احبَّني رجـل مافــيا

احبـبني رجـل مـافيـا

احببـني رجل مافيـا البارت(5)
---------------------------------
اللهم اني لا اسألك رد القضاء ولكني اسألك اللطف فيه
---------------------------------
توقفنا عندما قال جاسر
جاسر:طب تعالي اديني قلم وريني هطير ازاي
قمروقد جحطت عيناها:هاااارسوح والتفتت الي الوراء
قمر:بببببـ... بـ... بص انا هو هفهمك يسطا
جاسر وهو يقف مستند علي باب الغرفة ومربع الايد
جاسر:اممم فهميني انا سامعك
قمر :بص انا دلوقتي كنت بفضفض هتدخل في فضفضتي يرضيك حد يدخل في فضفضتك هه هل يرضيك
جاسر:لا ازاي حد يتدخل في فضفضتك لا طبعا ميصحش
قمر:ما انا بقول كدة برضو
جاسر:طب انزلي انتي ياليان عشان الغدا واحنا هنيجي وراكي
قمر:لا ليان مش هتنزل
نظر جاسر لليان فخافت من نظرتة وذهبت مسرعة الي اسفل
قمر:ياندلة يبت تعالي هنا هتسيبيني لوحدي يبنت ال
جاسر:امممم هتديني قلم تطيريني صح ومش عايزة تتغابي عليا
قالها وهو يحاصرها بينه وبين الحائط ويضع كلتا يدية حولها
قمر بأرتباك:اااانـ اا
جاسر وهو يقرب وجه منها:هممم انتي اي قمر:مين قال كدة محدش يقدر يضربك ولا يكلمك حتي ابعد بقي احياااات عيالك
جاسر: قلبتي قطة دلوقتي
قمر بهمس:كتك نيله في حلاوة اهلك ضيعت هيبتي
جاسر:بتقولي حاجة
قمر:انا اقدر برضو
جاسر :يعني مقولتيش اني حلو خالص
قمر:لا نهائي انت مش حلو اصلا شكلك وحش
جاسر:انا
قمر:اومال انا
جاسر:قدامي ياقمر عشان مرزعكيش بوسة تجبلك ارتجاج في المخ
قمر بشهقة:يانهارك اسود ولا الي انت بتقولة دة ياسافل يامنحط ياعديم التربية
جاسر:جبتي انتي معلومات جديدة يعني
قمربهمس:يبن الغياظة اي دة ياربي
جاسر وهو يدفعها تجاه الباب:يلا انزلي
قمر:ياعم وسع كدة متزوقش الله
هبطو الي اسفل وقبل ان يصلو الي مكان الغداء وجدت قمر جاسر يحاوط خصرها بتملك شديد ويقربها منه
قمر:نزل ايدك ياض مينفعش كدة
جاسرببرود:امشي وانتي ساكتة
قمر:ياض هشرحك والنعمة هضربك نزل ايدك
شد علي خصرهافألمها قليلا فالتزمت الصمت حتي وصلو الي غرفة الطعام وجلس جاسر علي السفرة من الامام واياد بجانبة من الناحية اليسري وبجانب اياد تجلس ليان التي تنظر له بشر
ذهبت قمر للجلوس بجانب ليان
جاسر:قمر تعالي هنا
نظرت قمر الي ليان في توتر وذهبت له
جاسر:لية روحتي قعدتي جمب ليان
قمر:عشان بقعد جمبها علي طول
جاسر:اقعدي جمبي
قمر:بـ...بـس
جاسر:من غير بس اقعدي من غير اعتراض عشان متزعليش مني
جلست بجانبة في صمت وبعد قليل بدأو بتناول الطعام نظرت ليان وقمر الي الطعام ونظرو لبعضهم فقد كان يوجد شوربة خضروات وسلطات وانواع لحم  وكل الاشياء التي لا يحبونها
جاسر: مبتاكليش لية
قمر:ماليش نفس
جاسر:قمممر
قمر:مش بحب اكل العيانين دة انا
جاسر:دة مش اكل عيانين دة الاكل الصحي الي انتي مش بتاكلية عشان كدة مناعتك ضعيفة
قمر:ننننننن وانت عرفت منين ان مناعتي. ضعيفة
جاسر:من الدكتورة وكلي ياقمر
قمر:لا مش هاكل انا دة اكل عيانين وانا مش بحبو
جاسر:هتاكلي غصب عنك عشان لو مكلتيش هزعلك اوي
قمر:هتعمل اي يعني مش بخاف هه
جاسر:طب تعالي اقولك هعمل اي
