((بداية النهاية)) ☠️

البارت التالت

<<بداية النهاية>> البارت الثالث قبل الأخير...

قامت بفتح اول صفحاته شعرت بنبضات قلبها تزداد لماذا تشعر بأنها ليست المرة الأولى التي ترى ذلك الكتاب بملمسه بين يديها ونبضات قلبها تلك كالاشارة لها.... وقبل أن تقع نظرها عليه سمعت رنين هاتفها يعلن اتصال دكتور مروان...

_ انا تحت البيت..

_ تمام انا نازلة اهو

نظرت للكتاب بريبة ثم وضعته بخزانتها وسط ملابسها.. ونزلت إلى دكتور مروان..

_ازيك يا انسة يُسر

_ ممكن نشيل الألقاب؟ انسة وحضرتك

_ نشيل الألقاب... ازيك يا يُسر

_ مش كويسة

_ طب تعالى نتمشي بالعربية شوية الشوارع هتبقى فاضية وهدوء دلوقتي

_اللي بيحصل دا مش طبيعي... مروان هو انا كنت باخد علاج ؟

_ اكيد.. بس ليه السؤال؟

_انا كنت باخده بانتظام؟

_ بصي يا يُسر انتي كنتي بتاخديه بانتظام فالاول وذاكرتك بدأت ترجع تدريجي وبعدها وقفتيه فجأة! وكل حاجة بدأت تبوظ لحد ماحالتك اتدهورت خالص وفالاخر بتنتهي بانتحارك... احنا بنحاول لحد دلوقتي نفهم انتي ايه اللي وصلك لكدة!.. كل مرة بنحاول نكون جنبك عشان نتفادي أخطاء الانتكاسة اللي قبلها بس للأسف كل مرة بنفشل لأنك فعلا مش بتساعدينا خالص

_ انتو؟؟انتو مين؟.. انا معرفش حد غيرك لحد دلوقتي واصلا ماليش حد

_ احم لا هو ليكي.. ليكي شهاب ابن عمك

_ بس دا مسافر بقاله سنين! وانا حاولت اتصل بيه مش بيرد

_ شهاب كان مسافر اها بس رجع من سنتين وقت وفاة والدتك وكان معانا ساعة الدفنة بس انتي وقتها كنتي ف المستشفى عندي وبعدها شهاب فضل معاكي طول السنة لحد ماحصل مشكلة ف شغله وسافر يحلها كنتي انتي حصلك الانتكاسة الأولى وانتحرتي وبعدها هو رجع تاني فضل معاكي طول السنة بردو وبعدها هو اعتقد سافر تاني لاني ف الفترة دي كنت بجهز نفسي للسفر تبع شغلي ف انشغلت عنكوا بصراحة بس كنت متطمن انه معاكي بعدها لقيتهم جايبينك ع المستشفى عندي بنفس الوضع تاني!... يُسر احنا بنحاول نساعدك.. انا اول مرة اواجهك بالحقيقة المرادي دايما كنا بنخبي عليكي وبنسيبك تتصرفي تلقائي وكنا بنراقبك من بعيد بس المرادي انا قررت اغير طريقة العلاج لاني معنديش استعداد كل دا يتكرر تاني ف لازم المرادي تساعدينا

_ مروان انا معرفش اي حاجة عن حياتي! انا كأني اتولدت من جديد لسة بكتشف كل حاجة حواليا

_حلو! انتي دلوقتي قدامك طريقين ي اما تفضلي تكتشفي بنفسك حياتك كانت ازاي وتكملي العلاج ف نفس الوقت أو تبدأي من جديد تبني حياة تانية ليكي بمزاجك انتي زي مانتي عايزاها ودي فرصة مش بتيجي كتير لأي حد وانا معاكي ف الحالتين

_ انا متشكرة جدا يا مروان.. واسفة اني ازعجتك فالوقت دا

_ ايه اللي بتقوليه دا ؟ دا واجبي

_ معتقدش أن واجبك ك دكتور تنزلي الساعة ٣ الفجر!

_ بس انا مش بتكلم عن واجبي ك دكتور.. انا بتكلم على واجبي ك خطيبك!!

_ افندم!!

_ انا اسف اني بصدمة ب دا دلوقتي يا يُسر بس انا مضطر اكسب وقت لأن كل مابنسرع ف الحاجات اللي بتعرفيها كل مابنقلل وقت العلاج
_.........

لم تبدي يُسر اي رد فعل سوى أنها دخلت في نوبة بكاء وشهقات متتالية اتفطر على إثرها قلب مروان

_ يُسر اهدي عشان خاطري انا مش هستحمل اشوفك
كدة وخصوصا ان دا بسببي... انا عارف انك ممكن متصدقيش بس هيوريكي دليل على كلامي
وأخرج من جيبه هاتفه على صورة لهم معا..

_ بصي.. دا يوم خطوبتنا ودي الصور اهي خطوبتنا حصلت بعد الانتكاسة التانية بناء على طلبك انتي! وبحضور شهاب كمان بس انا مقدر الحالة اللي انتي فيها ولو حابة منكملش انا مش هضغط عليكي بس اتمنى تفكري تاني وتدينا فرصة مع بعض

_ عايزة اروح

_ يُسر انا..

_ ارجوك عايزة اروح!

_ حاضر
************************************************

لم تعد تفهم شيئا مما يحدث هي الآن مخطوبة وأيضا ابن عمها كان معها لمدة سنتان ولا تتذكر منهما شيئا ولا تعلم أين هو الآن حتى.. دخلت غرفتها ونظرت لنفسها بالمرآه من هذه؟؟ لم تتعرف على شكلها بالبداية ما تلك الهالات وشحوب وجهها وجسدها الذي زاد ضئاله على ضئالته!.. هل ذلك ما توصلت إليه بعد سنتان! أين هي؟ هذه لا تشبهها بالمرة.. لن تسمح بتلك المهزلة عليها أن تهتم بحياتها من تلك اللحظة لما لا تنظر للجانب المشرق لديها مروان الان بعدما شعرت انها أصبحت وحيدة فلتعطيه فرصة كي تعرفه ربما تقع في حبه.. وايضا عليها الانتظام على علاجها حتى تنتهي كل تلك الكوابيس والهلاوس... فلتبدأ حياتها من جديد.. أخذت ملابسها وذهبت للاستحمام وقفت أمام الحوض وفتحت الخزانة الصغيرة فوقه حتى تضع بها الدواء بعدما أخذت منه واحدة فوجدت دبلة ذهبية بها نظرت لها مطولا وفهمت انها دبلتها اخذتها وارتدتها على الفور وأخذت حمامها وخرجت... ثم تذكرت ذلك الكتاب! ذهبت مسرعة إلى خزانتها وبحثت عنه بداخل ملابسها.. أخرجت جميع ملابسها من خزانتها وهي تبحث عنه كالمجنونة أصبحت الغرفة محاطة ب ملابسها أرضا وأعلى فراشها ولكنها لم تجده!!! فقد اختفى الكتاب تماما كما لم يكن موجودا من قبل!.......

يتبع....

*#بقلمي_حنان_ابو_بكر*
*#بيسان*