الفصل الخامس
المطلقه
خرج نائل من الغرفه بسرعه وقاسم من غرفته ونزلوا الي الاسفل فوجدوا رجل في السبعينات تقريبا وخلفه رجاله ويمسك سلاحه فاشار نائل الي الجميع ان يبتعدوا ثم تحدث مردفا: اهلا يا حج محسن اتفضل
محسن بعصبيه: لا اهلا ولا سهلا يا نائل بجا هي دي اخرتها بنتي لسه دمها منشفش في تربتها وانت رايح تتجوز عليها للدرجادي كانت رخيصه عندك اكده... خلاص هات حفيدنا نربيه عندنا بدل ما تنساه هو كمان زي ما نسيت بنتي
تنهد نائل بضيق ثم نظر الي قاسم وتحدث مردفا: حج محسن اهدي وتعالي ندخل نتكلم جوه مينفعش نوجف نتكلم اهنيه اكده جدام الكل
نظر محسن حوله ثم اشار للحراس بالانتظار ودخل مع نائل وقاسم وجلس ثم تحدث بحده مردفا: عايز تجول اي يا نائل... مفيش كلام تجوله
نائل بضيق: يا حج محسن انا مستحيل انسي عايده مهما حوصل وصدجني انا عملت اكده علشان انتجم من ال جتلها... لازم تكون واثق فيا ولو زياد عايز يعيش معاكم انا معنديش مشكله مع انك عارف ان المفروض ابني يبجي معايا بس علشان انا مش حابب ازعلك اسأله ولو عايز يعيش معاك هنحضرله كل حاجه وبكره ان شاء الله انا هجيبه بنفسي.... اطلع يا قاسم هات زياد
نهض قاسم من مكانه وظل محسن يستمع لكلام نائل فهو ليس زوج ابنته فقط ولكنه اعتبره مثل ابنه الذي لم يرزق به وله مكانه خاصه عنده لذا اقتنع بكلامه فورا ووثق فيه فهو يعلد ان نائل لم يخدعه وبعد دقائق نزل زياد وركض بسرعه تجاه جده ثم تحدث بسعاده مردفا: جدوا حبيبي وحشتني جووي
محسن وهو يحتضنه: وانت كمان يا ابن الغاليه.. وحشتني جوي.. عانل اي يا حبيبي
زياد بابتسامه: كويس وبابا فسحني وجابلي لعب وهدوم جديده
ابتسم محسن فتحدث نائل بابتسامه مردفا: حبيبي جدوا عايزك تروح تعيش عنده انت اي رأيك
عبس وجه الصغير ثم تحدث مردفا: طول العمر
نائل بضيق: ايوه يا حبيبي بس هتبجي تيجي اهنيه لما تحب
زياد بتذمر: لع.. انا عايش اعيش اهنيه وابجي اروح ازور جدو او جدو يعيش معانا اهنيه
محسن بابتسامه: انا مينفعش اعيش اهنيه يا حبيبي.. بس انت اجعد في المكان ال يعجبك لو مش عايز تيجي معايا خلاص
زياد: هبجي اجي ازورك يا جدو كل يوم
محسن بابتسامه: ماشي يا حبيبي.. يلا اطلع بجا نام علشان مدرستك
ابتسم زياد وقبل جده ووالده وعمه وصعد الي غرفته فتحدث محسن مردفا: حفيدي امانه عندك يا نائل واتا واثق فيك
نائل بابتسامه: وانا مستحيل اخون ثقتك يا حج
ابتسم محسن ثم احتضنه وذهب انا في الاعلي كانت سلسبيل تقف تستمع اليهم بعدم فهم حتي صعد مائل ودخل الي غرفته فتحدثت مردفه: يعني اي متجوزني علشان تنتجم من ال جتل مرتك.. هو انا اي ال دخلني في ال جتل مرتك
نائل بضيق وبرود: انا مش عايزك تسألي عن حاجه جوازنا هيستمر لفتره لحد ما اخلص شغلي وبالمقابل هيكون ليكي بيت انتي وبنتك ومحدش هيجدر ياخدها منك ومصاريفكم كلها هتوصلكم كل اول شهر + ارض بأسمك هتطلعلك فلوس كل شهر تجدري تصرفي بيها علي نفسك وبنتك وهنجلها للمدرسه ال فيها زياد دي مدرسه خاصه واحسن من بتاعتها بكتير اظن اكده انا هكون عملت ال عليا
سلسبيل بدهشه: والمقابل هيكون اي؟؟ انا هدفع اي علشان اخد كل دا
نائل بضيق: ولا اي حاجه كل ال مطلوب منك تفضلي حامله اسمي في جسيمه الجواز وبس المقابل انك تكوني مرتي وبس ومتخافيش انا مش هلمسك بس لازم نجعد في نفس الاوضه وياريت متسأليش عن اي حاجه انتي هتنامي علي السرير وانا هنام اهنيه علي الكنبه ومش مكلوب منكاي واجبات حتي ابني جدتوا وعمتوا هيعملوله كل حاجه... تصبحي علي خير
