مريضة عقلية ؟ ضحية ؟ وسيلة ؟ أداة انتقام؟
مبقيتش نعرف شكون أنا .. الشي اللي نعرفوا .. أنو لازم نلقا فرصة... و الشي الأكيد أنو هاذي فرصتي الأخيرة .. يا ننجو .. يا نطيح في حفرة .. أسوء من حقنات المجانين اللي كنت نديهم ...
لحق الوقت اللي يا نقتل يا ن...
الحلقة 3 : حبس كي قالو جدها يهبط الفرد ضحكت على جنب .. يخي دراما عائلية يخي .. مشيت ورايا رجالي .. كون يصلح الشي اللي في بالي .. معاد حتى واحد يقدر يحبسني.. نستولي على كلش راكبة فالطوموبيل .. جدي قاعد قدامي .. و ادم من لقدام كل شوي يخزر فيا فالكارو .. تنهدت فداخلي و حطيت راسي عالكارو .. نخمم فهدرتو كيفاه نقنعهم .. طول عمري نخشن راسي.. جامي رضخت و ترجيت .. زعما نطيح من روحي .. بش نتفك منهم ؟ ... اصلا وش عندي نخسرو... افكار تدي و تجيب حتى رقدت .... __________ مارك؛ هذا الدوسي تاعها كامل ؟ -وي فيه كلش قدرنا نلقاوه مارك؛ همم هيا نشوفو شكون بيسان بازري هاذي ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باقي يقرا .. -مها و باباها ماتو فحادث مدبر .. يقولو بلي جدها سبابو خاطر ولدو هشام محبش يحكم الامبراطورية من وراه و يقبل بلي خيرهالو شهرزاد بازري بنت عمو مارك؛ ههه حاب يلعب غير فنص العايلة مليح مليح " بعد ما ماتو تكفل ببنتهم عاشت عندو عام و مبعد دخلها للكلينيك تاع الامراض العقلية ... مارك؛ زايدة في 1993 والديها ماتو فال 2016 عاشت مع جدها عام تسما 2017 دخلوها للمصح حتى لل 2022 .. ههههه خمس سنين مع المهابل .. عاجبني الدوسي هذا خير من الكتب اللي عندي .. اهيه ... " سبب الدخول للمصح ... اضطرابُ الهويَّة التفارُقي...Dissociative Identity Disorder .. ...يقرا فالكلمات و يعاود ... للحظة يدو رجفت .. فكرة انو قاعد يستغل في وحدة مريضة نفسيا.. خلاتو يهز الدوسي و يخبطواة ______________ حليت عينيا .. منحتاجش تفكير بش نعرف وين راني .. جيت نتحرك .. غزرت للسيروم .. تنطرت نحيتو .. منعرف وش من دواوات حطو فيه .. عديت يدي على راسي .. قطبولي الجروح .. تقعدت على طرف صوابعي .. حطيت راسي عالباب .. اكيد قافلوا .. تلفت .. نغزر للبيت .... عام واحد جامي ننساه .. كل شبر فهاذ البيت .. شهد على دموعي و صرخاتي .. تنطرت كي تحل الباب من ورايا .. جبدت روحي .. دخل .. كي العادة خشمو فالسما .. مي لالا .. لازم نديرها .. تنطرت عنقتو .. بيسان؛ جدو عيشك مترجعنيش .. خمس سنين .... نظن بزاف .. منظنش قلبك قاسح لهاد الدرجة راني من دمك المقصل؛ بعدي عليا سع بيسان؛ نعرف ديما نعييك .. و جامي درت حاجة تصلح مي نوعدك .. ندير وش تحب جيست مترجعنيش ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دزها عليه المقصل؛ بش تهربي منا تاني .. وكتاه تفهمي بلي مكانش هربة مني ... علابالك قداه دفعت بش نرجعك طرف مجمول كيما راكي لل *********** هاذاك !!! بيسان؛ كي عدت نهمك هكا .. علاه طيش فيا فالسبيطارات ..