💜Here with me💜✔︎

🦋8🦋

Jungkook pov....

School atanga ka haw chuan Tae ka call nghal a, mahse ala theilo a switch off tlat, engtin nge maw ka tih dawn ni, khumah chuan phone chu ka paih thla a, intifai turin bathroom lam ka pan nghal bawk

Ka intihfai zawh chuan khumah chuan ka bawk thlawp a, ka phone chu message a thleng tih hriat takin a rawn ri a, ka en nghal vat Tae nise ka ti rilru takzet mahse ka rinloh lam daih a ni, ka hnual nghal ruih thei, a message ka chhiar phei chuan ka thin hi a rim lutuk rilru hah tawh sa nen, reply pawh ka chaklo, Minzy chuan thla leh lawk a kan inneih tur thu leh a pasal ka nih mai tawh tur thu chu Tae bulah a sawi tih min hrilh a, reply lemlo chuan ka thaw hak a, tihdan tur ka hrelo, Tae chuan a awih nghal mai angem, Tae chu call ka tum a mahse ka call a chhan duh pawh ka ringlo, call ta lo chuan phone chu ka dah leh ta zawk a, meng kur chuan ka mu ni deuh ber, rei ngial thil ka ngaihtuah hnuah chuan engtik laiin nge ka muthilh pawh ka hrelo...

Ka harh leh chuan Ni eng chuan ka hmai a rawn chhun a, rum nghutin ka tho chhuak a ka phone chu ka ban nghal vat bawk, mahse ka beisei lo ang bawkin Tae message emaw missed call engmah alo awmlo, intifai tur chuan bathroom lam ka pan a,

Ka intih fai zawh hnu chuan peihlo deuh chungin school kal tur chuan ka insiam leh ta a..

_________________________

School a kal hmasa ta lo chuan ala hma tho bawk a tiin Yoongi in lam chu ka pan a, Tae te inlam pan chu duh viau mah ila, nizan a Minzy thil rawn sawi zawng zawng nen ka hmu ngam thlawtlo a ni, darkar chanve lai ala awm a, enge tukin hi ka hma em em chhan pawh ka hrelo, a nihna takah chuan kan inah sawn ka awm peihlo, ka pa hi ka hmu peih hlawllo, mahni a appartment luah hran ve te hi ka chak thin a, mahse fapa neihchhun ka nih angin ka chhuahsan leh thei tak tak ngailo, ka nu in mittui tla dawn dawn a min ngen thin vang te pawh niang...

Yoongi in lam pan chuan ka bike chu chak takin ka khalh a, ka thleng nghal vat bawk, doorbell chu vawi tam ka hmet a, mahse hawngtu an awmlo reng reng, ka chum leh dawt dawt thin, kawngkhar chu ka chhir thruai a, ninawm thinrim tawh sa nen
"Ka lo kal, vak vak che hian Jeon Jungkook chhe thei anih kha hre ta che" Yoongi chuan tho phang âw tak chuan a rawn ti hraw a, a hawn rual chuan "Engtin nge keimah ka nih tih i hriat" ka lo ti nghal vat,, min melh deuh nghek chung chuan "Nanglo tuin nge khatiang a ka mutui lai min rawn kaitho ngam awm chuang anga" atih chuan ka nui chhuak huk mai collage kal lai a ni tih hi a hre miahlo mawni tun ang hun a la han mut, ani hi chu amah a appartment luah anih vang hian kaitho tu tur pawh a nei velo a, a thinrim deuh chang chuan a inchhung a bungrua awm ve thiamlohna nei miahlo te hian an tuar thin, sual rawngbawl nan kan hmang fo bawk, a chang chuan ka awt ve thin, kei hi chu heti mai hi ka ni bawk si...

"Insiam vat rawh, mut hun pawh ni tawhlo kan tlai mai dawn sin" ka tih chuan rum nghutin insiam tur chuan a kal a, couch ah chuan ka lo thu ngawi reng

Chutah chak lutukin inchung atang chuan a rawn tlan thla a, ka lo en deuh hu..

"Dar engzat nge" atih chuan ka nuih pawh za lo, mawl leh lutuk..

"I phone ah te khan sana awm velo mi" ka tih chuan min melh pawk a, ka lo nui char char thung..

"Nizanah a low daih a ka charge peih tawh hleinem" tih phain ka phone chu a rawn la lawk a,

"Awiii ka rei, dar 8:47 ka tlai ngei ngei dawn" a hlauthawng hmel chuan ka nuih ati za zual...

"Enteh, nangmah chauh nilo in keipawh ka tlai ve dawn tho tih hre ta che" ka lo ti nghal vat..

"Nangvang vek anih hi hre rawh" min melh rum ngang mai..

"Enge keivang anih na" ka lo ti let nghal..

"Tae hmuh laia Minzy i kiss vangin Jimin in min be duhlo a, chuan hma takah va lam ka tum ve sin a" kun ngawih ngawih chung a a tih takah chuan ka inthiamlo rilru ve deuh tho..