الحلقة 1 :
ممر طويل ... كلش كالم يتسمع غير حس اللومبا تاع الضو .. كلهم راقدين .. غزرت من الثقبة تاع الباب ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نشوف اذا رقدو الفرمليات .. دورت تشوف مع الساعة الزوج تاع الليل ... كبست عالموس الصغير فيدها ..
بيسان؛ نقدر نديرها ... تنفسي .. بالشوي دوك تصلح... دورت الموس فنص الثقبة شوي و تفك
بيسان؛ مزية تدربت عليها ..
باقية تمشي مع الحرف .. بش متحكمهاش الكاميرات .. جات تعدي سمعت حس .. دخلت فاول بيت عارضتها .. لقاتها تاع غرفة التبديل تاع الفرمليات ... زربت هزت طابلية .. هزت مجموعة من البراوات الملقمين .. لبستها مع نواظر و خرجت .. تحاول تمشي بثقة عكس .. الخوف اللي متمكنها... نزلت الدروج بزربة .. تغزر للباب .. هذا هو باب حريتها .. تلفت للريسبسيون... لقاتو راقد .. تنهدت و كملت. للدروج على طرف صوابعها .. حلت الباب ..نسمة هوا ضربتها .. مشات شوي خطوات .. الباب تاع برا مقابلها ..
-وين رايحة مدموزال نظن المناوبة مزال مخلصتش .. من وكتاه الفرمليات يخرجو دوك ؟؟... جمدت فبلاصتها .. متحتاجش تفكير بش تعرف بلي العساس تاع برا.. نزلت راسها ..
بيسان؛ ع ع عندي حاجة مستعجلة ..
- انعم ؟؟ منظنش رانا نخدموا في رزق باباك .. راهو مستشفى خاص تاع الامراض العقلية .. يعني فاي لحظة يمكن تصرا حاجة .. تفضلي كملي خدمتك .. قبل ما نديرلك rapport ...
منعرف وش ندير دوك فكرة اني نتنازل.. و نرجع مش راح تجيني فرصة خلاف ... هاذي فرصة نجاتي .. طلعت راسي غزرتلوا ..
ضيق عينيه .. و مبعد حلهم على وسعهم ..
-بيسان بازري ؟؟؟؟؟؟؟!!!!
تنطرت رشقت فيه البراوات اللي هزيتهم ... جا يستخدم السلاح مبعد تراجع .. ضربني طحت فلرض .. جا راسي فوق الحجرة طرشق بالدم .. حسيت لرض دارت بيا .. حطيت يدي لقيت للدم ... دورت ليه. . لقيتو بدا يحكم في راسو .. بدا يدوخ. .. تقاويت على روحي و نضت .. طاح .. تنطرت نحيتلوا السلاح ..
-مش رايحة تهربي .. انا و انتي نعرفو مليح رجال عايلتك .. في بالك .. مستشفى في غابة ر ..ر .. اح يكون بعساس واحد ؟ دوك يرجعوك كيف كل م م م ر ة
غزرتلوا كي طاح ..
بيسان؛ مقدرتش تحمل الدوا مامپا زوج دقايق و تهدر عليا ..
نحيتلوا المفتاح المعلق...تنطرت نجري حليت الباب.... غزرت حولي .. الغابة من كل الجوايه .. و اصوات الذياب ... بصح ميهمنيش .. عشت مع هاذ الذياب اللي بهيئة بشر خمس سنين .. رايحة نخاف من غيرهم... لازم ميحكمونيش رجالو .. غزرت للسلاح فيدي .. و تنطرت نجري .. منعرفش قداه من مرة طحت .. الكلاكيت اللي لابستها تقطعت ديجا ... حبست نلقط فالهوا ...خايفة ..اني نجري فحلقات مفرغة .. و نغلط نرجع .. وقفت و كملت ..نجري.... منعرف قداه و انا هكاك... حبست كي سمعت صوت انذارات ..
حطيت يدي على فمي.. لحقو يفيقو بهاذ الزربة .. و من قبيل نجري .. كيفاه مبعدتش !! .. بديت نرجف .. دموعي بداو يتجمعوا ...
بيسان؛ لالا يا ربي عاوني .. نجيني منهم يا ربي ..
غزرت لرجليا مجروحين .. مي لازم نكمل .. تنطرت نجري .. صوت الانذارات مزال يتسمع ... جيت نرمي رجلي تزحلقت ... هبطة تهبط للطريق ديراكت ... قد ما سييت نتشبت والو .. طوموبيل جاية من بعيد .. مش بعيد يكونو هوما. . اما فات الفوت .. مع طخت تخبط راسي .. للضو قريب ليا .. عرفتها راح تدهمني .. غمضت عينيا بقوة اخر شي شفتوا الضو .. و دمي كي ساح فلرض من الخبطة ..........
مارك؛ هههههه كيفاه قتلي ؟؟ غلطت ؟ تخسرني 150 مليون دولار تقولي غلطت ..؟؟
- جاو لابوليس و كنت راح نتحكم
مارك؛ يحكموك لابوليس و منحكمكش انا .. ههه متعرفنيش مليح ..على هادي
طرشق الفرد و فرغو فراسو بلا ما يرمش
أنت تقرأ
الفرصة الأخيرة ( باللهجة الجزائرية )
Actionمريضة عقلية ؟ ضحية ؟ وسيلة ؟ أداة انتقام؟ مبقيتش نعرف شكون أنا .. الشي اللي نعرفوا .. أنو لازم نلقا فرصة... و الشي الأكيد أنو هاذي فرصتي الأخيرة .. يا ننجو .. يا نطيح في حفرة .. أسوء من حقنات المجانين اللي كنت نديهم ... لحق الوقت اللي يا نقتل يا ن...
