أحببت طيبة قلبك

البارت السابع

               ❤️بسم الله الرحمن الرحيم ❤️
اللهم صل على محمد وال محمد ✨          
اخر رِسالة إلك اكتبها واتلُوه
واخر وصيتيّ إلك احچيّها بالكَوه
وانه أدري بَعد الجرح
مامِش عذُر ما يسوه
بالك تثُق بدرُب ما بي إلك خطُوة
وبالك تِضحي لوطن ما يفهَم الفِدوه
اخذ الحچي ولم دمعَك ونام..
وباچر تِذكرك بيّه الايام
مِن تفتقدني ورايّد تعُود
وتلكَاني بالزيّنات موجُود
اذكُرني مِن تبتسم ، مِن تحزن إنساني
ما أظن نرجع سوه بَس لا تحب ثانيّ
لا تنطي رُوحك تره مو أي بَشر اني
باچر إذا زعلك ما راح تِلكَاني
ما تِلكه مثلي يهدلَك الحيّل
تعبان بَس يسهرلَك الليّل ..😫💔

---------🌼-------------🌼--------------🌼---------

نور ...
مشت ايامنا والكل اتعود على غياب امي الا اني جنت كل يوم اخلي ملابسها بصفي واخذ شيلتها واشتم بيها وادعيلها بالرحمه والمغفره وكل يوم خميس اسوي ثواب الها واسوي ختمات الها هم حياتي أصبحت عبارة عن حزن وشوق لامي
اشوف اخواني عادي يضحكون ويسولفون بس حسوني مرات اشوفه يكعد وحده ويبجي على امي  سمسم حايرة بمسلسلاتها وافلامها وصديقاتها دراستها شبه هملتها لو مااني وراها واحجي وياها علي صار أكثر أيامه ينام خارج البيت وهذا يخليني اقلق وافكر بي واخاف عليا وابويه سوده عليه يضل سهران لحد الصبح من ورا بس بهل الايام تعود عليا وهم والدي تعبان وينراد له راحه ...

نور /علي خويه شنو سالفتك اهواي جاي اتبات خارج البيت والله جاي انخاف عليك وابويه رجال جبير وتعبان يضل سهران لصبح

علي /عليش اتخافون شنو زعطوط كدامج وثاني شي اني عندي شغل بهل الفترة اهواي ويحتاج اطلع واضل برة

نور /لاحشاك خويه بس من خوفنا عليك والله

علي/لتخافين ماكو شي عليا

نور //راح علي للصاله وكعد يم سمسم ضلو يسولفون ويحشش وياها ويداهرها اتمنيت يعاملني مثل سمسم من وعيت لحد هسه هو بس ينتر ويصيح وإذا غلطت عل سمسم لو اتاخرت بشئ يضل يحجي ويغلط ومرات توصل يضربني لهذا جانت امي دائما توكف يمي واصبرني اذكر مرة صار موقف وياي

قبل كم سنه من جنت بالاول متوسط أبويه جان ينطينا مصرف الف لو ألفين اني من نوع الي احب اجمع واشتري لنفسي شي بوكتها جان بنفسي اس
وي گلاده ذهب ناعمه على اسمي
ضليت كلما أبويه ينطيني اجمعهم بلقاصه خلصت الاول متوسط ونجحت لثاني لحد نصف السنة خلصت امتحانات وقررت افتح القاصه مالتي اخذت القاصه ونزلت يم امي وابويه بلصاله

نور /بابا ساعدني اريد افتحها

ابو نور/ادللي بنيتي جيبيها وجيبي سجينه حتى افتحها