للخذلان وجه أخر

الحكايه الاولي الفصل الخامس

الحكايه الأولي

الفصل الخامس
خذلني مرتين

دياب ركز اوي كان مهتم يسمع رد سيف لأن كان جواة شك أن سمية متجوزتش وكانت بتقوله كدة وبس عشان يبعد عنها لكن رد سيف ادام كل الناس دي كان كفيل يمحي اي شك عندة
سيف بهدوء ... جوزها انا ابقي جوزها
.... 😡 نعم يا روح امك جوووووز مين ياض انت
سيف ... ماتحترم نفسك بقا في ايه ؟ انت اللي مين وبتتكلم كدة ليه ؟
... انا عاصم المنياوي جوز الست اللي انت جوزها يا حيلتها واللي أن شاء الله مش هتخرج من هنا غير وهي جثة بجد
_ سكووووت في المكان كله محدش نطق الصدمة كانت مسيطرة عليا و عليهم خالد اول واحد اتكلم

خالد ... ممكن نهدي كلنا استاذ عاصم لو سمحت محتاجين نتكلم علي انفراد بدل الفضايح دي عشان لا هيا في مصلحتك ولا مصلحتنا
عاصم 😡
خالد ... استاذ عاصم ارجوك الناس كلها بتتفرج علينا مينفعش كدة
عاصم ... اتفضلو معايا

_ كنت ثابتة مكاني مش عارفه اتحرك دموعي نازله وبس لاقيت ايد سيف بتضغط علي ايدي

سيف بهمس ... متخافيش انا مش هسيبك تعالي

_ هزيت راسي واتحركت كنت فعلا حسه ب امان لانة ماسك ايديا خالد بص ل سيف وهمسلة ب حاجة وبعدها سيف همسلي من غير ما عاصم ياخد بالو
سيف ... خالد بياكد عليكي الاتفاق ال بنا محدش يعرفو ع الأقل لحد ما نفهم مين دا تمام
سمية ... حاضر

_ عاصم دخلنا قاعة تانيه اصغر و فاضية رزع الباب بعد ما دخلنا لدرجة أني انتفضت مكاني

عاصم ... أيدينا لوحدنا اهو افهمممم عشان أنا لحد دلوقتي متحكم في اعصابي ومضمنش هفضل كدة لأمتي حد ينطق ويفهمني
سيف ... احنا نضمن منين انك تعرفها فعلا؟
عاصم ... اهو انت بالذات تخرس خالص مسمعش صوتك
سيف ... ماتحترم نفسك بقا
خالد ... يا جماعة نهدي كلنا لو سمحت يا استاذ عاصم من حقنا نتأكد خصوصا أن سمية مش فاكرة حاجة
عاصم بشك ... مش فاكرة ازاي ؟؟؟
خالد ... ممكن نعرف الاول حضرتك تعرفها ازاي
عاصم بنفاذ صبر ... ماقلت الهانم تبقي بنت عمي و مكتوب كتابنا كمان ومفروض كان جوازنا قبل ما
خالد .. كمل قبل ما ايه ؟
عاصم ... قبل الحادثة اللي عملتها واللي مفروض أنها ماتت فيها

_خالد لسه هيتكلم الباب اتفتح و دخل منو راجلين واحد كبير اوي ف السن والتاني في الخمسينات كدة و معاهم ست كبيرة بردو التلاتة دخلو فجأة و علي وشهم صدمة و كلهم بصنلي اوي انكشمت ورا سيف اكتر و صفيه مسكت ايدي التانيه وقالتلي متخافيش

