اشرقت شمس يوم جديد كانت تغمض عينيها العسليتين وتزفر لوجود اشعه الشمس علي وجهها وبديق
_: ماما مش كل مره كده عاوزه انام
سعاد: قومي يا اخره صبري قووومي
_: لا مش هقوم هه
سعاد: قومي احسن اجيبلك الشبشب
_: انا قمت اهو وهدخل التوليت
سعاد: ناس مبتجيش غير بالعين الحمره
_: حصل
لبست وخرجت من الاوضه
مرام: مريم يلا هنتأخر علي المعهد
ملحوظه: مرام اخت مريم التوأم
مريم: جايه يا اختي العزيزه
مرام: من امتي الاحترام ده
مريم: انتي وحده مهزقه اساسا مينفعش معاكي غير التهزيق
مرام: محترمه
سعاد: انتوا هتتخانقوا قدامي يلا اخلصوا هتتأخروا
مريم: يالهوووي يلا تلاقيها ساره مستنياني
وخرجوا من البيت والتقت مريم ومرام بساره
ساره: اتأخرتي ليه يا كلبه البحر
مريم: كله من مرام
مرام: كدابه بأصل وشك
ساره: ما انا عارفاها كدابه اصلا الكدبه دي كل يوم بتكدبها ارحمي امي
مريم: خلاص خلاص احنا اتأخرنا زياده بسببكم
ساره ومرام في صوت واحد: خلصت الروح
وصلوا للمعهد
ساره لمريم: ها هتدخلي المحاضره دي بتاعت الاستاذ بهاء
مريم: لا مش هدخلها دي بذات عشان المره اللي فاتت طردني من المحاضره قدام الطلاب
ساره: وياترا عارفه طردك ليه
مريم: هه معملتش حاجه غير اني كنت بضرب الولا عشان عكسني
ساره: صبرني يارب
مربم: خلاص ادخلي انتي انا هقعد في الكفتريا هسمع اعاده متش الاهلي وسموحه لحد ما تخلصي
ساره: ماشي خلاص
مشيت ساره ودخلت مريم الكفتريا وكانت بتسمع المتش وتزعق علي كل هجمه للاهلي ضايعه
عم حسام: اهدي يا مريم مش كده كل يوم تاجي الكفتريا وتقعد تزعقي الزباين تعبت من صويتك
مريم: اعمل اي بس هو ده لعب وبعدين دي احلا كافتريا عشان بتاعتك ياعم حسام
عم حسام: ايوه كولي بعقلي حلاوه ماشي يا ستي براحتك
عم حسام هو وماشي في شخص نادا عليه
الشخص: عم حسام انت صح
عم حسام: اه يبني تأمر بحاجه
الشخص: هيا مين البنت دي
عم حسام: دي مريم بنت بتحب الكوره كل يوم تاجي تسمع المتشات بتاعت الاهلي بس بنت محترمه من الاخر بس عليها صويت مقلكش اكيد شفت
الشخص بضحك: اه شفت
عم حسام: باين عليك جديد هنا صح
الشخص: اه انا جديد هنا
عم حسام: تطلب حاجه تاني
الشخص: لا شكرا ياعم حسام
ذهب عم حسام وظل هو ينظر إليها نظرات اعجاب
عند مريم وساره
مريم: ها واخيرا جيتي اي حصل في المحاضره بقي
ساره: كانت ممله كلاعاده
مريم: اي الجديد
ساره: اي حصل في المتش
مريم: محصلش بس محمد شريف ضيع علينا انفراض وهدف محقق 100٪
ساره: اي الجديد بس بحبه جدا
مريم: حبك برص يختي يلا نروح المحاضره الجايه عشان انا تعبت عاوزه اروح البيت
ساره: انتي لحقتي تتعبي
مريم: اه لحقت ويلا بلاش كلام كتير
ساره: يلا يا اخره صبري
ومشيوا راحوا المحاضره وبعد كده رجعوا البيت.
---------------------------------------------------------------
في بيت احمد الجارحي
بتفتح باب البيت
مريم: انا جيييت
احمد: واخيرا جيتي ياحبيبتي
مريم بحب: بابي وحشتني
احمد وهو بيحضنها: وانتي كمان وحشتيني يا حبيبه بابا
مريم: عامل اي يا كابتن
احمد: تمام يا كابتن
مريم بضحك: اي مفيش متشات نسمعها
احمد: لا بكره وعليكي خير
مريم: ياااه لسه هستنا
احمد: اهمدي شويه دا انتي بتسمعي المتش مرتين
مريم: بحب الاهلي اعمل اي
احمد: كلنا بنحب الكيان الكبير
مريم: ياااه يا بابي نفسي اتجوز لاعب كوره
احمد: عيوني هجوزك لاعب كوره
مريم: هاااااااي
سعاد: بطلي صويت في اي
مريم: بابا قالي انه هيجوزني لاعب كوره
سعاد بنفاذ صبر: يارب البنت وابوها صبرني يارب
مريم: انا طالعه فوق اغير
سعاد: طب ماشي وابقي انزلي عشان العشا هيجهز
مريم: حاضر
طلعت فوق غيرت هدمها واخدت شور
سعاد لمريم: هيا فين مرام
مريم: رحت مع ساره هتشرحلها درس مش فهماه
سعاد: اه ماشي طيب يلا انزلي عشان تاكلي معانا
مريم بتعب: ااااه لا مش قادره تعبانه انا هنام
سعاد: يو عليكي يا بنتي جسمك ضعف من قله الاكل
مريم: تعبانه عاوزه انام
سعاد: طيب ارتاحي
مريم: تصبحي علي خير يامامي
سعاد: وانتي من اهل الخير ياحببتي
نزلت سعاد وظلت مريم تفكر في يومها الذي لم تحدث فيه اي شئ جميل غير رأيه الاهلي ظلت تفكر حتي غاصت في النوم.
----------------------------------------
كان شاردا يفكر فيها بأعجاب شديد
الخادمه ناهد: محمد بيه العشا جاهز المدام شريهان مستنياك تحت
محمد بعدما فاق من شروده: هااا لا مش عاوز اتعشا قولي لماما نام
ناهد: امرك يا بيه
ثم خرجت
محمد: اي اللي حصلك يا محمد اهدي كده بس هيا مين البنت دي وشغلاني ليه
ظل يفكر ثم غص هو الاخر في النوم.
يفوز هدوء الليل بأعظم شعور.
عاشقي إنى أرى العمر في عينيك مغفرة قد ضل قلبي فقل لي كيف أهديه.
بالمختصر احب يوما أتى بك إلي
أحب النادرماله بخلق الله شبيه وأحب الثقيل الي مايملي عينه أحد.
ومن شدة تأثير كلماتك على قلبي أشعر أنني لا أستطيع أن أمنع نفسي عن الابتسامة معك.
------------------------------------------------
ياريت يكون البارت نال اعجابكم❤❤
أنت تقرأ
عندما نقع في الحب
General Fictionلم أقع في حبك بل وقع العالم من عيني حين أحببتك وستتم محاكمتك علنا سيكون القاضي قلمي ومقر المحاكمة دفتري أما الشهود كالتالي أرق ملازم للعين وشظايا قلب متناثرة.
