للخذلان وجه أخر

شخصية جديدة

( شخصية جديدة )
بعد ما كل واحدة قالت اللي جواها عيطو و ضحكو خططو لبكرة خرجو و هما حسين أنهم أقوي
سمية رجعت المكان اللي خالد مقعدها فيه و اتصلت بيه و حكتلة باختصار ع اللي حصل ف الجلسه و اقتراح ميرنا ليها وهو طلب منها مهله يتأكد منهم و من المكان اللي هتروح تقعد فيه و يرجع يكلمها تاني ... قفلت معاه و كان نفسها تتصل تسمع صوت سيف لكنها اتحرجت و اتصلت ع صفيه
سمية ... صافي وحشتني
صفيه ... انتي كمان وحشتيني ايه اخبار الجلسه
سمية ... ما انا متصلة احكيلك اللي حصل
صفية ... كلي اذان صاغية احكي يلا
سمية حكت ل صفيه زي ما قالت ل خالد
صفيه ... والله لو خالد قالك أنهم كويسين و أمان تبقي فكرة حلوة اوي ع الأقل متبقيش لوحدك ونكون مطمنين عليكي
سمية ... انا حسه أنهم كويسين اوي والله و مبسوطة اوي بالجلسه دي
صفيه ... استني يا سمية عشان سيف بيزن عايز يكلمك ... خد اهي يا ساتر عليك
سيف ... اخلص مكالمة بس و اروقك حاضر ... الو
سمية ... ازيك يا سيف ؟
سيف ... ع اساس انك بتسالي اوي ولا انا مهم عندك من اصلة ؟
سمية ... ليه بتقول كدة
سيف ... من أفعالك اتصلتي حكيتي ل خالد و اتصلتي بىصفيه وأنا مش مهم اعرف ولا اطمن عليكي مش كدة
سمية ... لا طبعا مش كدة انا اتصلت ب خالد عشان عارفه أنه هياخد وقت ع ما يتأكد من كلامهم و معلومات ال قولها عشان يامن المكان ال هتنقل فيه و حاليا كنت هخلص مع صفيه و اكلمك
سيف ... يعني اخر واحد رأيه يهمك
سمية .. انت عايز تتخانق ولا ايه لا طبعا انت لو هما الاتنين قالولي تمام وانت قلت لا هسمع كلامك انت
سيف ابتسم ... بجد ؟ ولا عشان لاقيتيني زعلان ؟
سمية .. لا والله بجد رايك مهم اوي عندي يا سيف
سيف بحب ... و انا مش عايز غير انك تكوني في امان وبس يا سو وفي نفس الوقت بعدك دا تعبني اوي انتي وحشتيني اوي يا سمية
سمية 😳
سيف ... سمية انتي معايا ؟ سمية ... الو
سمية بتوتر .. هه اه اه انا اهو
سيف ... عارف انك اتفجاتي بس سكوتك دا كسوف من المفاجأة ولا اضايقتي ؟
سمية بخجل ... لا مضايقتش
سيف ابتسم ... امممم يبقي كسوف طيب هقدر كسوفك دا بس دا ميمنعش اني اقولك تاني وحشتني يا سمية
خرجت صفيه ... مش خلاص ولا ايه ورايا مستشفى وعيانين و نبطشية سودا ع دماغي
سيف .. عايزة ايه يا آخرة صبري يا فصيلة
صفية ... عايزة التليفون حضرتك دا اللي في ايديك و عمال تتكلم فيه بعد اذنك يعني
سيف ... سمية هكلمك من تلفوني نكمل كلامنا باي ( قفل قبل حتي ما يسمع ردها ) خدي اهو تلفونك و غوري يلا
صفيه ... حبيبي تسلم اكيد اول ما اوصل هطمنك عليا حاضر
سيف ضحك ... يلا يا مجنونة مجنونة بتعالج مجانين ازاي معرفش
صفيه نزلت و هو مسك تلفونة و اتصل ع سمية وبعد تالت جرس ردت
