الحلقة التاسعة 🌸
وصلو لسبيطار دخلوها لغرفة العمليات و قعدو يسناو حنان تبكي و عليلو يسكت قعدت 2 سوايع داخل حتى خرج طبيب
طبيب:شكون قريب مريضة
حنان:انا ختها
طبيب:ختك جاها انهيار عصبي و حاولت الانتحار قريب خسرناها مي الحمد لله
حنان:مرسي طبيب نقدر نشوفها
طبيب:وي تفضلي. دخلو شافوها قعدو يسناو واحد الساعة فطنت
حنان:ختي راكي مليحة
سيلين:وي متخبروش ماما و بابا ولا حتى واحد
في زوج :اوك
حنان:نعيط لماما تقولها رانا عند حبيبتي. راحت حنان و راح علي لدارهم منشع دخل كي ثور كانو كامل مجمعين راح لخوه يونس ضربو ببونية و دخل عليه ضرب حتى ناض يونس ضربو دخلو موح و كريم سلكو
علي:كلو بسبابك ... نتا نتا سبة تفو عليك طحان
يونس:واشبي قسامك تهدر هاكا نسيت بلي انا خوك كبير
علي:قود منا و فوق مرانيش خوك و خرج تبعو كريم حكالو نخلع راحو ليها لسبيطار عيطتلو يماه عايشة
عايشة:الو وليدي واشبيك علاش درت هكك لخوك
علي:يما دمرها خسرها قتلها و هي عايشة راهي كي جسم بلا روح
عايشة:شكون وليدي
علي:وعديني متقولي لحتى واحد
عايشة:وعد
علي:صح وجدي روحك ضرك نجي نديك راح علي جاب يماه . عايشة غير شافتها بدات تبكي و عنقتها فاتت ساعة و سيلين ولا حرف راحو لدار قعد علي و حنان معاها طلع نهار و سيلين مرقدتش قاعدة غير طل من تاقة ناض علي
علي:صباح الخير زين صافا
سيلين:......
علي: علاش راكي ديريلي هاكا سيلين ياك أنا خوك
سيلين:...... اديني لدار
علي:اوك .جا طبيب قالو لازم طبيب نفسي و مدلها دوا و خرجت راحت لدارهم ديراكت بيتها غلقتها و رقدت. حنان ناضت تبكي عنقها علي و قالها:اششششت عمري متبكيش خلاص كلش يفوت
حنان:يا عليلو هذي ختي دمي قطعة مني علاه مسكينة
علي:مكتوب نصبرو و خلاص. باسها من جبينها و راح طاح ليل رقدو و طلع نهار ناض يونس دوش و كان خارج طل على تاقة سيلين صابها دايرة ريدو تنهد و راح. فاتو 15 يوم و كل واحد هاكا سيلين تخرج تاكل برك تروح تقرا متهدر مع حتى واحد حنان و علي تقربو و بصح سيلين و حنان قطعو دار عايشة و عايشة متحيرة عليهم بصح علي يطمنها و يونس ندم و مزادش شاف سيلين توحشها بزاف بصح واش من وجه يقابل بيه. كان قاعد عيطتلو كامي تبكي
كامي:بب راني اونسانت
يونس:كيفاه اونسانت عندنا 4 شهور ملي جينا و ممسيتكش راكي متاكدة
كامي:ايييه وليدك
يونس:اوك اوك راني جاي خرج راح ليها داها لطبيبة صابتها اونسات و راحو
يونس:سمانة هذي نتزوجو
كامي:اوك بب وصلها لدارهم و راح
سيلين:ماما راني قابلة نتزوج
زينب:اسم الله صح بنتي
سيلين:وي
زينب:يويويويويويويويو فرحت ببنتي غدوة نقولهم يجيو راحت زينب عيطتلهم و راحت لعايشة
زينب:عايشة ختي راهي قررت تتزوج
عايشة تنهدت:كلشي مبروك ختي حكاو شوية و راحت. لحق عشية جات حنان محرشة دخلت ليونس
حنان:فرحت جرحتها سبيتها بسبتك قريب خسرناها ااااه راك فرحان بيان سير راح تزوج حتى هي راح تزوج غدوة خطبتها غدوة راح تخسرها تع صح سيلين راحت خلاص راح تولي مرت راجل وخدوخر و هي غير قالت هاكا تفكر هدرتها كي قاتلو راح يملكني وخدوخر دار قريب ضربها حتى دخل محمد
موح:حنانو روحي لدار ضرك نتفاهم معاه راحت حنان
محمد:واشبيك مقلق
يونس:سمعتها واش قالت راح تتزوج
محمد:ايييه سمعتها و نتا علاه مقلق تحبها
يونس:واش من حب مع مشكل لي راني فيه
موح:خير
يونس:كامي راهي اونسانت بوليدي
موح:امممم هاكا نزيدلك خبر
يونس:قول
موح:سيلسن انتحرت. دار مخلوع يعني لهذي درجة جرحها حتى وصلت لهذي حالة
موح: على هذا عليلو دار هكك عيطولو قالو ايا انا نخليك
يونس راح لعليلو
علي:واش تحوس
يونس:صح صح سيلين انتحرت
علي:ضرك تفكرتها
يونس بعياط:اهدرررر
علي:ايييه انتحرت على جالك و حالتها ماهيش تعجب كانت تروح عند طبيب نفسي و ضرك راهي رايحة تزوج و تروح خسرتها يونس خسرت انسانة جامي رايحة تصيب كيما هي خرج و خلاه
أنت تقرأ
كرونيك: عہشہقہ_ آلصہغہر
Romanceكرونيك بعنواان 👈 عشق الصغر 💞 #منقوولة 🍁 ما لقيتش اسم الكاتبة 💢 #باللهجة الجزائرية 🇩🇿 كرونيك💋💓 عشق الصغر👫 حب❤ تشويق 😁حزن😞 ضحك😂 فيها كلش ان شاء الله تعجبكم 💗 بون نحيلكم شوية على كرونيك و نوصف الابطال كرونيك تحكي على وحدة حبت جارهم من ص...
