✳ الجزء 1 ✳
♥ ســـــــــــــرور نصـــــــــــــر ♥
🔥 الوفاء 🔥
🌸فاطمة الزهراء مبارك🌸
حلا عينيها كيف كل نهار دورات راسها ملقاتوش تبسمات و ناضت بشوية عليها هزات بينوارها و دخلات الحمام غسلات وجها و نشفاتو و خرجات من البيت تكات على الحيط و هي كتزشف طبلة مشكلة و منوعة و ها جالس و كي شوف تيلي تبسمات و مشات عندو عنقاتو
***:لهلا يحرمني منك
***(تبسم بحب و دوز على كتفها):الغزالة ديالي صبحات عيانة قلت مفيها باس نوجد الفطور انا
***:يخليك ليا
***:كولي ا حبيبتي
زادت تاكل و هو كي وكلها سرور و نصر بجوج بيهم تعرفو في لافاك و تصاحبو بغاو بعضياتهم لحد الجنون تزوجو و دارو عرسهم بسيط مع العائلة كونو حياتهم و وقفات سرور مع نصر حتى وقف على رجليه خدم في شاركة كمساعد المدير في الاشغال ديالو و بعمل ديالو و الجهد ديالو و دعمو من مراتو ولا مدير في ديك الشاركة و كلشي محتارمو شي لي مخلي أعين البنات كاملة عليه
بينو و بين سرور مشكل وحد هو الولاد 6 سنين ديال الزواج و مزال ما رزقهم الله الولاد و هذه الشي مسبب ليها ضغط كبير من عند مو واخا كتعطيها سم و الكلام القاصح الا سرور صابرة على قبل راجلها
كملو فطورهم و في ضحك و المداعبات لي مكتساليش بيناتهم منين سلاو ناضت هزات جاكيت ديالو و لبستها ليه باسها و خرج بحالو من تما الخدمتو هي كملات جميع الطبلة و مشات البيتهم هزات حوايجها و حوايجو و جمعااهم داتهم تغسلهم و دازت الكوزينة تغسل الماعن و ترد الغدا لراجلها
أنت تقرأ
🔥 الوفاء 🔥 ( بالدارجة المغربية )
Ação🚨🚨🚨جديد جديد🚨🚨🚨 🔥🔥 حصريا فقط على مجموعة وردات الملوك الاصلي🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 🌼🌼 🍀السلام البنااتي ورداتي ملكاتي اميراتي حبوباتي متتبعاتي الوفيات جيت ماجيتش بيديا خاويين جيت نشارك معاكووم قص...