ومد يدة وجذب مقعدها وهمس بأذنها ببعض الكلمات التي جعلت وجهها  يحمر خجلا فلم ترد علية
واكلت في صمت فنظرت لها ليان في صدمة
ليان لاياد:هو قالها اي خلاها تاكل
اياد:كلي وابقا اقولك
ليان:لالالا انت مفكر اني هاكل الاكل دة مستحيل تؤتؤ لا يمكن
اياد :تعالي بس كدة
وهمس لها بعض الكلمات الاخري فتناولت طعامها في صمت وبعدما انهو طعامهم ذهب كل منهم لغرفتة وظل جاسر وقمر
وقفت قمر للذهاب
جاسر:طلما انا مقومتش يبقي متتحركيش من مكانك
قمر:دة لية انشاء الله وبعدين انا خلصت اكل
جاسر:الي اقولة يتنفذ والا
قمر مسرعة:لا خلاص قعدت اهو
انهي طعامة فوضع امامها ما جعلها تكاد تبكي
جاسر:اشربي اللبن
قمربصدمة:انا انت بتكلمني انا
جاسر:شايفة ان في حد غيرك
قمر:انا مش بحب اللبن ومش عايزة اشربة
جاسر:هتشربية
قمر:لا
جذبها فجأة وجعلها تجلس علي قدمة وامسك بها من خصرها وكانت هي مصدومة من افعالة التي تمر بها لاول مرة
قمر:اي الي انت بتعملة دة قعدني مكاني
جاسر ببرود:اشربي اللبن
قمر:لا مش بحبو بيوجعلي بطني
جاسر:اشربي اللبن ياعسل عشان المناعة يلا
قمر:ولا متنرفزنيش لبن اي الي اشربة ومناعة اي انت بتكلم طفله ولا اي
جاسروهويقرب وجه منها:اة بكلم طفله طفلتي انا لوحدي وبس
قمر بتوهان:هه
ظهر شبح ابتسامة علي وجه سرعان ما اخفاه ببراعة
جاسر :يلا اشربي
قمر بعدما افاقت وبخجل اردفت:لا مش هشرب مش بحبة متجبرنيش وقومني بقا جاسر:متأكدة
قمر:اة
جاسر:انتي الي قررتي وسرعان ماجذبها من رأسها وقبلها بعمق وسط صدمتها مما يحدث انهي قبلتة ونظر لها وجدها تنظر له متوسعة الاعين
قمربخجل :اي الي انت عملتة دة
جاسر:براحتي واشربي اللبن
قمر بخجل :مش هشربة وحاولت القيام ولكن كان هو حريصا ولم تستطع
جاسر بمكر:لو مشربتيش اللبن هعمل الي عملتة تاني وتالت ورابع لحد ما تشربي اللبن وانا بصراحة الموضوع عجبني اوي
نظرت له بصدمة من وقاحتة واخذت اللبن علي الفور وانهتة كلهُ نظرت له بعدم رضا وحاولت القيام
قمر:سيبني بقا كدة كتير لبن وشربت وعملت كل حاجة قومني بقا يابارد
جاسر:طولة لسان مش عايز عشان مقصهوش بطريقتي وتركها لتغادر هي الغرفة مسرعا من الخجل والتذمر
وفي الليل كان الجميع نائم ماعدا بطلتنا
قمر:بيبوسني انا يبقي يستحمل الي هيجرالة قمر متسبش حقها
ذهبت لغرفتة وهي ممسكة بقطع من الثلج ودلفت الي غرفتة وجدتة نائم علي بطنهِ اخذت قطع الثلج وامسكت بطرف ثيابة وجاءت لتسكبهم وجدت يد تقبض علي يدها وتجذبها فنامت هي علي التخت وهو يعتليها وما كان الا جاسر نظر بداخل عينيها
جاسر:جايه تحطيلي تلج في هدومي ياقمري
قمر:ايوة عشان انت قليل الادب
جاسر:ما انا عارف
قمر :بارد
جاسر:اي الي مصحيكي لدلوقتي دة احنا داخلين علي الصبح
قمر :ما كل دة بسببك منك لله
جاسر:وانا مالي
قمر:انت الي شربتني اللبن مع اني قولتلك انه بيوجعلي بطني
جاسر:تقومي تيجي تحطيلي تلج
قمر:اة طبعا اومال اسيب حقي بس هنا السؤال انت عرفت ازاي
جاسر:وانتي عايزة تعرفي لية
قمر:كدة
جاسر:من الكاميرات شوفتك وانتي عماله راحة جاية في الاوضة وعمالة تاكلي مصاصة كل شوية ياطفله وجيتي بالتلج وبعدين ياروحي مش الفهد الي يتحطله تلج وولا الفهد الي نمله تعدي من جمبة وميحسش بيها
