♡ماكرة ابليس♡
الفصل الأول : سهام من حرير_ صباح الخير مدام ..
_بونجوغ مدام غزال ..
_گود مورنينگ ميس غزل ...
كل واحد حياها باللغة لي متعود يتكلم بيها في الفندق بعد ما كملات البريفينغ الصباحي مكتفية فقط بتحريك رأسها في القاء التحية و هي فطريقها لمكتبها تبدا عملها اليومي بدون ملل ، خطوات واثقين و نظرات مثل المجهر تتدوز بعيونها على صغيرة و كبيرة ، ليست هيا الآمرة ناهية وليست أقل منصب لكن تتطمح أن عملها خلال مناوبتها يكون على أكمل وجه ، بمجرد ما دخلت لردهة مكتبها وقفت المساعدة بسرعة و تبعاتها فتحات لها باب المكتب ، دخلات معاها حاملة فيدها الايباد لي منو متابعة العمل فيه كتسجل كل الملاحظات ..
دفعت الكرسي ديالها و جلسات عليه بشموووخ .. كترتب فستانها و هازة تلفون فوجها بايديها مركزة معاه
غزل : ( بصوت انثوي أخاد كتشكرها على فنجان قهوة) ميغسي ..
المساعدة : مدام غزل .. على حسب الخدمة لي تزادت فالميناج لقينا عندنا نقص فلي فام دو ميناج .. اليوم جبناهم كاملين على ود الحفل
ببرود ارتشفت من كوبها و رفعت راسها كتشوف فيها و نطقت بنبرة مختلفة ..
غزل : دفعي طلب للموارد البشرية ! اش كتسناي نزل نجيبهم ليك من الموقف ؟؟ و فيقي معايا لله يرضي عليك، اي تقصير مامقبلوش خصوصا ( كضرب بأظافر أصبعها على سطح المكتب ) اليوم وغداااا
المساعدة : بيان سيغ مدام غزل ! جهدي كولو تنديرو
غزل : اي حاجة ناقصة علميني اول بأول ماشي في اااخر لحظة .. كنقولها و تنأكد عليها مابغيت حتى خطأ اليوم ..! مفهوووم ؟غزل : مفهوم مدام
.. استأذنت منها و خرجات تكمل خدمتها في حين هي تمددت على الكرسي ديالها و ناضت وقفات امام زجاج النافذة الكبير لي شاد الجدار كامل، هازة فيدها فنجان القهوة، استنشقت ريحتها قبل ما تبدا تجغم منها و تنفسات بعمق، خدات الفون ديالها كتتصل برقم معين ...
غزل : ( بنظرة حاقدة ) وخاا يكونو نفااوك ! ماتغطسش هاد لغطسة!!
رجعات لها المساعدة حاملة فيدها مجموعة من الملفات .. نزلاتهم فوق المكتب ، محساتش بوجودها كانت منغمسة في تفكيرها ..
المساعدة : مدام .. مدام غزل ..
التفتت لها ملي سمعات صوتها كينادي .. خذات منها المساعدة الفنجان و رجعاتو فوق المكتب ...
المساعدة : لاليست ديال لي كيليون مهمين لي نزلو عندنا اليوم و غدا ..
.. جلسات في مكتبها كتقلب فالملفات لي امامها .. غمضات عينيها و عاودات حلاتهم .. زفرت بغضب و شافت فالمساعدة ديالها و لي بمجرد ما شافت ديك النظرة تفافات ولات تتقلب بعينيها فين الخطأ لي دارت ..
أنت تقرأ
Diablo Astuto (ماكرة ابليس)🥀
Lãng mạn#Soon🔥🔥 15/1/2022 #Diablo_Astuto🔥🔞 🖤 ماكرة ابليس🖤 #ليالي_نسيم مشاعر صاخبة ، ليالٍ هادئة ، قلوب تائهة بين أضواء بانكوك 🖤