منقذي... ❤

الفصل الثالث: وجع

ادم لما فتح الباب اتصدم لما شاف امه واقفه قدامه....

ادم: انتي بتعملي اي هنا اي جابك عايزة مني اي تاني مش كفايه اللي عملتيه فيا لحد دلوقتي

نادية: يا ابني اسمعني كفايه كدا حر*ام عليك حس بيا شوية انا برضو امك

ادم وهو بيضحك: بجد والله بعد السنين دي كلها بتقولي امك انتي لسه فاكره انك امي مش سبتيني زمان انا وسامر ومشيتي عشان نفسك اي رجعك دلوقتي عايزة مني اي

نادية بدموع: كان غصب عني مقدرتش استحمل ابوك وطمعه كان كل همه الفلوس وبس وكنت عايزه اخدكم معايا بس مقدرتش اخد غير اختك يا ادم

ادم بوجع: حرمتي*ني انا واخويا منك ومن اختنا وجايه دلوقتي امشي يا نادية هانم وياريت متجيش هنا تاني

نادية: يا ادم اديني فرصة واحده انا جيت ليك لانك الكبير والعقل واكيد هتفهمني

ادم بزعي*ق: قولتلك امشي انتي مش بتفهمي امشي بقي اخرجي من حياتي امشي بررر*ه

نادية مشيت وقلبها وجعه*ا اوي من رد فعل ابنها الكبير ومبقتش عارفه تعمل اي عشان ترجعوا هو واخوه لحضنها من تاني... جنه من صوت الزعيق قامت مفزوعه ولبست الاسدال وخرجت تشوف في اي

جنه: مالك يا ادم بتزع*ق كدا ليه مين اللي كان هنا انت كويس

ادم: وانتي مالك بتدخل*ي في اللي ملك*يش فيه ليه انتي مش قولتي هتبقي هنا خدا*مة بس يبقي متتعديش حدودك معايا فاهمه ولا لا

جنه بدمو*ع: حاضر تحب احضرلك الفطار

ادم: ياريت بسرعه عقبال ما اخد دش عشان انزل اروح الشركة

جنه: حاضر عن اذنك

ادم دخل الحمام ونزل تحت الدش وبقي يعيط ويفتكر اللي امه عملته من زمان... فلاااش باااك

ادم: ماما انتي بتعملي اي يا حبيبتي ليه بتلمي الهدوم بتاعتنا هو احنا هنسافر

نادية: ايوة يا ادم يلا ساعدني يا حبيبي عشان هنمشي دلوقتي بسرعه يا ابني يلا

ادم: بس بابا نايم استني هدخل اصحيه عشان يجي مانا هننبسط اوي

نادية بتوتر: لا يا ادم احنا هنسافر من غير بابا يلا يا حبيبي بسرعه بقي اسمع الكلام

ادم: حاضر يا ماما يلا

نادية لمت الهدوم كلها بتاعت ادم وسامر واختهم ليلي وبقيت تتحرك براحه عشان المنفلوطي ميحسش بيهم ولسه بتركب العربية المنفلوطي شافهم من البلكونه وزعق

المنفلوطي: استني عندك انتي راحه فين مش هرح*مك يا نادية اصبري عندك

نادية بخوف: يلا يا ادم بسرعه هات اخوك وتعال يا حبيبي يلا بسرعه يا ادم