في الصباح
استيقظت مريم ودلفت للمرحاض وارتدت بلوزه ذات رقبه باللون الاحمر وبنطال باللون الاسود وشعر مفرود
مريم: اسرااء قومي بقي كفايه نوم
اسراء بنعاس: لا خمس دقايق تاني
مريم: يابنتي هنتأخر علي المعهد
اسراء بنعاس: لا مش هنتأخر
مريم فكرت قليلا ثم قالت: خلاص براحتك هنزل افطر سندوتشات جبنه رومي وهخلصها كلها
انتفضت اسراء من الفراش: لااااا اهو صحيت
مريم بضحك: طيب يلا اللبسي ومستنياكي تحت
اسراء: طيب ثواني واكون جاهزه
خرجت مريم من الغرفه
مريم لاحمدوسعاد ومرام: صباح الخير يا عائلتي العزيزه
احمد: حبيبه بابا صباح الورد
مريم احتضنته واحتضنت سعاد وكذالك مرام
مرام: اي الروقان ده اللي ظهر اليومين دول
مريم: عادي
مرام: عادي في المعادي
مريم: عاوزاني اضحك يعني
مرام: بايخه صح
مريم: جداااااا
اثناء حديثهم نزلت اسراء وهيا ترتدي بلوزه باللون النبيتي وبنطال باللون الاسود وشعرها مفرود
اسراء للجميع: صباح الخير
مرام: مين دي
مريم: دي اسراء صحبتي جات معايا امبارح والوقت اتأخر وقعدت معايا
مرام: اه اهلا يا اسراء
اسراء: اهلا بيكي
احمد: اتفضلي يا بنتي واقفه ليه اقعدي افطري
اسراء وهيا تجلس: عمو كنت عاوزه اطلب منك طلب
احمد: اطلبي يا بنتي
اسراء: انا من المنوفيه وجيت القاهره عشان المعهد وعايشه في سكن لوحدي وعاوزه مريم تاجي تقعد معايا
احمد بتفكير: طيب اي رأيك يا سعاد
سعاد: انا عن نفسي موافقه
احمد: وانتي يا مريم
مريم: نفسي بجد اني اخد سكن واعتمد علي نفسي وكمان هتبقي فرصه اني اركز في مذاكرتي
احمد: انا موافق
مريم بفرحه: شكرا يا احلي اب
احمد: وامتي هتروحي
مريم: انا حضرت شنطتي وهمشي النهارده
احمد: اه ماشي ربنا معاكم وخدوا بالكم من نفسكم
مريم واسراء: حاضر
مريم: طيب يلا احنا يا اسراء هنتأخر علي المعهد
اسراء: لا استني مش شيفاني بفطر
مريم وهيا تحدق بأسراء: يلا نمشي وهفطرك هناك
اسراء: طيب
ثم خرجوا من المنزل وقابلوا ساره واتجهوا الي المعهد
---------------------------------------------------
في شقه مغربي
استيقظ محمد من النوم ودلف للمرحاض وارتدي تيشيرت باللون الابيض وبنطال باللون الاسود وكوتشي باللون الاسود
دخل محمد غرفه مغربي
محمد: مغربي اصحي يابني
مغربي: سيبني شويه
محمد: اخلص هنتأخر علي التمرين
مغربي وهو يعتدل: يوووو طيب اهو قومت
محمد: يلا عشان هنفطر ونروح التمرين النهرده يوم مهم جدا بالنسبالي وانت عارف
مغربي وهو يغمز لمحمد: لعبت معاك
محمد: انا هخرج خلال خمس دقايق الاقيك جاهز
ثم خرج
رن هاتف محمد
محمد: صباح الخير يا اجمل ام في الدنيا
ناهد ببتسامه: صباح الخير يا حبيبي عامل اي
محمد: كويس طول ما انتي كويسه
ناهد: انا كويسه يا حبيبي
محمد: فطرتي ولا لا
ناهد: اه فطرت وانت
محمد بتوتر: ااااه فطرت فطرت
ناهد: بجد
محمد: اه ولو مش مصدقاني اسألي مغربي
ناهد: لا مصدقاك خلاص اي انت رايح التمرين
محمد: اه مغربي بيلبس وخارج اهو
ناهد: ربنا معاك يا حبيبي انا حاسه انك هتجيب جول النهرده
محمد: يارب يا امي ادعيلي
ناهد: ربنا معاك يابني وتحقق كل اللي بتتمناه
محمد: بحبك انا اساسا
ناهد: وانا بحبك يلا عشان متتأخرش
محمد: ماشي يا امي
ثم اغلق
محمد: اخلص يا زفت الخمس دقايق خلصوا بدري
خرج مغربي من الغرفه: اهو انا جاهز
محمد: يلا طيب
ثم خرجوا واتجهوا للملعب التتش
---------------------------------------------------
وصلوا للمعهد
ساره: مريم انا مش هاجي معاكم المتش
مريم: ليه
ساره: ماما معاها ميعاد عند الدكتوره ولازم اروح معاها
مريم: خلاص مش هنروح
ساره واسراء بتوتر: لااااا لا
مريم بعدم فهم: لا ليه
