طريقي الئ الهلاك

الهلاك السابع

انة الخواف يا دنيا
انة الخواف من كلشي
لو احلم حلم موزين
انة رجف كبل رمشي
أدك بل باب الف رزة
وفز بليل الف فزة
و تعز روحي
وكل للخوف ضل بل بيت وانة امشي
انة الخواف يا دنية
و حال المبتلي حالي
اعبر عل نهر عطشان والمي مو على بالي
-----------------------------------------------
-هجير:ضل كلبي مقبوض طول ليوم لحد مارجعت للبيت اشوفهم كلهم وجوهم مكلوبه سحبت رقيه
وسالتها شكو يمعوده

-رقيه:عمه امال شالو لغير محافضه راحو ليوم
-هجير:اووي عبالي مدري شكو الحمدالله وشكر
-رقيه:انجبي تره متعودين عليهم
-هجير:شنو سالفه

-رقيه:دسمعي شلون صار الوداع ولله تكطع كلبنا
جنه نسوي غده واجت هيه ولولد ولبنات دخلت علئ بيبي

-امال:يمه اني رايحه والله مامتعوده علئ فركاكم بس شسوي
-بيبي:الله وياج يمه

-رقيه:جانو يحجون ويبجون وكامت حضنتها انوب حضنت امي وابويه ولولد ودعو بابا وراحو

-هجير:انقهرت علئ لبنات صح تبقئ عمتي وجنه متعودين عليها نروح ونجي بس اني طبعي بسرعه احقد مرات تضربني او ترزلني وتضل بكلبي اذكر مره جان عندي تلفون ابويه اخذته ورحت الهم وهشام جلب بي

-هجير: هشام جيبه عفيه لاينكسر
-هشام:لا معليج روحي

-هجير:جيبه شبيك اريد اروح
-هشام:مااطي يلا وشتردين هسه

-هجير:ضربت رجلي بلكاع شنو ماتطي اكلك تلفون بابا يريده اطيني خل اروح
-هشام:ماطي وبكيفي

-هجير:خله رجل علئ رجل وكعد يباوع بلتلفون جنه صغار ذاك لوكت بس هوه خبيث ماطاني اياه. اجتي عمه

-امال:هجير هاج هاذا البيض ودي لمرت عمج تريد تسوي كيكه
-هجير:اي عمه هسه كلت الها هيج وخذت لبيض منها وهوه يباوعلي ويضحك جانت بت عمتي لثانيه وهج
واكفه يمي

-وهج:تعاي راح افتح لباب خاف يطيحن من عدج
-هجير:اي عفيه افتحيلي اياه باعي راح اروح اوديهن وانتي جيبي تلفون من هشام خوش

-وهج:خوش يلا
-هجير:ركضت للبيت اطيت لبيض لمرت عمي ورجعت لبيتهم

-وهج:هشاام اطيني تلفون هجير تريده يله هجير شوفي مايقبل

-امال:يااا صارلج ساعه علئ تلفون هسه جان خليتنه شويه بيده شصار عليجن وانتي هجير علئ كيفج راح ياكله شنو بس هوه مو صوجج صوجي يلا
امشي ولي لبيتكم اطيها تلفونهم هشام

-هجير:فشلت والموقف محرج بلعت ريك بحيره واخذت تلفون من ايده وطلعت يلا وهج ماتجين

-امال:امشي ولي انتي ماتجي عوفيها يمنا

-هجير:هزيت راسي وطلعت من بيتهم دخلت لبيتنا واني اصب عرك من الفشله ليش هيج يسوون وياي شنو هل خبث هاذا

-رقيه:هاا يمعوده وين صافنه
-هجير:تدرين ولله حرامات واحد ينقهر عليهم طزز بيهم خل يرحون
-رقيه:يااا

-هجير:وجعاا وسمااا الج والهم وخرو عني شلون ناس انقهر عليها جنت احجي هيج بس بداخلي ميته

قهر يعني بعد محد يعاركني وماشوفهم ولا كل يوميه يمهم غمضت عيني واتذكر عركنا ومشاكلنا

-هشام:عوفي وهج يمنه وروحي
-هجير:انتو ولد واحنا بنات لازم تجي ويانه

-هشام:لا موبكيفج يلا روحي اتضل يمنه
-هجير:بس اني اريدها يمننه هيه اجتنا ماااجتكم
-هشام:اني الج تعاي ليش تصيحين عليه

-هجير:بوكتها كضني من اذني حيل عطت من لوجع وخررر شبييك سحبت وهج من ايدها وهوه سحبها من ايدها لثانيه

-هشام:كلللت تبقئ هننااا خووش
-هجير:مو بكيفك وخر منها ضلينه نجر بل بنيه اني منا وهوه منا اخر شي عاطت بينه

-وهج:وخرررو ثنينكم كطعتو اديه عبالكم لعبه عدكم ماريد احد اروح يم بيت عمو احسلي

-هجير:خزرته وهوه مخلي ادي ومتخصر شكد جلب
-هشام:هاي عليمن والله انتي لجلبه

-هجير:طلعت ابجي وعفته رحت لبيتنا وتلكتني عمتي

-ام وهج:ها عمه شبيج
-هجير:عمه انتي مو جايبه وهج يمنه شنو هاذ هشام ماخذها لبيتهم ميخلينه نلعب سوه

-ام وهج:يااا شماله هاذ حاط عقله وياج
-هجير:راحت لبيت عمه امال وجابتها واجت حسيت نفسي انتصرت عليه واخذت وهج وضلينا نلعب

اووف شلون ذكريات همزين خلصت منه كعدت مثل كل يوم اقره دروسي واكمل ودخلت علئ الايباد

اباوع ونمت كعدت الصبح متاخره وطبعا مسجله بخط اذكر اول يوم كالي راح اجيج بثمانيه اله ربع

اوكفيلي علئ الشارع واني ب 8:40 وكفتله بيومها مالكيته ورجعت لاهلي شبعت طن رزايل لان اني

ماعرف للساعه ومخربطه بلوقت اخذت رقمه ثاني يوم وكتله من تجي رمش علئ رقم بابا كملت تبديل

ونزلت علئ لشارع ركبت بل خط وسلمت علئ لبنات لويايه ودخلنا للمدرسه كعدت نفس مكاني وبنات

جدد شفتهن جانن علئ السطر ليم لحايط واني بنص جانت وحده بيهن تمووت كد ماحلوه ولثانيه

ماتقل من جمالها يخبلن يخبلن رحت سلمت عليهن
-هجير:هلو بنات شلونكم

-ملك:هلو بيج
-نوران:هلا حبيبتي

-هجير:كعدنه نسولف وصرنه صديقات اخر درس كالو. نضفو الصفوف لان وصخات واحنا صارلنا يومين انداوم

-ملك:متكومين تنضفين ويانه
-هجير:هاا

-نوران:عوفيها متريد توصخ ملابسها
-هجير:بينا الحجي مو كلش اعرف انضف

-نوران:ههههه خوش كعدي
-هجير:جنت اباوع عليهن رفعن السدريه وطلعت رجليهن بيض يلمعن ودنكن يمسحن الكاع بلوصله

عفتهن ينضفن ودك لجرس للبيت واكو طالبات ضلو بس اني ماكدر اتاخر علئ البيت ودعتهن ورحت وصارن اعز صديقاتي

-----يتبع بنات حبايبي اعرف لبارت قصير والله بس عندي خطار بليل انزل الكم واحد ثاني تعويض ان شاء الله ❤️