طريقي الئ الهلاك

الهلاك الاول

في إحدى الرسائل القَديمة بيننا ، وجدت وعداً بالبقاء
---------
ضلام

شتات بداخلي
خنكه بصدري

شوصلني لهل حال ياربي
معقوله كله اختبار من رب العالمين
لهل درجه صعبه هل دنيا

زين وذا غلطنا شنو نهايتنا

اخذت نفس عميق وزفرته بقوه

خلص لهنا وبس اريد ابدي من جديد بعيدا عن كل الفات كله لواني لو الماضي هلمره كافي اذيت نفسي

هوايه خليت ايدي بلكاع وكمت فتحت الكنتور وسحبت الشال شميته اووف ياعطرك لهسه موجود

اجت ايدي علئ السلسال واخذت لورده اباوع عليها رجعت كلشي لمكانه واخذت ملابسي ودخلت للحمام

جان بلصاله الفوك قريب من غرفتي طبيت اسبح كعدت جوه الدوش ونزلت دموعي الئ متئ تلاحكني

مناويه اخلص منك شوكت تعوفني بحالي كافي الراح من عمري وياك احجي كانما يمي بس الحقيقه

بيني وبين نفسي كمت ارجف من لبرد لفيت نفسي بل خاولي وطلعت طبيت للغرفه وكعدت امشط

واشوف شعري خصل خصل يوكع بلعت ريك بصعوبه حته صحه ماضلت بيه حرامات التعب لفيت

راسي ونمت بين الكاعده ولنايمه حسيت بصوت قريب باذني
-هاذه كله نتيجه سوء اعمالج
انتبهي من الجاي
توبي الرب العالمين
لاتمشين بلطريق الموصحيح

-هجير : فزيت من لنوم عركانه بسم الله الرحمن الرحيم ضليت امسح بوجهي وهديت نفسي ومر علئ بالي كل الي صار مثل الفلم

هسه صار الوكت الي اعرفكم علئ نفسي بي

اسمي هجير مواليد 2000 ساكنه بغداد وي اهل ابويه جنه عائله هادئه وناس تحب ناس اكيد متخله من المشاكل بين كل العوائل وهاي لمتعارف عليها

جنت صف اول ابتدائي وكاعده عمتي تنقطلي واني اكتب خلصت وطبكت لكتب وطلعت بلشارع اروح

لبيت عمتي لثانيه عدها بنات كبار احبهن كلش هوايه دكيت لباب الحديد لكبير وطلعتلي من وره لباب

-هجير:هلو عمه لبنات موجودات
-امال:هلا حبيبتي اي موجودات

-هجير:جان بيدي جيس مال نبك وكاعده اكل بي هيه دخلت جوه واجو لولد ثنين كعدنا نلعب شويه واحد منهم طاح علئ وجهة ضل يصرخ اخو كلهن

اجن يشوفن شصار اشر عليه وحجه
-هاي بيدها نبك يمه واحنا عدنه حساسيه

-هجير:ماحس بس براشدي وكضتني طلعتني بره طلعت ابجي مادري اني شمعرفني عده حساسيه كله طبيت لبيتنه لكيت بيبي تصلي اجيت كعدت يمها
بين متخلص صلاه

-بيبي:ياهو وياج بيبي
-هجير:عمه امال ضربتني لان جنت اكل نبك وابنها طاح

-بيبي;يا سوده عليه جا غير بي حساسيه من النبك
-هجير:ضلت تسكتني وكامت لبست عبايتها وطلعت تشوفه طلعت وراها رحت وره بيتهم كعدت العب

بلطين لحد ماصارت دنيا مغرب دخلت ضليت ادور علئ امي لكيتها تسوي عشه وكفت وهيه انطتني لفه بيها باذنجان وبتيته كعدت اكل كملت وركضت من صاحني ابوي

-هجير:ها بابا
-لبسي نعالج وتعاي نروح لبيت عمتج
-هجير:اهو لا بابا ماروح عمه تضربني

-لا بابا بس جانت مساعه عصبيه وخافت علئ ابنها
-هجير:رحنا اني وبابا كضيت ايده ودك لباب فتحته

هيه وباستني دخلت لكيته نايم علئ الجربايه بلهول وبيده كانونه اجيت كعدت يمه

-كله من وراج اجيت اموت
-هجير:اني شعليه مادري بيك
-وخري مني

-هجير:عفته ورحت كعدت يم لبنات جان ابوهم جاي من لسفر فتحن جنطته وطلعو اشكال الحلويات

جايب الهم وجايب اللعاب واكو لعبه مثل لمزمار اكو هواي منهن انطوني وحده ابتسمت واخذتها خليتها

علئ حلكي ونفخت وضل يطلع صوت ضليت كل شويه انفخ بيها ومكيفه وابويه يباوعلي مبتسم

رحته يم لجربايه اريد اشوف شنو هاي البيده اول مره اشوفها بس اعرف يخلوها للمريض تقربت

وتلمستها باصابعي بحركه سريعه كض ايدي وعصرها

-امشي ولي من بيتنا تردين تموتيني شنو
-هجير:انقهرت منه وطلعت من لبيت ورحت ابجي

مارجعت لبيتنا ضليت افتر بلشارع ومن فرع لفرع حسيت نفسي تيهت ضليت ادور براسي اني شجابني

هنا ضليت اشهك واصيح اريد احد يجي يرجعني جان فرع مابي بشر شويه وحسيت ضحك واصوات مال زلم تتقرب من عدي

...يتبع حبايب بنات هاذ البارت الاول وان شاء الله انزل الكم وره لامتحانات بس هسه حبيت افاجئكم بهل بارت صح قصير بس تعرفوني كتاباتي من بارت قصير الئ طويل يعني شويه شويه ❤️