ساره: اااي لا مينفعش متروحيش يا بنتي الشاب عزمنا ولازم تروحوا مينفعش هيكون عيب في حقه
اسراء: اه ساره معاها حق وبعدين هنروح البيت مش هنعمل حاجه
مريم: طيب
ساره: يلا بقي نروح المحاضره
مريم: يلا
ثم دخلوا المحاضره
---------------------------------------------------
في مكاننا ما
____: هااا دخلوا المحاضره
الشاب: اه دخلوا يا بيه
____: طب كويس
الشاب: هو انت عاوز منهم اي
____: وانت مالك انت تعمل اللي بطلبوا منك بضبط ومنغير نقاش
الشاب: اسف يا بيه
____: لو حصل اي تطور ابقي قولي
الشاب: امرك يا بيه
ثم اغلق الخط
____: لما نشوف اخرتها معاكي ايه
--------------------------------------------------------
كانت شارده في المحاضره
اسراء: مريم مريم مريم
فاقت من شرودها: هاااا اي في
اسراء بغمزه: كنتي شارده في ايه
مريم بتوتر: اايي شردت عادي
اسراء بضحك: عادي برضوا
مريم: اوووف اسكتي خليني اركز في المحاضره
اسراء بغمزه: تركزي فييي
مريم: اخرسي
صمتت اسراء وظلت تضحك
انتهت المحاضرات وخرجوا من المعهد
ساره: طيب يلا انا همشي عشان متأخرش وانتوا عشان متتأخروش علي المتش
مريم: انا بقول منرو....
قاطعتها ساره: لااااا قولت اي انا يلا باي
ثم تركتهم وذهبت
اسراء: يلاااا يا مريم مش هنخسر حاجه ولا انتي مكسوفه منه
مريم بتوتر: مييين
اسراء بغمزه:محمد ياسر
مريم بتوتر: اااي لا طبعا يلا امشي قدامي
ثم ذهبوا وهما يتبادلوا الحديث
--------------------------------------------------
في التمرين
كان ينظر الي المقاعد ويزفر
كريم: مالك يا جميل باين عليك مستني حد
محمد: مش مستني حد
كريم: اعتبرني صدقتك
محمد: الكابتن نزل التشكيله ولا
كريم: اهو خلاص هتنزل دلوقتي
ثم جاء مغربي
مغربي: التشكيله نزلت انا ومحمد اساسي وانت يا كريم تبديل
محمد: الحمدلله
ثم نزلوا اللي الملعب يسون عمليات الاحماء
مغربي: مجوش
محمد بحزن: لا
مغربي: انت متاكد انهم قالوا جايين
محمد: اه
ثم نظر وجدهم يجلسون علي المقعد
محمد بفرحه: واخيرا جت
مغربي: فين
محمد: هتلاقيهم قاعدين في المقعد التالت
ثم نظر مغربي لاسراء
مغربي: هيا حلوه كده ليه
محمد بعصبيه: ولا لم نفسك
مغربي: مش دي اللي لابسه بلوزه نبيتي
محمد: لا مش دي يا غبي اللي جمب اللي لابسه نبيتي
مغربي: طيب مين اللي لابسه نبيتي
محمد: دي اسراء صحبت مريم
مغربي: مرتبطه
محمد: هااا
مغربي: اي اطرشت مرتبطه بقولك
محمد: لا ليه
مغربي: لا مفيش
محمد: طيب يلا ندخل عشان المتش هيبدأ
مغربي: يلا
ثم ذهبوا الي الداخل للاستعداد للمباراه
-----------------------------------------------
وصلوا الي الملعب
مريم: هنقعد فين
اسراء: تعالي هنا
جلسوا
اسراء: اهو محمد
مريم : اه شفته
اسراء بغمزه: وبيبص
مريم بتوتر: هاااا مين قلك يمكن بيبص علي اللي ورانا
اسراء: وكمان حوله
مريم: لمي نفسك
اسراء وهيا تنظر: مريم
مريم: هااااا
اسراء: مين اللي جمب محمد ده
مريم: هاا معرفش
اسراء: لا لازم تعرفي دا الولا مز اووووي
مريم: لمي نفسك يا زفته
اسراء: وكمان بيبص علينا الحقي
مريم: انا غلطانه اني جيت هقوم
اسراء: لااا خلاص خلاص اهو سكتت
مريم: مسمعش صوتك لاخر المباراه
اسراء: طيب بس بشرط
مريم: اي هو يختي
اسراء: تعرفيني علي المز ده
مريم: صبرني يارب
اسراء: وشك فقر دخلوا
مريم: محدش فقر غيرك
ثم ظلوا يتحدثوا لأن تبدا المباراه
---------------------------------------------------------
يارب البارت يعجبكم♥♥♥♥♥♥♥♥♥♥♥♥♥
أنت تقرأ
عندما نقع في الحب
Ficção Geralلم أقع في حبك بل وقع العالم من عيني حين أحببتك وستتم محاكمتك علنا سيكون القاضي قلمي ومقر المحاكمة دفتري أما الشهود كالتالي أرق ملازم للعين وشظايا قلب متناثرة.
