طريقي الئ الهلاك

الهلاك السابع عشر

بنت عشها البلابل بالبساطيل
وجنحان النسور مزرفه زروف
مشينه للحرب واحنه كصاميل
ورجعنه مزرفين ونزحف زحوف
فتحنه عيونه وصارت درابين
وراوتنه قضايه تخوف الخوف
-----------------------------------
نصره:فزيت من النوم وايدي علئ كلبي يمه بنتي كمت من فراشي سمعت صوت الاذان طلعت توضيت وفرشت سجادتي وكعدت ابجي بصوت مكتوم

وادعي الله يرجعلي جهالي بعدني علئ سجاده او مد سجادته كبالي وصلئ كمل واخذ ايدي وباسها
-يامن:الحمدالله لان انتي موجوده بحياتي

-نصره:ابتسمت بوجهه والحمدالله لان انت موجود
-يامن:ياضوه العين
-نصره:تنام لو تطلع لشغل
-يامن:لا رايح اتوكل

-نصره:خلي اسويلك ريوك
-يامن:ماريد اتعبج ارتاحي ونامي راح اتريك وي الولد هناك

-نصره:براحتك تقرب مني واني بجادر الصلاه وباسني من راسي باوعت بعينه اول مره ابادر واتقرب تقدمت حضنته من صدره دير بالك علئ روحك

-يامن:بعيني يابه يله ارجعي نامي
-نصره:قفلت الباب وراه ورجعت نمت كعدت الساعه ب 7كعدت لبنات للدوام وسويت الهن ريوك وطلعن

كعدت انضف لبيت وسويت غده حسيت نفسي تعبت وضهري يوجعني رحت سبحت ولفيت شعري بلخاولي ونمت كلت من اكعد انشفه محسيت ع

روحي بس لباب يتفلش فزيت اركض فلك نسيت لباب مقفول فتحت لباب ودخل يامن وجهه احمر نار بلعت ريك من الخوف عبالي حيضربني سحبني الحضنه

-يامن:ولج راحت روحي عبالي بيج شي ميه فكره اجت ابالي

-نصره:عيوني دمعت راحت عليه نومه وماكعدت
-يامن:هاهيه يابه نوم العوافي انه هم ناسي اجيب يمج تلفون ولمفتاح ليوم ماخذته ناسي

-نصره:عيونه بعدها قلقه دخلنا جوه وراح غسل وجهه وصلئ لضهر جانت الساعه ب 1 الضهر واني نمت من 11 تمددت بلهول يمه وغفيت حسيت علئ ايده تمسد علئ راسي

-يامن:شبيج ليوم جنج مالج خلك
-نصره:امم تعبانه
-يامن:نروح للمستشفئ شبيج شيوجعج

-نصره:لا مابيه شي هسه ارتاح لبنات وين
-يامن:خليتهن يم عمتهن ليوم ارتاحي

-نصره:لا عفيه جيبهن ماكدر اعوفهن وحدهن
-يامن:ماعليهن شي مالج غرض بيهن ارتاحي انتي

-نصره:كمت وتربعت كباله وكضيت ايده لا عفيه جيبهن مامرتاحه
-يامن:هاهيه يابه هسه اجيبهن

-نصره:حسيت نفسي محتاجه عطره تقربت وحطيت راسي علئ صدره الدشداشه متروسه عطر
-يامن:ليوم شني يالله الحنان

-نصره:ضحكت. وكمت صبيتله غده وتمدد شويه للعصر راح جاب لبنات. واجه بوستهن
-داليا:شعجب بابا جابنا جان يخلينا لليل

-نصره:لا امي ماكدر اخليكم يضل بالي يمجن
-داليا:احسن اني هم ضجت هناك ردت ارجع للبيت

-نجمه:اي والله اني هم ماما اضايقت ملابس مدرسه من صبح لابستهن حد هسه
-نصره:فرحت من كالتلي ماما حسيت كلبي عنده جناح ويطير فدوا اروحلج يلا بدلو خلي نحضر