عاد المره الفاتت ما خوفتينا عليك يا بتي ،، هسي عملتك ديك في زول بفكر يعملها ؟ صغرتينا و دخلتينا في ضفورنا قدام أمك بتكون قالت نحنا ما منتبهين عليك عشان كدا طلعتي بدون علم زول مننا
- لٱ لٱ يا خاله ماف كلام زي دا و الغلط ما غلطكم مها دي أصلا كدا عنيده و ما بتعمل إلا الفي راسها ، يعنى لْـۆ هنا أو هناك برضو كانت حتطلع و تخلي البيت 😂
= كفايه يا جماعه بت اختي دي عرفت غلطها ما تمسكوها ليها ذله و أكيد تاني ما حتكررها مش كدا يا مها؟
هزيت ليهو راسي بمعنى أيوه ما ح اكررها
بعد ما حيدر قال كلامو دا عاينت ليهو بغيظ و حمرت ليهو ابتسم و سكت (غيتو عندو ابتسامه استغفر •اللّـہ̣̥ بس 🙈) ،، طبعا وصلنا الأبيض قريب للمغرب ،، بعد موال السلام و العتاب ضيفونا و اجتمعنا كلنا و قعدنا نتونس ، حيدر وقف على حيلو و قال لي خالي بعد دا انا راجع ، حسيت بوخزه في قلبي ما حاسه اني عايزاه يرجع ، خالي قال ليهو يا زول ترجع شنو؟ بيت معانا و لْـۆ مستعجل امشي بكرا الصباح ، حيدر قال ليهو لَـگِنْ.....ما لَـگِنْ ولا حاجه على الطلاق تقعد و تبيت معانا، جدي قال لحيدر اسمع الكلام يا ولدي و بعدين الزول دا حلف بالطلاق عديل ، مرة خالي رانيا قالت ليهو يرضيك يطلقون في العمر دا يا ولدي 🤣🤣 كلنا ضحكنا بعد كلامها دا قال ليهم طيب ما عِنـ.̷̷̸̷̐ـديّ مشڱلھِ ،، عاين لي لقاني مبتسمه و مركزه معاه ، رفع لي عاجبو نظام بتعايني لي ليييه ؟ طوالي حولت نظري منو ،، ريم شالت لي شنطتي و قالت لي ارح جوه....مشيت معاه الغرفه طلعت لي ملابسي و دخلتهم لي في الدولاب قالت لي بالمناسبه انا لبست واحد م̷ـــِْن فساتينك الخلتيهم هنا كان عندنا عرس و ما لقيت شي جديد ألبسو ، قلت ليها ما مشڱلھِ و اذا عجبك شيليهو ، قالت لي بالجد؟ ! قلت ليها جاده والله ، جات حضنتني و قالت لي حبيييتك والله 😭 قلت ليها حبيتيني عشان الفستان؟ قصدك انك كنتي ما بتحبيني؟ ضربتني ضربه خفيفه في راسي و قالت لي يا غبيه قصدك حبيتك زيااااده ، المهم خلينا م̷ـــِْن دا و قولي لي ولد عمك السمح دا اسمو منو 🙈؟ اتغظت شديد لأنها سألت منو ، قلت ليها حيدر اسمو حيدر ، قالت لي وووبعلي حتى اسمو حلو زيو ، النبي قولي لي خاطب ولا لٱ ؟ قلت ليها و انت دايره بيهو شنو؟ قالت لي بس انتي جاوبيني ، قلت ليها لٱ ما خاطب 😊 قالت لي بعد سماحتو دي؟ لَـگِنْ ما بلوم أكيد عايز ليهو وحده سمحه زيو و..... قلت ليها انا فترانه يا ريم و هسي ماشه اصلي المغرب نتونس بعدين ټمـٱمـ .....بعد ما صليت المغرب جات خالتو رانيا و قالت لينا تعالوا اتعشوا ، طلعنا برا لقينا حيدر قاعد مع جدي ، جينا قعدنا معاهم ، جدي قال لينا سموا و ما تنتظرونا نحنا أكلنا قبل شويه إلا ريم دي دخلتها ، قال كلامو دا و قام مشى غرفتو ، بقينا انا و ريم و حيدر ، طبعا ريم تشيل و تتبسم و مَـرّھٌ مَـرّھٌ تتظارف مع حيدر و هو ما صدق يشيل و يضحك معاها بقوا يتونسوا الإتنين كأني ما قاعده معاهم ، حركاتهم غاظتني شديد و ما فاضل لي شي م̷ـــِْن البكى حتى الأكل غلبني و عشان ما أبكي قدامهم وقفت علـّۓ. حيلي و قلت ليهم انا شبعت ، ريم قالت لي بسم •اللّـہ̣̥ متين أكلتي؟ و مالك يا بت فجأه ملامحك دي اتغيرت عيانه ولا شنو؟ عاينت لحيدر لقيتو بعاين لي شديد و حتى البسمه الكانت عليهو اتلاشت قلت ليها لٱ ما عيانه بس فترانه و خاشه أنوم قالت لي طيب على راحتك ....طلعت منهم و مشيت انتظرت العشا يأذن بعد ما أذن صليت و نمت طوالي.....
