مريم: نعم
محمد: انا عاوز اعرفك
مريم: ازاي
محمد: يعني عاوز اعرف انتي مين ومنين وعايشه ازاي كده
مريم: ليه
محمد: ممكن تقولي فضول صديق
مريم: فضول!!!
محمد: اه يلا جاوبيني
مريم: انا وحده من عائله ولا فقيره ولا غنيه متوسطه مديا وعايشه مع ماما وبابا واختي وفي معهد وفي اخر سنه وبحب الاهلي جدا طبعا بس
محمد بنظرات اعجاب: هو في كده
مريم بستفهام: ايه!!
محمد: لا مفيش
مريم: وانت احكيلي عن نفسك
محمد: انا عايش مع امي بس واخواتي عايشين برا وقاعد انا وامي لوحدنا وكذالك بابا ولاعب في النادي الاهلي ومش مرتبط
مريم بتوتر: وانا مالي يا لمبي وبعدين مسألتكش إذا كنت مرتبط ولا لا
محمد: ومالك متوتره كده ليه
مريم: ولا متوتره ولا حاجه بس النهارده الجو حر
محمد: اه فعلا
نروح عند العاشقين
اسراء: انا عاوزه اعرف حاجه
مغربي: حاجه ايه
اسراء: لا مش هينفع هنا
مغربي: تعالي في طربيظه تاني
اسراء: لا لا هيشكوا انا هتصل بيك بكره ونتقابل
مغربي: ماشي
اسراء: انت مطلبتش حاجه
مغربي: لا مهو اللي انا عاوزه قدامي
اسراء بخجل: ايه مش فاهمه
مغربي: اي الخدود الحمره دي انتي اتكسفتي
اسراء: وهتكسف ليه يعني
مغربي: معرفش بقي
اسراء: دا انت رخم
مغربي: الله الله مهو اتعودنا وبقينا بنشتم
اسراء: انا مشتمتش
مغربي: طيب يعني ايه رخم
اسراء: تصدق معرفش استني اسأل مريم
مغربي: لاااا لااا سيبيهم يحبوا في بعض
اسراء: يحبوا في بعض!!!!!
مغربي: هقولك بعدين لما نتقابل بكره
اسراء: طيب
مريم: طيب احنا نستأذن لازم نمشي معانا محاضره
اسراء: ليه بس خلين.....
مريم وهيا تضرب اسراء في كتفها: هااااا يلا
محمد: طيب مش هشوفك تاني
مريم: لا انشاء الله هنشوف بعض في اي وقت عاوزنا نتقابل اتصل بيا
محمد: اوك باي
مغربي بأعجاب: باي يا سوسو
مريم ومحمد في نفس الوقت: سوسو!!!
مغربي بتوتر: ايي في صحبتي وبدلعها
محمد: قولتلي صحبتك
مغربي: اه يلا باي
اسراء بخجل: باااي
ثم ذهبوا وظل محمد ومغربي
محمد: سوسو هااااا
مغربي: في ايه ياعم علقت في الكلمه
محمد: لا معلقتش يلا مستنيك تتكلم
مغربي بتوتر: اتكلم اقولك اي
محمد: اخلص
مغربي: يووووه انا معجب بأسراء
محمد بضحك: الله واكبر مبروك
مغربي بضحك: الله يبارك فيك
محمد: طيب يلا نقوم بقي عشان منتأخرش علي التمرين
مغربي: يلا مش ناقصين يتخصم مننا
ثم نهضوا وذهبوا
-----------------------------------------------------
عند مريم واسراء
مريم: سوسو صح
اسراء بتوتر: هاااا
مريم: يلا احكيلي اي موضوع سوسو ده
اسراء: عادي يا بنتي
مريم: اخلصي
اسراء: بصراحه انا معجبه بمغربي
مريم ببتسامه: والله وحبينا
اسراء بخجل: بس بقي يا مريم
مريم: لعبت معاكي
اسراء: مريم
مريم: هااا
اسراء: هو معجب بيا صح
مريم بغمزه: باين علي وشه اووي انه معجب
اسراء: وهو ده اللي بحاول افهمهولك ان محمد ياسر وشه باين اووي انه معجب بيكي اووي اوووي زي ما انتي شايفه الاعجاب علي وش مغربي
مريم: يلا يا اسراء هنتأخر زمانها ساره دخلت المحاضره
اسراء: مريم ولو قولتلك اديله فرصه
نظرت لها نظرات حيره
مريم: اسراء نتكلم بعدين في الموضوع ده يلا نروح المحاضره هنتأخر
اسراء: يلا
ثم دخلوا المحاضره
ساره: اي حصل
مريم: ايه حصل
ساره: يعني اتكلمتوا قولتوا ايه
مريم: بقينا اصحاب عادي بس
ساره: صحااب وانتي يا اسراء
مريم: احكيلها يا سوسو وغمزت لاسراء
ساره: لا في حاجه في ايه
اسراء: بقينا اصحاب
مريم: اصحاب اه
ساره: طيب يختي
اسراء: مريم قالك امتي هتتقابلوا ولا لا
مريم: لا
ساره: هيتصل بيكي اكيد لما تروحي
