أحببت طيبة قلبك

البارت ٢١

           💙بسم الله الرحمن الرحيم 💙
كُلُّ نظرة إلىٰ وجهكِ هيَ صباحٌ كامل ، وما ضرَّني إن قضيتُ عُمري مهرولًا من صباحٍ لآخر🤍.

الكاتبه روح القيسي
قصه أحببت طيبت قلبك
🌼_______________________________🌼

_تعبانه شاهين اتمنى مانولدت اتمنى اهلي مو اهلي تعبانه شاهين ماتعرف حجم الجحيم الي جنت عايشه يمهم والي جاي أعيشه هسه

_انسي بابا وابدي حياة جديده واني بضهرج

_اتمنى لو بس انسى والله

_ان شاءالله تنسين نور

_ها

_نور اني احبج لاتكولين ليش وشوكت نور اني اعرفج من زمان تعرفين سلطان الي اتخرج هذا يكون اخويه نور ليش ماتحجين باوعت عليها نايمه
ههه لو بس صابرة اشوي يلا اتنامين
اني هم غطيت روحنا ونمت وشلون نومه ويا دجله روحي
___________________________
بعد ماغيرت ضمادات كلش استحيت من شاهين
مو بيدي اول مره رجال يكشف عليا بس هو مااعرف شلون احتواني مااعرف شلون غفيت
كعدت وين الغرفه ضلمه واحس شي ثكيل على صدري باوعت هاي يد ملفوفه على جسمي
عطت
_يمه شاهييييين الحكلي
_هااهاا نور شبيج
_اباوع هذا شاهين شيسوي أهنأ عززا شكد فشله يبوو
_هاا عبالي حرامي
_حرامي هههههههههههه
_شو اباوع عليا هذا يضحك
كمت من افراشي ووكفت ماهمني الالم
_عليش تضحك استاذ شاهين
_اني اعرف الحرامي يبوك مو ينام ويحضنج
_شمدريني يعني نايمه اني واكعد وأشوف أدين فوكاي وبعدين انته ليش نايم أهنأ
_شعليا اني هو انتي خليتيني انام كظيتيها بجي عليا
ولاتعوفني ولاتروح

(عزا شمجفصه اني ادري بروحي أسويها )
_اي بس مو معناها اتنام من شفتني نمت تكدر اتروح
_على المرة الجايه انوب وتددلين بعد تردين شي

_ليش لازم اكو ولا مااريد شي
_اي زين
باوعت على الساعه ب٣الفجر
_هاي احنه شكد نايمين
_اي والله اني ولا حسيت هسه انتي مريضه وعلاجج بس منوم الا أني
_احتمال تعبان أو منايم زين
_اي والله منايم زين واريد اخلص شغلي ان شاء الله حتى ارجع للانبار
(شنو يرجع للانبار واني هم اروح لو شنو )
_ها شوكت اترجع
_اني اليوم اذا خلصت شغلي اسلمه وأخذ كتابي
وانتي بأجر عندج مراجعه يم الدكتور لازم انروح
والثلاثاء أو الاربعاء انروح للانبار
_ها الله كريم بس شاهين
_لا بس ولا غيرها كومي خل ناكل وانتي هم تعاي اگلي شوفي نفسج شلون صايرة وبعدين انكمل حجي واجاوبج على كل أسئلتج
_اني ماجوعانه بس اذا انته جوعان هسه اسويلك أكل
_اي والله جوعان باعي بويه ظل من أكل الغدة لو لا
_اي ظل عدنا هسه احمي إذا أتريد
_اي والله ولو اتعبج بس جوعان
_لا عادي ادلل
طلعت للمطبخ حميت البرياني وصبيتله زبادي بلكاسه واخذتهن وخليتهم بلصاله
ماكو شاهين رحت للغرفه مالتي ماكو
رحت للغرفه ودكيت الباب بس سمعت واحد كال الله واكبر دخلت شفته جاي يصلي ظليت واكفه حتى اكله على الأكل صار يردد بلايات القرأنيه شلون صوت يجنن حتى جسمي قشعر وآلله
_ها بويه محتاجه شي
_الله صوتك يجنن بلقران يشبه صوت فارس عباد
_ماسامعه والله بس ماكلتيلي بويه ردتي شي
_ها نسيت
_هههههه شلون بيا ويا فهاوتج
_لا مو صوت القران من تقرة كلش حلو ونسيت المهم صبيتلك الاكل وخليته بلصاله
_يلا لعد كومي بويه وياي
_تمام
طلع شاهين واني ورا اباوع عليا شلون طول لابس تراكسود اسود ومخطط بأبيض كلش حلو وزايده جمال مو ابيض ولا اسمر حنطاوي بس كلش حلو وشعرة على شكار اباوع شلون يأكل كل هاي الشخصيه وماايحب مامعقوله واخاف يحب ومن وراي اوو كل فكرة سودة تجيني
_شاهين تلفوني وين لأن اخر شي انته أخذته
_شلج بي بنيتي عوفي مو كافي تحزنين وتقهرين نفسج ترا لا عبالج مااعرف لا اعرف أجاي يصير وياج واني مو غبي حتى ماشوف انتي شايفه روحج شلون صايرة باعي نفسج صايرة اعظام لو اعيونج الي منتهيات من البجي