الفرصة الأخيرة ( باللهجة الجزائرية )

الحلقة 2

الحلقة 2 :
صوت زهقات .. العياط تاع للمهابل .. البراوات و هوما يترشقو فيدي .. الخبيط للعياط ..
تنطرت فطنت .. كان كابوس ! .. غزرت حولي

.. لليل طاح .. منعرف أصلا و كتاه رقدت .. مزلت فنفس للبيت .. جيت نتحرك .. وجعني الجرح .. رحت للدوش غسلتو و قطعت طرف من الريدو ربطتوا عليها .. غسلت وجهي .. و غزرت فالمراية.. ملامحي تمحات.. وليت شبح عايش .. تنهدت .. و دوك نزيد نرجع ..دموعي عاودو تلمو ... رمشت بزربة .. و خرجت .. رحت للطاقة نطل .. عينيا تحلوا من عدد الرجال .. و فخامة القصر

.. باين مش واحد ساهل.. صوب عليا بلا ما يخمم !! .. الرخيس .. هزيت راسي كي دخلت طوموبيل كحلة ... شوي و نزل .. قدموا عندو منعرف وش يحكو .. دورت نتلفت من و من .. بالاك نقدر نهرب منا .. علابالي مستحيل .. مي نحاول خير ما نندم .. دورت لقيتو يشوف جيهة الطاقة تاعي .. زربت دخلت .. رحت نجري طليت من الثقبة تاع الباب ... ميبان والو .. نفخت و مشيت قعدت .. لفيت يديا على رجليا ..
شوي و تحل الباب .. ميشقاش نطلع راسي و نشوف شكون .. خطواتو يقربو .. صوت الكرسي يتكركر .. حتى تحط جنب السرير .. و قعد
مارك؛ ظهرتي تسواي كتر من وش راني طالب ههههه.. 
طلعت راسي غزرتلوا و عاودت نزلتوا .. جبد الفرد حطو قدام رجليا
مارك؛ هزيه .. راو مطبوع بشعار عايلتكم .. طاحلك كي لقيتك ..
بيسان؛ علاه تمدلي فيه
مارك؛ بش تقتليني باينة خلاص
غزرتلوا عملي اشارة بحاجبو تاع هزي
بيسان؛ وش تحب بالضبط
مارك؛ المبلغ اللي كنت نسالهولو و محبش يرجعوا بحكم عقلية لقيت ديت.. دار الزمان و رجعوا بالسيف عليه  .. و بونيس الوقت اللي تعدا عالحكاية كامل تاني معاه ..  اللي هو صفقة كوكايين خسرتها اليوم..  عندكم معارف كبار اه
بيسان؛ و كي ريقلوك علاه مزالني هنا ؟
مارك؛ ممم باسكو كيما نحب ..و منظنش بلي راكي ميتة بش ترجعيلهم
بيسان؛ افضل من اني نتصوب عالهدرة
مارك؛ اوه مزلتي مسامحتينيش عليها ههههه ... هزي الفرد و اخلفيها ..
شوي تقلبت ملامحو سيريو و قحرلي
مارك؛ هزززي و صوبي
تنطرت هزيتو ..
مارك؛ كون متصوبيش دوك نفرغو في راسك ..1 ...2 ...
تنطرت ركحتوا غمضت عينيا و صوبت .. نفسي طالع هابط ..
مارك؛ حلي عينيك *****
حليتهم .. غزرت حولي جات فالحيط ...
مارك؛ تصوبي و نتي مغمضة عينيك !! فهمت علاه باقيين حابسينك خمس سنين فسبيطار المهابل
ڨحرتلوا .. هز حاجبوا
مارك؛ دوك ترجعي يرجعوك ليه هههههه .. بصح في بالي المهابل يديرو كلش .. نتي رصاصة مقدرتيش طلقيها ...
بيسان؛ اختصار هدرتك واش ...منظنش جيت هنا .. بش تحكي برك ..
ضحك بالصوت ..
مارك؛ كون نرجعك بهاذ البساطة يتسما غباء ..
بيسان؛ بينك بينهم .. حبيت تقتلني تاني اقتل.. في بالك مهتمة بزاف بصفقاتكم .. مش اول مرة نكون لعبة مقايضة .. منظنش جربت توصل لنقطة معادش يهمك اذا تعيش ولالا.. دونك دير وش تحب
غزرتلوا ندرا كيف و تكيت عطيتوا بالظهر .. معادش عندي قدرة اني ناقش .. اصلا دايخة من الفشلة ..
مارك؛ كي عدتي مش مهتمة علاش حاولتي تهربي من بين يديهم ..
تنطرت تلفت جيت مقابلتوا .. هزيت الفرد حطيتو على راسي .. تبسمتلوا بسخرية .. عينيه تحلوا ..
بيسان؛ بانتلك كانت صعيبة اني ننهي حياتي .. متنساش مريضة عقل... اه لالا مهبولة .. ...ركحتوا .. مع جيت نكبسوا .. تنطر دزني ..جيت تحتو .. حكم يدي.. .. جات فكتفوا لرصاصة ..
مارك؛(*)
نحالي الفرد .. ركحوا و حطوا فجبهتي ..
مارك؛ حابة تموتي ؟
بيسان؛ ايه ..
باقية نغزرلوا فنص عينيه ..تقعد و قعد...
مارك؛ اوكي نديرو صفقة .. حابة نديرو صفقة ؟
بيسان؛ اه ؟
مارك؛ حابة تتحرري منهم
بيسان؛ وش للمقابل
مارك؛ تعرفيلي شكون الموردين تاعهم
بيسان؛ موردين واش ؟
مارك؛ السلاح الكوكايين وش يعني قوفريط ؟
بيسان؛ وين نعرف انا
مارك؛ كي نرجعك ليهم .. حاولي انك مترجعيش للسييطار .. و ترجعي تعيشي معاهم
بيسان؛ مستحيل يرجعوني ديراكت ..
مارك؛ حاولي مترجعيش .. ياخي نتي معندكش كيد ؟
بيسان؛ حييت تقولي نرجعك عندهم بش نتجسسلك .. بش تمنعني منهم
مارك؛ ايه
بيسان؛ تمنعني منهم و نتا مرجعني عندهم ؟!؟
مارك؛ ايه جيست ما تجمعي المعلومات نهربك فرخ ما يلقاك .. مش هذا هدفك ؟
بيسان؛ و كون يرجعوني للسييطار
مارك؛ نهربك منو .. و نعتبر صفقتنا منهية
غزرتلوا .. على أساس عندي حل و لا خيار
بيسان؛ موافقة ..
مارك؛ ورا ما نرجعك نمدلك تعليمات. ..
تقعد .. خرج ديراكت .. شوي و جات خدامة حطت لعشا قدامي .. غزرتلوا .. قداه عندي مكليتش ماكلة تصلح ..تعشيت و رقدت
الصباح ..
حطيت راسي عالزجاج نغزر للطريق .. قلبي يوجع .. راجعة للسجن .. من جديد .. طلعت راسي كي حبسوا الطوموبيلات ... تلفت غزرتلوا .. يخربش فتيليفونو ..
-وصلنا بوس
طلع راسو .. غزر للطوموبيلات جايين من جيهة خلاف. ...