قمر:ننننننن تنح اولا انا مش طفله ثانيا اي يعني الفهد نقوم نضرب تعظيم سلام يعني دة اي دة مش الفهد الي يتحطله تلج انهت كلماتها وهي تقلدة
جاسربخبث:يبنتي اتعدلي انتي مش قدي احترمي نفسك وبطلي لماضة وطولة لسان والا
قمر :ولا اي مش هتقدر تعمل معايا حاجة العبدلله بميت راجل
جاسر بمكر:اممم بميت راجل متأكدة
قمر بغرور:طبعا
قرب وجهه منها قليلا وعندما وجدته يقترب بدأت بالارتباك
قمر:بقولك اي ياجدع انت ابعد كدة واحترم نفسك ومتزيطش فيها مش عشان سكتلك مره يبقي عادي احترم نفسك
قام بالاعتدال وجذبها لتقف وجذبها من خصرها بشدة والمتها واردف بتملك غريب عليها ولاول مرة تراه:اولا صوتك تاني مرة لو علي هتزعلي مني وجامد اوي
وثانيا انتي مسكتليش انتي متقدريش تعملي حاجة اصلا وثالثا انا اقرب وقت اما ابقا عايز وانتي مش هتعرفي تعملي اي حاجة لانك ملكي وعمرك ما هتكوني غير ملكي وليا لوحدي عارف انك بتقولي كدة عشان الدين بس انتي هتبقي مراتي قريب قوي قوي اقرب مما تتخيلي ودلوقتي امشي من وشي عشان ممدش ايدي عليكي
نظرت له بغيظ شديد وهي تجز علي اسنانها
قمر في سرها:يبن الجزم يامستفز انا اتهزأ كدة الهي يجيك ضربه في بطنك يارب
ثم خرجت من الغرفة وكان هو يوليها ظهرة ذهبت لغرفة ليان ودلفت وايقظتها وحكت لها ما حدث وهي تستشيط غضبا
ظلت ليان تضحك عليا وظلو يمرحون حتي قالت قمر
قمر بجدية:ليان انا مش هفضل هنا كتير مافيش حاجة تجبرني ابقا هنا اكتر من كدة احنا بليل وانا ههرب
ليان:انا كمان رأيي من رأيك بس احنامش هننفع نهرب مع بعض واحدة واحدة عشان منتلاحظش ونتقفش وساعتها هنبقا وقعنا في ايد من لا يرحم
لان القناص اصلا هيموتني لو عرف بحاحة زي كدة
قمر:خلاص اهربي انتي الاول وانا ههرب وراكي
ليان:لا ياقمر انتي هتهربي الاول وهتمشي ولو انا معرفتش اهرب وراكي هاكوني انتي علي الاقل روحتي لماجد وفهمتيه وهتجيبوني لكن لو انا روحت مش هعرف اعمل اي حاجة
قمر:بـ....بس
ليان:من غير بس ياقمر الي قولتة يتنفذ
قمر:ماشي ياليو لما نشوف اخرتها  انا هنزل واحاول اهرب براحة من غير ما حد يحس
ليان :تمم وانا وراكي
نزلت قمر بهدوء وهي تنظر للمكان من حولها حتي تتأكد من خلوه خرجت الي الحديقة التابعة للقصر وجدت الكثير من الحراس ولكن هناك جهه لايوجد بها الكثير خطت خطواتها بهدوء وهي تنظر للحراس من الحين للاخر للتأكد منهم حتي اختبأت خلف شجرة وظلت تمشي نحو الاشجار حتي وقفت بمكان امامها السور وخلفها شجر فلم يستطيع الحراس روئيتها فتنهدت براحة وحاولت القفذ من علي السور ولكنها قصيرة حاولت وعندما صعدت وقعت وانجرحت قدما ونزفت ومن حسن حظها لم تصدر صوتاً في وقعتهاحاولت الوقوف حتي نجحت ولم تيأس وحاولت الصعود علي السور مرة اخري ولكن صدمت عندما سمعت
:تحبي اساعدك ياقمري
وبهذا تكون نهاية هذا الفصل عيازة توقعاتكو بقا ودمتم بخير❤❤
-------------------------------
" احبـبني رجـل مـافيـا                "
"بقلم الكاتبه:emy nabil❤🎶"
-------------------------------