راني من دمك ... دموعها نزلوا .. بيسان؛ برحمة بابا و غلاوتو عندك خلاص المقصل؛ متجبدليش سيرتو ... بيسان؛ كان ديما يحكي عليك بالخير رغم كلشي .. كان يقولي .. كي تقسا عليك الدنيا.. تفكري عندك جدك جبل ما يهزو ريح .. يحطك تحت جناحو مهما صار .. مي كل ما نلجأ ليك ترميني .. بينما كل احفادك .. مهتم بيهم ...كي تكرهني هكا .. اقتلني .. نلحق بابا .. و هكا تتهنا من نسلوا كامل .. المقصل؛ بركي ما تخلطي فالهدرة بيسان؛ كون متاكد بمجرد ما يرجعوني للسبيطار هاذاك .. و رحمة بابا نشنق روحي و نلحقوا .. و نشوفو ضميرك .. المقصل؛ قلت اسكتي .. عدا يدو على وجهو .. تلفت جا خارج .. يسمع في شهقاتها ... كبس عالباب .. المقصل؛ وجدي روحك مالا تعيشي تحت قواعدي انا .. و الدوا مكيش رايحة تحبسيه .. بش ديريها في حسابك خرج .. تلفت.. هزيت يديا .. نمسح فالدموع و نسب فيه ... مي الاهم .. انو وافق .. ظهر السخطة هذاك عندو حق .. منعرف كيفاه رايحة نتعامل معاهم كامل .. كنت طول عمري غريبة عليهم .. بنت خوهم ولا بنت عمهم... بنت خالهم .. الشي اللي متاكدة منو .. انو نكمل الشي اللي بديتو .. تعدا النهار نورمال .. الماكلة يجيبوها الخدامات..للبيت .. جابوا مام القش .. عباو الخزانة من كلش .. سطحيين اهم حاجة المظاهر عندهم .. واقفة فالبالكون .. تقول قازارنا ( مقر عسكري ) خارج الصور.. بصح لداخل مكاين حتى واحد .. هزيت راسي كي دخلت طوموبيل .. شوي و نزل ادم السخطة ... مع زياد ... _ _ _ _ _ _ _ _ _ _ _ _ _ _ _ _ _ توضيح : المقصل الجد الكبير .. عندو 4 اولاد : 1-مراد الكبير : أرمل و عندو آدم ولدو 2 نورة: عندها زوج بنات وسام و أسماء.. عايشة في دار باباها مع راجلها عصام 3 هشام و مرتوا آسيا باباها تاع بيسان 4 موسى و مرتوا كريمة عندهم ولد زياد و جدتها حورية .. _ _ _ _ _ _ _ _ _ _ _ _ _ _ _ _ باقية نثبت اذا هو زياد .. خاطر كان في فرنسا .. راح قبل حتى ما نروح انا منا .. شوي و خرحو.. يسلموا عليه و هو يضحك ... كلهم مجتمعين .. نظن ليوم رجع !! .. للحظة طلع راسو غزر للبالكون تاعي .. زربت جبدت روحي .. دخلت .. غزرت للساعة ...التسعة .. تلفت كي تحل الباب و دخلت الخدامة حطت للعشا .. - السيد الكبير طلب انو نخليو الباب محلول .. اذا حتجتي حاجة تكاي عالبوتون اللي فوق الطابل .. رايح نجيك طول مدموزال .. بصحتك .. خرجت .. بيسان؛ بالشوي يتنحاو هاد القيود بالواحد اصبر برك...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تعشيت .. و دخلت درت دوش خفيف .. بش نرقد مرتاحة .. كملت نشفت شعري و خرجت .. مع خرجت لقيتو متكي على طرف السىرير.. مع خرجت تقعد .. إياد؛ مالا نجي من فرنسا و متستقبلينيش. .. و لا متريبونديش على ميساجاتي .. عيب عليك بنت العم غزرتلوا باستغراب إياد؛ اي ؟؟ صافا ؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