سيف ... ايه كنتي بتفكري مترديش ؟
سمية ... يعني
سيف 🤨 ... طب كنتي اعمليها و كنتي شوفي اللي هعمله
سمية ... هتعمل ايه يعني ؟
سيف ... مسافة الطريق وكنت هكون عندك وخلي ف بالك اي وقت هكلمك ومش هتردي هكون قدامك ف دقائق
سمية ...  لا وع ايه قلبك ابيض هرد ع طول حاضر
سيف ... قوليلي بقا تفاصيل فكرة الشغل اللي انتم التلاتة هتشتركم فيها
بدأت سمية تحكيلة بحماس وهو يسمعها و متخيل شكلها وهي متحمسة كدة وبتحكي وقلبه مع كل كلمة بيدق جامد ونفسه بس يقاطعها ويقولها (( بحبك )) بس خايف يكون بيتسرع دلوقتي خايف من بكرة و دا ال ملجمة و مخليه بيسمع و ساكت
________________
عند ميرنا رجعت البيت وهي حسه انها احسن و اول ما اطمنت علي حنان و سليم دخلت اوضتها و فتحت تلفون اتصلت ع حمزة اللي رد من اول جرس
حمزة بلهفه ... الو ميرنا
ميرنا بهدوء ... ازيك يا حمزة
حمزة ... انتي مختفيه ليه لا بتيجي النادي ولا بتردي ع مكالماتي و رسايلي قلقتيني عليكي
ميرنا ... كنت محتاجة افصل عن كل حاجة و افكر واقرر
حمزة بخوف ... و قررتي ؟
ميرنا ... اها قررت
حمزة ... ايه طيب انا اعصابي باظت قولي قررتي ايه
ميرنا ... قررت اديك فرصه تثبتلي فيها يا حمزة اني مش هتخذل تاني ولا انا ولا ابني بس هي فرصه واحدة يا حمزة مفيش غيرها أنا ابني اولا وهيفضل طول عمري كدة ومصلحتة عندي اهم من أي حد
حمزة بفرحة ... و انا موافق و أن شاء الله هتتاكدي اني عمري ما هخذلكم انا حبيت سليم و دخل قلبي قبل ما احبك و حبك كبر جوايا بسبب سليم اصلا انتم هتبقو عيلتي اللي اتحرمت عمري كله منها صدقيني انا اسعد انسان في الدنيا دلوقتي بالفرصة دي اوعدك مش هخذلك ابدا ابدا
ميرنا ... و انا مصدقاك بس غصب عني لازم اتاكد عشان كدة هطلب منك طلب اتمني توافق عليه
حمزة ... طلب ايه ؟
ميرنا ... عارفه أننا كبار ويمكن تبان خطوة غريبة للناس بس انا حبة نتخطب رسمي فترة من غير اي مواعيد انا اتاكد فيها من مشاعري ومن انك هتكون اب مناسب ل سليم وانت كمان تتأكد فيها من قرارك بانك ترتبط ب واحدة بظروفي
حمزة بغضب خفيف .. نعم ؟ ايه واحدة بظروفك ؟
ميرنا ... مش هنجمل الواقع يا حمزة انت شاب متجوزتش قبل كدة وانا مطلقة و معايا طفل له ظروف خاصة
حمزة بعصبيه ... ولما بتعصب عليكي بتزعلي صح ؟ ميرنا مش مسمحلك تتكلمي بالطريقة دي عن نفسك أو عن سليم انتي اي حد عاقل ف الدنيا يتشرف أنه يرتبط بيكي تمام مسمعش ظروفي دي تاني خالص لو سمحتي
ميرنا ابتسمت ... انت ع طول عصبي كدة
حمزة خد نفس طويل ... للاسف دي من عيوبي اللي ياريت تتحمليها
ميرنا ... مممم وايه يا تري في عيوب تانيه ؟ ولا ايه النظام احب اطمن يعني
حمزة ... مش وقتة العيوب دلوقتي هتكلمي ماماتك امتي عشان اجي واطلب ايديك بقا و تبقي خطيبتي رسمي
