صوت عصافير و نسمة الهواء البارده يلي كانت تهب بين فتره و فتره محركه معها اغصان الشجره الكبيره يلي كانو مقعمزين تحتها مهاد، و نور.
"بالقلب خليني عإيديك غفيني يا حبيب الروح."كانت مهاد تغني بصوت هادي بينما كانت أناملها تتحرك بنعومه بين خصلات شعر نور يلي كانت حاطه راسها في حجر صاحبتها و رافعه يدها فوق تحرك فيها مع الريح و تتفرج علي أشعه الشمس يلي جايه عليهم.
".مشتاقه اغمرني احملني طيرني بساحات عشقانه الليل سهرني ."
رفعت نور عيونها فوق و قعدت تتفرج علي صاحبتها بابتسامه خفيفه.
"مهاد."
شبحت مهاد لوطه لي صاحبتها و ابتسمت قامت خصلات من شعرها الاحمر يلي طاحو
من كودتها علي و جها و رفعت راسها بتسأول.
"شني؟"
حولت نور تركيزها من علي صاحبتها تهربآ من ان تلقط حاجه مش مفروض تنكشف و رجعت حطتهم علي يدها يلي رفعتها فوق و بدت تحرك فيها.
"امم،شن رايك في خوي قيس."
فنصت مهاد باستغراب بس مطولتش تفنيصتها الا و تغيرت لما طلعت من فمها ضحكه.
"سأئلتيه السؤال هدا من قبل في تقعميزه تشبه لي هادي و سؤالك جي في نص حديت آلمرا هديكا."
فلاش باك ✨
"ردي بالك اطيحيها السفرا."
فنصت مهاد و كشرت وجها.
"واللهي هاك شديها انتي خير."
تلفتلها نور يلي كانت تمشي قدامها و ابتسمت باستفزاز رفعت حواجبها الزوز و قالت
"تس ردي بالك عليها بس."
"مستفزا اخر مرا نسايرك."
هزت نور أكتافها "مش قلتيلي هي نطلعو لي شجره البرتقال و ندير اني كل شي."
"درت فيك خير استعبدتيني."
هزت نور راسها و ضحكت،ابتسمة مهاد بفرح ان قدرت تراضيها.
"يزعلك هو و نحصل فيك اني."
تلفتتلها نور و مط شاربها "ماهو كنّا مسايرتكش و مشينا لي ماجد ناخدو الروايه منه راهو مدارش مشكله و كشخ عليا."
رفعت مهاد خشمها بانزعاج،"ننننن،اي هو يكشخ و انتي تسيحي تقعدي تبكي طول مش عارفه خيرك هكي."
رفعت نور كتافها."منحبش نزعله و منحبش يكشخ عليا."
"اي هو يزعلك و اني انراضيك."
ضحكت نور و بعتتلها بوسه خلت مهاد تبتسم بخفه و بسرعه ترد تكشر في وجه صاحبتها بس المرا هادي بمزح.
"مهاد!"
اتجمدو البنتين في مكانهم لما سمعو الصوت الذكوري العالي يلي جي من وارهم بمسافه.
تلفتت نور و شافت قيس جاي جيهتهم،اما مهاد يتجمدون في مكانها بملامح وجه مخلوعه.
"قيس؟" نادت نور باسمه بنبرة سؤال.
فنصت مهاد و تلفتتله بحذر بش مطيحش صفرة يلي فيها مقات النسكفيه.
"خيرك انت في حد ينادي حد هكي؟"
شبحلها معالم مغتاضه."السوال يا فالحه في حد يمشي و ميشوفش قدامه في رشاده هكي كبرها قدامك و مشبحتيهاش خيرك!"
بعدت وجها بمسافه كردة فعل علي صوته العالي.
تلفت و شافت الرشاده يلي كانت بتعتر بيها عضت شاربها و رجعت شبحتله بحده مخبئه إحراجها.
"معش تكشخ عليا تكلم معاي بأسلوب لو سمحت."
تفنيصة قيس و ملامحه إلحاده انكسرت لما لاحظ الارتباك في ملامح صديقته يلي كانت تحاول تخفيهم بحده تقارب حدته هو في الكلام.
حرك راسه لتالي و بدّي يضحك."خلاص اني اسف ردي بالك مرا تانيه."
ميل راسه و خوك حواجبه باتجاها مع ابتسامه.
"باهي هكي؟"
ابتسمت و هزت راسها.
حرك عيونه لي السفره يلي بين يديها و قال"شن مدايرين؟"
أنت تقرأ
نور
عاطفيةكل شي بدي لما الدكتوره نور بدت تخدم في مستشفي شمس للامراض النفسيه العياده يلي كان طموحها من و هي صغيره توصلها و بمجرد ما وصلت و قابلت زين الدين المريض يلي لقبوه كلهم بشبح العياده ولا عندها هدف جديد و يلي هو انها تكشف يلي مخبيه بس مش هو بس يلي عنده ا...