... كنتي فين يا بت ؟ ومين إلى دفناها مكانك دي ؟ انطقي ومين دول
... ماتفهمنا ياعاصم ف ايه ؟
عاصم ... الهانم جايه الحفلة مع جوزها يا جدي حفيدتك الي كنت حزين عليها و رافض تطلع من اوضتك بعد خبر موتها جايه انهاردة الحفلة وهي ماسكة أيدية و بيقولي بكل بجاحة انا جوزها
بكر بحزن ... سمية ا انتي سمية حفدتي صح
توحيدة ... حبيبتي تعالي في حضني وحشتني اوي
_ سمية هزت راسها بنفي
صفيه ... هي مش فاكرة حاجة ولا حتي كانت تعرف اسمها لولا السلسله اللي كانت جمبها احنا دورنا ف الاقسام و المستشفيات ملقناش حد مفقود بمواصفاتها
عاصم ... و دا معناة انها تنسي حياتها و تبطل تدور و تتجوز مش كدة ؟ الكلام دا مش داخل دماغي
فاروق ... اهدي يا عاصم شوية .. اتكلمي يا سمية ايه ال حصل يا بنتي متسيبناش مش فاهمين كدة
صفيه ... انا دكتورة صفيه دكتورة النفسية المسؤولة عن حالتها سمية كانت عملة حادثة رجل الأعمال دياب عزيز وهو بالمناسبة موجود هنا تقدرو تسألوة لاقاها ف طريق و دراعها كان مكسور و كان عندها كدمات و مكنتش فاكرة اي حاجة وبعد الأشعة اتضح أنها أصيبت بفقدان ذاكرة كلي و الدكتور كتبلها علي أدوية و علي راحة وعدم ارهاق وبردو الدكتور بسهولة تسألوة
فاروق ... و الاستاذ ال يطلع مين ؟
عاصم ... ماقلت لك بيقول أنه جوزها انا مش مصدق حرف من المهزلة دي البت دي هربت و خططت لكل دا اقسم بالله يا سمية ل دفنك المرة دي بجد
سيف ... ماقلنالك في شهود و ورق يثبت كلامنا
بكر .. ما تنطقي يا بنتي ساكتة ليه ؟
سمية بخوف ... ا انا مش ف فاكرة مش مش عارفكم
عاصم ... وحياة امك !
سيف ... ما تتكلم عدل بقا
عاصم ... وانت اللي هتعرفني اتكلم ازاي هه
بكر بحزم وقوة ... بس بس ولا كلمة زيادة احنا هناخد بنتنا معانا ونبقي نتأكد زي ما احنا عايزين كفاية فضايح لحد كدة
عاصم لسه هيقرب علي سمية سيف منعه
سيف .. محدش هيقرب من مراتي علي جثتي دا يحصل
فاروق ... يا بني مراتك ازاي بس دي مكتوب كتابها علي ابن عمها و كان جوزاهم خلاص قرب هفرض معاك أن كلامكم مظبوط يبقي جوازكم دا باطل اصلا ثم أن لو هي فاقدة الذاكرة فعلا اتجوزتم ازاي ؟ مش منطقي كلامكم دا
سيف ... والله اللي قولناه هو ال حصل ثم أن هي كانت لوحدها تماما معهاش حد كنت اسبها في الشارع يعني ولا اجبها بيتي و عشان تبقي في بيتي لازم صفة رسمية لىكدة
بكر ... متجوزين ع ايد مأذون ؟
سيف بجمود ... لا عقد عند محامي
عاصم بسخريه ... هه عرفي يعني ماتقولها الهانم متجوزة عرفي بقا انا عاصم المنياااااوي اللي رجاله بشنبات بتموت من الرعب من ذكر اسمة بس مرااااتة راجعة متجوزة واحد تاني بعقد عرفي
سيف بغضب ... ماقلنالك ال حصل ف ايييه
بكر ... واحنا ردينا عليك يا جدع انت بعد يدك عن بنت ابني و سبها واطلع برة يلااااا
توحيدة ... اهدي يا عمي ارجوك احنا ما صدقنا انك بقيت كويس ( بصت ل سمية بغضب ) وانتي قدامنا يلا ولما نروح بيتنا نبقي نتحاسب براحتنا يا مرات ابني 😏
صفيه ... واحنا نضمن منين انكم متأذوهاش
خالد ... والأهم أن سمية خارجة من المستشفي ع ضمانة الدكتورة وعشان انتم تخدوها لازم نتأكد من كلامكم دا نشوف ورق رسمي لو سمحتم ف عشان كدة احنا هنروح زي ما جينا
عاصم ... ايه الجنان دا انت بتخرف تقول ايه
خالد بهدوء ... بقول هنروح زي ما جينا و هنسيب ليكم عنوان سيف و دكتورة صفيه لانهم اخوات بكرة أن شاء الله معاكم أوراق رسمية نتكلم معكوش يبقي تنسو انكم شفوتنا تماما يلا ياجماعه