الحلقة الثانية عشر 🌸
وصلوا لدار دخلو قالو باباه:معليش وليدي دنيا مكاتيب
يونس:سما ضرك نقدر نتزوج بيها
خالد:شكون!!!!
يونس: سيلين
موح:ههههه يووووو و اخيرا استعرفت بلي تحبها
يونس:نعشقهااااااااا ضحكو كامل عليه و فرحولو(بصح لازم نجرجرو)
ناض راح لدارهم طبطب حلتلو زينب
زينب:اهلا وليدي
يونس:خالتي لاباس
زينب:لاباس و نتا جوز
يونس:معليش نهدر مع سيلين
زينب:راهي في بيتها طلع ليها دخل غير شافتو ضرب قلبها مزالها تحبو حتى هو شافها بفيزو و تريكو مزير تحرك المعلم
سيلين:اخرج
يونس:حتى تسمعيني
سيلين:قلتلك برا.جات راح تخرجو غلق باب بالمفتاح و خباه في سروالو خخههه
سيلين:بركا مجياحة جيب مفتاح
يونس:اجبديه وحدك
سيلين حمارت و قالت: خف اهدر واش تحوس
يونس:سيلين علبالي غلطت في حقك و جرحتك حبيت نقولك اسمحيلي و سيلين دنا ليها شدها من يديها و قالها سيلين انا نعشقك نموت عليك نحبك كنت نحبك من قبل و مزالت بصح مفقتش براحو حتى حسيت راح نخسرك نعشقك ... افهمي والله راني نتعذب بلا بيك شاف في يدها مكاش خاتم خزر فيها شافها حمرة و ترعش جا راح يبوسها مام هي كانت راح تبوسو حتى تفكرت نهار جرحها و تفكرت خطيبها طبعاتو و قالتلو:هههههههههه تحبني بركا ما تجياح كي عرفت بلي خطيبتك ***جيت ليا واش عمبالك أنا لعبة بالنسبة ليك نهار ختك نهار تحبني ياك قلتها بفمك أنا ذراري و مشي مرا ههههه بصح شوف عندي كور اي راجل يتمناه و نزيدلك حاجة نكرهك نكرهك كرهتك اخرج من حياتي رايحة نتزوج روح الله يسهل عليك
يونس نخلع فيها و قال:سيلين نحبك والله نحبك لكان نخسرك منقدرش نعيش مدمرينيش
سيلين دارت لهيك و جاتها بكية حبت تقولو انا ثاني نحبك نعشقك بصح كرامتها منعتها و قاتلو: اخرج برا عليا نكرهك و مدزيدش توريلي وجهك
يونس خلاص انقهر جبد مفتاح و حل باب و راح و هي قعدت تبكي
موح:اسمع نبداو في خطة ولا مزال
****:اييه كيما تحب صحبي
موح:اوك ايا خطوة لي موراها
أنت تقرأ
كرونيك: عہشہقہ_ آلصہغہر
Romanceكرونيك بعنواان 👈 عشق الصغر 💞 #منقوولة 🍁 ما لقيتش اسم الكاتبة 💢 #باللهجة الجزائرية 🇩🇿 كرونيك💋💓 عشق الصغر👫 حب❤ تشويق 😁حزن😞 ضحك😂 فيها كلش ان شاء الله تعجبكم 💗 بون نحيلكم شوية على كرونيك و نوصف الابطال كرونيك تحكي على وحدة حبت جارهم من ص...
