💜Here with me💜✔︎

🦋17🦋

Ngawi reng chuan a hmaa vur tla chu a thlir a, thlasik lai ania khua a vawtin vur hial a tla, korea ram phei chu a vawt ngawt ang, a thaw khu hlat hlat a, thil tam tak a ngaihtuah bawk, thil engkim mai kan hma hun a thil lo thleng tur te, harsatna emaw hlimna emaw kan tawh dan tur te engmah kan lo hriat lawkloh zia hi, mihring chuan hma hun tur a rel lawk a, mahse a ti puitling thei tu erawh van ami chauh a ni....

"Enge ilo tih a" titu lam chu a hawi vat a, a nui sang bawk...

"Hna ka ngah deuh a, enge ni ta"

"Dinner ei a hun a nia, i hman chuan lo chhuak la"

"Awle, ka reilo ang lo va ei rawh" dawhkan a thil chu a remfel mawlh mawlh a...

"Thil ka zawt thei che ngem"

"Thei e, enge" a bul a hmeichhe chhelo tak ding chu a en zeuh a...

"Engtikah nge Korea ah let leh i tum"

"Karleh leh pek lam hi ka tum dan chu ania, mahse ka la chiang biklo"

"Nih chuan i birthday kan hmang dun thei dawnlo ni maw" pawi tih hmel takin a hma ami chu a en reng a...

"Lungngai suh Yeona, hman dun hun tur chu kan la ngah lawm" nui sang chuan a ti a..

"A tha e mahse tikhan min koh tawh suh, nang ai kum 2 laiin ka upa nia" nui hak chuan a ti a

", anih leh min han hrilh teh, tunge Jungkook chu" Yeona in atih chuan mak tih hmel takin a en reng a.

"Jungkook,, ani chu i hre thin emni"

"Hre thinlo, mahse i hriat angin a hming chu ka hria nihhi, i lam ri hnem bawk a" nui tut pah chuan a ti leh a...

"Maww, engtik laiin nge ka lam rik" mak tih hmel tak chuan Yeona chu a en reng a...

"Tu pawh chu nise i tan a hlu hle ni ang, zantin i mumangah i hmu anih hmel sia"

"I sawi awmzia chu,, ka tawngvai tihna emni"

"Ni chiang e mawle, tunge anih min hrilh teh"

A nui hak a, sawi tan dan tur a hrelo a ni, Yeona hi a û ang chiahin a ngai a, a neihchhun a ni bawk, thawk ala hak a, Yeona chu a melh leh zeuh a...

"Sawi rawh, ka lakah engmah zep a tullo nia, ka nau ang chiahin ka en che a, i û anga min ngai ve nih chuan sawi hreh suh"

"Ka û chu inia lawm"

"Anih han sawi la"

Sofa ah chuan inhma tawnin an thu a, a vawi tam tak nan thawk ala leh hrawk a...

"Ani chu kar hla tak atang pawh a ka rilru leh ngaihtuahna zawng zawng thunun tu a ni, ngaihtuahloh lai hi ka neilo, ka hmuh phakloh leh khawih phak lohna hmunah awm mahse engtik lai mahin ka thinlungah hian a thi ngailo, a natna min pek ringawt pawh hi ka tan chuan damchhan tlak ania sin" a mitthi luang chu a hru zeuh a, Yeona chuan alo kuah vat..

" engtiang tak a i tana pawimawh nge anih" nui seih chung chuan a ti a, a bul a thu pawh chu a nui leh hak a...

A thutna tang chuan thoin tukverh a v tla chu a thlir a..

"Kan nunhlui te kha ka tan natna leh tahna ni mahse ani ka tawng kha ka inchhirlo a, inchhir turin a lam  ka pan tawh bawklo, a tawpah natna min petu ni mahse ani kha ka tawnglo ang tih ka hlau ngawih ngawih asin, khang hun reilo te chhung khan hlimna tam tak min pe a, chu hlimna chu khawvel a sum zawng zawng pawh hian a lei zo lo, a thutiam te hlenlo mahse zanthim hi amah ngaiin mittui nen ka la hmangral fan asin, ka mittui te hi ani,, tina tu tan khan anla luang reng tihna nih chu"