أحببت طيبة قلبك

البارت ١٨

"أنضجتني الليالي التي قضيتها وحدي و أنا في حاجةٍ لمن يسمعني أو يهتم لأمري، الليالي التي كانت من مرارتها أيأس من فكرة أنها ستنقضي، و أني سأظل أعيش في متاهاتها كثيراً، نجوتُ منها لكن الأثر الذي أحدثته بداخلي لا يُنسي لأنها جعلتني أكبُر عن عمري الحقيقي بمراحل."

الكاتبه روح القيسي
قصه أحببت طيبت قلبك

لاتنسون تتفاعلون بنات وشاركونها ويا صديقاتكم حتى استمر 💙 مابقى شي ونختم القصه اتمنى يعجبكم دمتم احبكم كلمه ماتفارك لساني

_ها بويه حضري روحج راح اجي حتى انروح نعقد يم الشيخ  جنسيتج محضرتها مو
_اي حضرتها و هسه راح احضر روحي
سد الاتصال واني كمت لابست عباتي أو جبتي ولابست الشال وأخذت موبايلي المستمسكات مالتي وطلعت للصاله انتظر شاهين
كلش متوترة وخايفه بنفس الوقت اخاف اختياري غلط
خليت همي على الله سبحانه وتعالى وهو يعلم بلحال
___________________________________
شاهين
ورا ما اطتني نور جوابها احس ملكت الدنيا كلها
مااعرف شلون صبرت روحي وماكمت حضنتها
طلعت لدوام اخلص شغلي وبعدين انروح نعقد
خلصت شغلي وطلعت لابو الذهب اخذت حلقه
بس بعدين غيرت رائي لأن مااعرف شنو اتحب ومااعرف قياس اصبعها سلمت عليا وطلعت من
المحل خابرت على نور حتى اتحضر روحها

_ها بويه حضري روحج راح اجي حتى انروح نعقد يم الشيخ  جنسيتج محضرتها مو
_اي حضرتها و هسه راح احضر روحي
سديت الاتصال منها وشغلت اغنيه أضعف كدامج بس انته لهيثم يوسف فرحان وشعور مااعرف شنو اوصفه مو مراهق ولا شاب طايش عمري ٣٢سنة فاهم الحياة كلش زين واعرف البنيه الزينه والموزينه لأن شايف اهواي نسوان بحياتي بلقسم وجنت شعرة ماتهزني من اشوف البنات الا نور أضعف كدامها احس بألمها وبوجعها وبنكسارها ترا البنيه شماتكون قويه اتضل محتاجه لسند وانسانه رقيقه صلبه من الخارج وترفه وهشه من الداخل
" لا تَكْرَهُوا الْبَنَاتِ فَإِنَّهُنَّ الْمُؤْنِسَاتُ الْغَالِيَات ُ"

وصلت الشقه اخذت مفتاح الشقه وفتحت الباب
_نور بويه وينج

_ها شاهين هياتني

_يلا بويه جاهزة حتى نروح

_اي جاهزة

_شبيج بويه خايفه ومتوترة اني مو ودعتج ماراح اخليج تتندمين والله

_لا اني عندي ثقه بيك والله بس مااعرف الدنيا شنو ضامتلي

_لاتخافين أبويه انتي أن شاءالله كل الخير ويلا بويه راح نتأخر وتعرفين الازدحامات شلونها ابغداد
_تمام اني ماعندي شي جاهزة