مريم: هو انتوا ليه محسسيني انه خطيبي وانا معرفش
اسراء: هيتصل ولو متصلش يبقي مش خطيبك
مريم: المحاضره هتبدأ
ثم بدأت المحاضره
بعد ساعه انتهت المحاضره
اسراء: مريم مريم مريم
مريم: هاااا
اسراء: مالك سرحانه في ايه
مريم: مفيش بس تعبانه شويه
اسراء: يلا نروح طيب
مريم: يلا يا ساره
ساره: لا روحوا انتوا هروح مع وحده صحبتي هنروح نتغدا في مطعم
مريم: طيب يا حبيبتي باي
ثم ذهبوا الي المنزل
--------------------------------------------------------
في التمرين
محمد: مغربي يلا رحت فين
مغربي: لا مفيش
كريم: مفيش ازاي بقي احكي
عمار حمدي: شكلوا صاحبنا حب
مغربي: خلصتوا عاوزين ايه
كريم: مين هيا قولنا
مغربي: وحده علي اساس لو قولتلك اسمها هتعرفها
كريم: لا بس عاوز اعرف اسمها
مغربي: لا يا خفيف
عمار: بتحبها للدرجادي
مغربي: هو مش حب لسه بدري قول اعجاب
عمار: انت تعرفها من امتي
مغربي: من النهارده
عمار: اه يعني من نظره وحده صح
كريم: ايوووه بقي
مغربي: بس يا خفيف
كريم: طيب.... محمد ليه مش ببتكلم
محمد: عادي بسمع
كريم: بتسمع ولا انت خلاص معجب زيه
محمد: لا مش معجب انا بحب وخلاص كلها كام يوم واروح لاهلها
كريم: بجد ده خبر حلو الف مبروك يا حبيبي
عمار: الف مبروك يا امبراطور
محمد: الله يبارك فيكم يا صحابي
كريم: مين الاميره اللي قدرت انها تخطف قلب الامير
محمد: هتعرفها لو قولت اسمها
كريم: انت زيه ولا ايه
مغربي: اه زيي
كريم: طيب انت يا مغربي تعرفها منين
مغربي: صحبت حبيبه محمد
كريم: الله واكبر طب وانا
مغربي:خلاص راحت عليك
محمد: في الاصل مرحتش عليه في ساره صحبتهم
كريم: الله اسمها حلو يارب تكون حلوه زي اسمها
محمد: مش مهم الحلاوه المهم الجمال الداخلي
كريم: طيب ساره دي حلوه
محمد: اه عادي
كريم: انت بتعاكسها قدامي يا حيوان
محمد: انت مجنون يلا انت اللي بتسأل وبعدين انا معايا وحده ماليا عيني
مغربي:اه وانا ماليا عيني كمان
كريم: ايه جو المرتبطين ده
محمد: روح يلا يا سنجل
مغربي لكريم: سنجل يا سنجل
كريم: طيب ساره دي اشوفها ازاي
محمد: شوفها في معهد اللي بروحوا انا ومغربي
كريم: يا خفيف هعرفها ازاي
محمد: ابقي اخدك مره معايا واعرفك عليها
مغربي: وليه ميتعرفوش في خطوبتك
محمد: ممكن
كريم: طيب انا مستني
مغربي: شباب
كريم محمد: ايه
مغربي:اي رأيكم تاجوا عندي النهارده ونسهر سوا ونحتفل بحبنا انا ومحمد
محمد: انا موافق
كريم: ماشي موافق
مغربي: طيب غيرو هدومكم ويلا
ثم بدلوا ملابسهم وذهبوا للمنزل
------------------------------------------------------
في منزل اسراء
مريم: اسراء العشا جاهز
اسراء: الله ايه السفر دي بجد محظوظ اللي هياخدك
مريم: فعلا محظوظ
اسراء: طيب نتكلم ولا هتتهربي
مريم: لا بس تعالي نتعشا الاول ونتكلم علي رواقه
اسراء: ماشي بس بجد السفره تحفه
مريم: انا شيف
اسراء: بجد منين اتعلمتي ده كله
مريم: انا كنت باخد كورسات طبخ قبل المعهد
اسراء: الله طب وانا عاوزه كمان
مريم: لما نخلص السنه الهباب دي ابقي نروح انا وانتي
اسراء بحزن: طيب اهلي هيرضوا اني افضل هنا في القاهره
مريم: اكيد هيوافقوا او ممكن تحصل معجزه وغمزت لاسراء
-----------------------------------------------------
يارب البارت يعجبكم❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
أنت تقرأ
عندما نقع في الحب
Tiểu Thuyết Chungلم أقع في حبك بل وقع العالم من عيني حين أحببتك وستتم محاكمتك علنا سيكون القاضي قلمي ومقر المحاكمة دفتري أما الشهود كالتالي أرق ملازم للعين وشظايا قلب متناثرة.