مارك؛ جات عايلتك السعيدة هههه ڨحرتلوا .. و تلفت

.. نزلوا ..
مارك؛ انزلي ..
جيت نازلة حكم يدي ..
مارك؛ العبيلوا عالمورال بولدو يعني باباك اللي مات .. بش يخليك ترجعي للقصر .. و الباقي ساهل .. و مش راح يشكو فيك .. تمشي الامور .. نهربك لاي بلااد ... هزيتلوا براسي .. عملي براسو انزلي ...
نزلت قدمو رجالو . حاوطوني. .. نزل هو من لجيهة لخرا .. غزرت لجدي واقف من بعيد .. معاه ٱدم .. بلعت ريقي .. قدموا و قدم يحكي معاهم .. للحظة خممت نهرب .. بصح وين في وسط الجيوش هاذي
مارك؛ الامانة هنا كيما وعدت
المقصل؛ خلينا منتلاقاوش مرة خلاف لانو مش راح يكون خير
مارك؛ وه عيب عليك .. هاني حافظت على أمانتكم كيما راكم تشوفو مش مربوطة ... كل طرف فيها في بلاصتو .. رغم اللي تعرفو بلي مكانش رهينة عندي رجعت مجمولة..  و في النهاية عاودت ديت دراهمي..  ياك نلعبوا لعبة لقيت ديت

آدم؛ مفروزة بصحتك هاد المرة
عملهم اشارة بيدو جابوني .. مبعد بعدو تراجعوا ورا السخطة هذا
المقصل؛ هيا هنا
ترددت قدم ٱدم جبدني من كتفي قريب طيرو .. و طرشق الفرد حطو فراسي
آدم؛ قتلك المرة للجاية تهربي .. نمحي جدك  و نهنيك ...