💜Here with me💜✔︎

🦋11🦋

Ka mit ka men chuan khua alo thim khup tawh mai, dar zat ka en a, dar 10pm lai alo ni, khum atang chuan ka tho vat a, dinner pawh ka eilo reng reng Jimin engtin nge maw awm reuh ni..

Inhnuai lam a ka chhuk tur chu tap ri ni awm tak ka hria, Jimin âw ngei niin ka hria, inhnuai a chhuk hmasa ta lo chuan Jimin room ah chuan ka lut a, khumah chuan alo thu a, ka pan hnai nghal vat

Min hmuh chuan a mittui chu a hru nghal sawk sawk a "Ilo tho tawh maw, i ril a tam em" ati chhuak thei hram..

"Tam lo, Tinge i tah a" a bulah chuan ka thu thla ve nghal a, "Tae, Yoongi hyung in ka--,, sawi pawh sawi zawm thei tawhlo chuan a hnuk a ulh tlat pek a, a tap zawm char char, ka lo kuah nghal vat a..

"Inbengdai la, sawi rawh le" a hnungah chuan ka chul hliau hliau a, Ngati nge mawni keini thian dun bik hi...

A inbengdaih deuh hnu chuan a thaw sap a, ka lam hawi chuan a thu tha te te a..

"I harh hma hret khan chawhmeh tur leiin ka bazar a, dawr atanga ka chhuah khan Yoongi hyung leh hmeichhe pa 1 lo inzui chhuak ka hmu a, Yoongi hyung chuan a kuah bawk a" a inhnit leh feih feih tawh, thikthu hi chu kan pe chhe dun thin ngawt mai...

"A tha leh mai ang, i sawi ziah angin thuchiang hriat hmasak phawt te tum vela, a thian satliah mai mai te pawh alo ni maithei sin, bakah Yoongi hyung hian a hmangaih che lawm, alo kir leh tho ang" nui lui sak chuan ka hnem ve tak na a, keipawh nalo bik ka ni hauhlo, tehkhin duh ni ila Jimin natna ai hian ka natna hi a nasa fe zawk, ani chuan ala chan pumhlum hleinem, mahse kan natna tawrh zawng zawngte hi aho intih sak ngawt theih a nilo a, a tuartu in a tawrh dan hi kan hriatthiam pui a tul zawk thin...

Jimin chu a tah nuih hak a, keiin ka lo en nghal vat..

"Han in enteh, i thu hriat chak em em hmangin midang i hnem chu a ni si a, tih theih ka neilo em a ni ka tihpalh aw Tae" tap hawm hawm pah chuan min rawn kuah a, ka mittui chu ka dang zo biklo, ni ee, heng thute hi hriat ve ka chak lutuk, mahse a theih ve siloh, "I hmangaih chu alo let leh dawn alawm, ani chuan a hmangaih che" ti a hnem tu tur hi ka mamawh ve tho asin, mahse chutianga sawi thei chu tumah an awmlo, ka thinlung ngei pawh hian a ring ngam bik chiahlo a ni..

Inhnem tur bik awmlo chuan kan tap dun char char a, tun dinhmunah hi chuan chân tur leh chuang neiin ka inhrelo, ka nunah a vawi khat nan teh meuh hmangaih ka nei ve a, mahse ani chu hetiang mai mai hian a liam leh si, hei aia na lo deuh tur hian sawifel dan a awmlo emni??

Reife kan tah hnu chuan tah reng thu awmlo chu, kan inbengdai ve ta hram, Jimin chu ka mut tir a, keipawh ka chhuak ve vat bawk, ka riltam pawh a reh zo vek, Jimin in min zawh lah khan tamlo ka ti ve ringawt si, mahse ka in tap puar zo a ni ber, ka room lamah chuan ka let leh hnak hnak a, khumah chuan angai te bawkin ka mu rem leh sauh suah a, muthilh chu har tawh tak a ni, ka mut chhuak a reh vek, a chhuak tur awm ang chu a chhuak zo vek tawh, khumah chuan ka mu meng kur a, vawi khat chauh Jungkook kha biak leh ka duh a ni, hetiang zawnglo deuh hian min kalsan se, tha deuhin a sawi theih reng si a, ka mittui bawk chu alo hnam leh tiam tiam a, tah reng hi ka duh biklo, mahse ka hmangaih ber ni a ka hriat khan ka mittui hi chawl leh ngai tawhlo tur ang maiin a luan tir chu ni si..

Ka mittui chu a luang reng a, rilru bing mup chung chuan engtik laiin nge ka lo muthilh hman pawh ka hrelo..

______________________________________________

Tae chu ham bui bui chungin khum atang chuan a tho chhuak a, nizan a tahna vangin a mit a bui lâk bawk, inhnuai lamah chuan a chhuk thla a, Jimin chuan breakfast alo peih leh diam tawh, thawh hrelo lutuk hi chu aww..

"I lo tho thei maw" Jimin chuan alo ti nghal a..

"Nge min kaihthawh loh a, a tlai tawh tehreng nen"