منقذي... ❤

بداية قرب... ❤

#منقذي... ❤
#الفصل_الرابع

*انا بعتذر جدا علي التاخير بس عندي حالة وفاة بتمني الكل يدعي لابن خالي بالرحمه وان شاء الله الرواية ممكن تنزل يوم اه ويوم لا وهحاول اطول البارت علي قد ما اقدر شكرا لدعمكم... نبداء البارت بقي... 😊❤

دخلت السكرتيره بسرعه بتصرخ وبتقول: ادم بيه الحق بسرعه الشقة بتاعت حضرتك النار ولعة فيها وبيقولوا مش عارفين يخرجوا المدام

ادم اتصدم وبسرعه ساب حاتم وجري ركب عربيته ووصل عند الشقة كانت المطافي موجوده بس لسه محدش دخل عشان يطلع جنه جري علي فوق وكسر الباب

ادم: جنه انتي فين ردي عليا جنه جنه
جنه: ادم كح كح ادم انا هنا الحقني همو*ت
ادم بخو*ف: اهدي انا جيت اهو كل حاجه هتبقي كويسه استني

دخل ادم وطلع جنه اللي اول ما شافته اغمي عليها ونزل بسرعه بيها علي المستشفي ودخلت اوضة الكشف وبعدها وصل المنفلوطي وسامر

المنفلوطي: اي اللي حصل يا ابني ازاي شقتك ولعت انت كويس
ادم: الحمدالله انا مكنتش في الشقة جنه اللي اتاذيت ربنا يستر
المنفلوطي: مش مهم في داه*ية المهم انت يا حبيبي ياريتها كانت مات*ت وخلصنا منها
ادم بغض*ب: بابا كفايه بعد اذنك راعي انك بتتكلم عن مراتي
المنفلوطي بصدمه: ادم انت اتجنن*ت بتعلي صوتك عليا عشان واحده زي دي
ادم: عشان هي بقيت مراتي خلاص وانا مش هسمح لحد يغلط فيها مهما حصل
قرب سامر ومسك ايد ادم: انت ايدك اتحرقت يا ادم ازاي ساكت علي نفسك يا اخويا
ادم بغض*ب وقر*ف: ملكش دعوة بيا واياك تفكر تلمسني تاني يا سامر اعتبر اخوك ما*ت
سامر بدموع: يا ادم انا عارف اني غلطان ارجوك سامحني انا برضو اخوك الصغير
ادم: للاسف انا معرفتش اربي اخويا وادي النتيجه يا خسارة يا سامر
وقبل ما سامر يرد خرج الدكتور ادم جري عليه: طمني يا دكتور هي كويسه
الدكتور: الحمدالله هي بس اتخنقت من دخان الحريق بس احنا قومنا بالواجب وهي فاقت تقدر تدخل تطمن عليها بس بلاش اي ضغط
ادم شكر الدكتور ودخل لجنه: حمدالله علي سلمتك
جنه: الله يسلمك انا اسفه معرفش الحريقه دي قامت ازاي والله
ادم: مش مهم اهم حاجه دلوقتي انك بخير في داهيه اي حاجه تانيه
دخل المنفلوطي وقال: طب يلا اجهزوا عشان هتيجوا تعيشوا معانا في الفيلا
ادم بصد*مه: انت بتقول اي يا بابا دا مستحيل يحصل ازاي هنيجي نعيش معاك وسامر هناك
جنه بخو*ف: لا لا انا مش عايزة اروح انا هنام في الشارع ولا اني انام في بيت واحد مع الشخص دا
المنفلوطي بزعي*ق: انا اللي عندي قولته ومش عايز نقاش مستنيكم تحت يلا يا سامر قدامي
مشي المنفلوطي وقرب ادم من جنه اللي كامت بتعيط: والنبي يا ادم انا مش عايزة اشوفه متخلنيش اعيش معه
ادم: معلش يا جنه هما كام يوم لحد ما نجيب شقة جديده استحملي وبعدين الشقة ولعت ازاي
جنه: معرفش انا دخلت اخد دش طلعت علي ريحة الحريق بس انا كنت طفيت علي الاكل
ادم: طب خلاص اهدي ومتقلقيش من حاجه انا معاكي وكله هيبقي تمام