🔥 الوفاء 🔥 ( بالدارجة المغربية )

✳ الجزء 13 ✳ ♥ ســـــــــــــرور نصـــــــــــــر ♥

            ✳ الجزء 13 ✳

      ♥ ســـــــــــــرور نصـــــــــــــر ♥

              🔥 الوفاء 🔥

🌸فاطمة الزهراء مبارك🌸

3 شهور لا ريهام بانت ولا نصر بان ولكن لي عارفين انه طلقها طلاق غيابي و غير رقية مرضات في صحتها و سرور واخا هكداك ضغطات على راسها و ردات ليها البال في هذه المدة كاملة و حتى من اروى صغيرة ولات كتقول ليها ماما

كتديها الصباح النادي تقرا و تجي من موراها رقية عرفات بحقها حيت مكاتشكي ما والو مقابلاها في صمت و ضحك معاها

خارجة من الكوزينة و اروى تابعاها بالشبيكة ديال الخبز في يديها كضحك و سرور عاجبها الحال جلسات في الطبلة و مدات رقية دواها

رقية:معدباك ا بنتي معايا
سرور:متقوليش هكدا
رقية:نصر غبر ا بنتي غير و ماليه خبار
سرور؛دابا يجي ا خالتي ان شاء الله
رقية:انت ممهولاش عليه
سرور(تنهدات لي خاطرها):نوض اروى لبسها نديها النادي من تما عنمشي لخدمتي
رقية:واخا ا بنتي
سرور؛نوضي الباسلة نووضييي زيدي

هربات ليها كضحك يمكن عاد لقات اروى راحتها مع سرور مخلياها دير ما بغات و هذه الشي فرحها كتمرح كيف بغات دخلو البيت كتلبسها و ضحك معاها و تهرها و صوت ضحكتهم معمرة البيت كامل الدار كاملة

اما برا تفتح الباب و دخل منو نصر كي سمع صوت ضحكات سي لي فاجا على قلبو دور راسو شاف مو جالسة غير شافتو ناضت كتضحك عندو و هو مشا عندها عنقها

رقية:هااا العار اولدي لاما سامح ليا هااا العار سمح ليا معمرها تعاود اللعااااار
نصر(باس راسها):ششش صافي ا مي صافي
رقية (بقات معنقاه شحال كتفرغ قلبها حتى بعد):راها في البيت اولدي في البيت

نصر باس يديها و ناضت كي مسح عينيه من الدموع مشا البيت و كي سمع كلمة ماما خارجة من فم اروى كيف لعسل تبسم و مشا عندهم فاتح الباب

سرور:خالتي علاش نضتي
اروى(شافت فيه):بابا

سرور تلاشات ابتسامتها و دارت عندو مخطوفة اما اروى مشات عندو و بغات تعلق فيه ملقات منو حتى ردة فعل