ميرنا ... بكرة أن شاء الله هتكلم معاها وارد عليك
حمزة ... تمام و موضوع خالد ينفع أسألك قررتي فيه ايه ؟
ميرنا .. اها ينفع تسالني ... عموما قررت اسال دكتور ياسر و اشرحلو الوضع كله و هشوف هيقولي ايه
حمزة كشر ... وهو ماله دكتور ياسر دا حاجة شخصية
ميرنا ... لا طبعا هو هيكون ادري دا انسب ل سليم ولا لا
حمزة ... هتكلميه ف الفون يعني
ميرنا ... لا اتصلت حجزت عندة هروح بعد بكرة أن شاء الله لازم مقابلة فون مينفعش
حمزة ... طيب ينفع اجي معاكي و هستناكي ف العربيه ممكن
ميرنا ... نشوف بس موضوع ماما بكرة وبعدها نشوف موضوع الدكتور تمام
وفضلو يرغو سوا و اكتشفت ميرنا اد ايه حمزة كان واحشها و نسيت كل خوفها وهي بتضحك من قلبها ع غيرتة و عصبيتو اللي بقت تعشقهم
____________
عند نرمين
روحت و حكت ل عمها و مراتة اللي حصل وهما  كانو فرحانين من الحماس اللي كانت بتتكلم بيه و عمها وعدها أنه هيكون معاها خطوة ب خطوة و اتفقو أن من بكرة هيدورو سوا ع عمرو في كل مكان و هيروح معاها مرة و عشرة عند عبد الله لحد ما يسامحها وهي كانت لاول مرة من فترة كبيرة تحس انها قوية و أن اللي هتبدء فيه من تاني يوم هو الصح
و مع شروق شمس يوم جديد خرجت نرمين من اوضتها لاقت مرات عمها بتحضر الفطار
نرمين .. صباح الخير
اخلاص ... صباح النور يا حبيبتي نمتي كويس ؟
نرمين ... اه الحمد لله بقالي كتير اوي منمتش كدة
حسين من وراها ... طب الحمد لله يا حبيبتي صباح الخير يا نيرو
نرمين ببتسامة ... صباح الفل يا عمو
اخلاص .. يلا افطرو بقا عشان تشوفو وراكو ايه
نرمين ... هنبدء بأية يا عمي ؟
حسين ... هنبدء بالفيلا و بعدين المعرض و نختم ب ابوكي
اخلاص  .. أن شاء الله خير و ترجعو مجبورين الخاطر يارب
نرمين ... اللهم امين يارب ادعيلي كتير ربنا يطمن قلبي ع ادم واشوفو بقا
حسين ... أن شاء الله يا حبيبتي يلا بينا
نرمين ... يلا
واتحركو علي الفيلا لكن لاقوها مقفولة و الحارس رفض يقول اكتر من أنه ميعرفش اي حاجة و طلعو ع المعرض بس المرة دي مدخلوش وقفو بعيد يشوفو ايه هيحصل
وبعد انتظار نص ساعه لاقو عمرو داخل المعرض بس كان بيتلفت حواليه
نرمين بلهفه ... اهو اهو يا عمي يلا ننزل بسرعه يلا
حسين وهو بيمسك دراعها ... اصبري يا نرمين اهدي لو نزلنا كل حاجة هتبوظ
نرمين بدموع ... اصبر تاني ليه ماهو ادامنا اهو مسفرش ولا حاجة
حسين ... و دا ميلفتش نظرك ل حاجة ؟
نرمين ... مش فاهمه تقصد ايه ؟
حسين ...  قصدي أن ابوكي وعمرو متفقين سوا عايزين يادبوكي علي اللي عملتيه ف اتفقو سوا ف نهدي كدة و نستني لما عمرو يخرج نمشي وراه من غير ما يحس نعرف هو قاعد ب ادم فين وبعدين نتكلم معاه بهدوء و عقل فاهمه
نرمين ... حاضر يا عمي هستني اهو
