည်။
" နောက်တစ်ပုဒ် နောက်တစ်ပုဒ်နဲ့ ၁၁ နာရီကျော်ပြီ ခြင်္သေ့ပေါက်ကလေးရဲ့။ မနက်ဖြန် ကျောင်းလည်း သွားရမှာကို အိပ်တော့ "
" အာ့ဆို မာမီ သားနဲ့ အိပ် "
" ဂျီကျလိုက်တာရှင် ..။ မာမီက သားဒယ်ဒီ အိမ်ပြန်မလာသေးလို့ စောင့်ရအုံးမယ် သားရဲ့ "
" ဒယ်ဒီက ဘာလို့ပြန်မလာသေးတာလဲ "
" ဒယ်ဒီ အလုပ်ရှုပ်နေလို့ပေါ့ သားရယ် ..။အိပ်တော့နော် .."
ထိုစဉ် ခြံထဲ ကားဝင်လာသံ ကြားရ၏ ။
" ဟော ပြန်လာပြီ။ မာမီ သွားကြိုလိုက်အုံးမယ်။ သားသားက အိပ်နှင့်တော့နော် "
" ဟုတ် "
" မွ ..Goodnight မာမီ့သားချောလေး "
Markeu နဖူးလေးကို နမ်းခဲ့ကာ စောင် သေချာခြုံ အခန်းမီးတွေ ပိတ်ပြီး ထွက်လာခဲ့သည်။
" ကို ဒီနေ့ အရမ်းနောက်ကျ ..."
တအီးအီး အော်ငိုနေသည့် ကလေးတစ်ယောက်ကိုချီလျက် အိမ်ထဲဝင်လာသည့် ခင်ပွန်းကြောင့် သူမစကားတွေ ရပ်တန့်ပြတ်တောင်းသွား၏ ။ သူမ အမျိုးသားမှာ အရက်မူးနေဟန်ရှိပြီး လက်ပေါ်က ငိုနေသည့် ကလေးလေးကို တဖွဖွ နမ်းရှုံ့နေသည်။ ထို့နောက် ..
" ဖေ့သားလေး..။ ဖေဖေ့သားလေး " ဟုလည်း တတွတ်တွတ် မြည်တမ်းရွတ်ဆိုနေ၏ ။
" ကို ..အဲ့တာ ဘယ်သူ့ကလေးလေးလဲ "
သူမ ကြောင်အ,လျက်သားဖြင့် အမျိုးသားကို မေးမိသည်။
" ဘယ်သူ့ကလေးကမှာလဲ Lee Suyoung ...။ ငါ့ကလေးလေ ဒါ ငါ့ကလေး...ငါ့သား .."
YOU ARE READING
I Belonged To You [ Season 1 ]
Fanfiction💚 MarkHyuck 💚 JaemRen ( RenMin ) [ Unicode + Zawgyi ]