___________
ميرنا صحيت متوترة مش عارفه رد فعل امها هيكون ايه خرجت من اوضتها كانت حنان بتحضر الفطار
ميرنا ... صباح الخير
حنان ... صباح النور ع الناس ال بقت تصحي متأخر
ميرنا ... معلش يا ست الحبايب نمت متأخر شوية امبارح. ... سليم صحي ولا لسه
حنان ... صحي و عملتله لبن شربة و بيعلب بالبازل ع ما احضر الفطار و البرنسيسه تصحي
ميرنا بضحك ... ما خلاص بقا يا حنان قلتلك نمت متأخر واديني بحضر الفطار معاكي اهو
حنان ... كتر خيرك والله بس عقابا ع صحيانك متأخر كذا يوم ورا بعض هتعملي الغدا بنفسك انهاردة انا مش هعمل حاجة و هتعملي حلو كمان عشان في ضيوف جايين ع الغدا
ميرنا ... ضيوف مين ؟ عزمتي مين يا حنان من غير ما اعرف قري واعترفي ؟
حنان ببتسامة ... حمزة
ميرنا بتوتر .. ح حمزة مين
حنان ... يابت هتعمليهم عليا احنا نعرف مين حمزة غير مدرب ابنك بتاع العوم
ميرنا ... و عزمتيه ليه ؟
حنان ... مممم عزمتو عشان من مدة كلمني و طلب ايديك مني و فهمني ظروفو كلها و أنه سيبك تفكري بس حب يكون واضح ف اتصل وقالي ولما حضرتك امبارح حنيتي عليه بفرصه اتصل بيا بعد ما قفل معاكي و الفرحة مش سيعاه و اتحايل عليا يجي انهاردة يقري الفاتحة و اني افاجاك اني عارفه من الاول عشان تثقي فيه اكتر 
ميرنا بخجل و فرحة ... مكلمك ؟ و احم يعني حضرتك ا
حنان ... حضرتك ؟ بتبقي مؤدبة وانتي مكسوفة 😏 مش كنت حنان من شوية
ميرنا كشرت ... يا ماما بقا
حنان ... خلاص خلاص بهزر معاكي اظن لو مش موافقه مكنتش هديلة معاد انهاردة يتغدي وياكل الحلو كمان ولا ايه
ميرنا ... طيب يلا نفطر بقا عشان ابدء اجهز الغدا
حنان ... شوفي البت دلوقتي مستعجله الحب وسنينه
ميرنا ... انا هخرج من المطبخ خالص واسيبك بقا
حنان ضحكت بفرحة علي بنتها اللي اخيرا هترتاح و تحب وتتحب وتعيش حياتها كانت مبسوطة اوي ب حمزة وحسه أنه عوض ربنا ل ميرنا بعد كل اللي شافته لأنها اكتر واحدة عارفه أن ميرنا تبان قوية قدام الكل لكن من جواها موجوعه و نفسها في السند وإحساس بالأمان اللي افتقدة من يوم طلاقها هي و خالد
_______________
بعد حوالي ساعه ونص من وقفة حسين و نرمين قدام المعرض خرج عمرو و اتحرك بالعربيه و وراه حسين اللي كان حريص جدا أن عمرو ميحسش بيه وقف عمرو قدام عمارة قريبة من المعرض و طلع و هما نزلو و وقفو ادام الاسانسير وشافو أنه وقف في الدور الخامس طلعو وراة علي طول ومع كل دور الاسانسير بيطلعه نرمين قلبها كان بيدق بشدة لدرجة أن حطيت ايديها عليه و تحاول تهدي نفسها افتكرت كل الكلام اللي دار ف الجلسه افتكرت سمية و ميرنا و حلمها بحياة جديدة وشغل جديد خدت نفس طويل و قالت لنفسها
.... اهدي يا نرمين انتي قوية ومش لوحدك عمرو انسان كويس اهدي وان شاء الله هترجعي ابنك ليكي تاني انتي قوية انتي قوية
يتبع ...