بنت الكاريان💎مكتملة💎

البارت 2🔥

💥بنت لكاريان💥
🔥واقعتي بباريس🔥
ملاك هانسل،البارت:2

دوزتها بجغمة دليصونص بنت القاف مابغات دوز،مي غابلاتي لا ماندوز ليه انا من شي قنت خرا خخ داخلة تانلعب بكريناتي سروالي مفضفض تايديه لبرد  خخخ لابسا ايرماكس عامين وهي عندي ولبنات تايغنيو"انت حللااااالي" خخ على بالهم شي تيتيز واهوا الصراحة تانا على بالي😂 وقفنا دايرين الصف فحال ولاد الروض لا فحال تران سانفرانسيسكو،هاريحت الصبايغ هاريحت الروايح هاريحت التقاشر خخخ تايماكيو هي لمسخ جاي شارو إخخان اوا هالجهل،واااالعداااو ،واتريكت حنصالة والقدار انا صافي را خبباطاتي تسلخو بالوقيف وشداتني صريرة حيت ماتانهضرش وماصببحت على تاشي كدبى خخخ  ولليت تانطلب غير يمتا يجي هاد البوكوص والله مانأديه😈را فشلو ركابيا بلوقيف يالله غانضور نعطعط تاشفتو جاي لا صافي غاننتاحر اعباد الله انا امووت،تبلع لساني الزعتر صافي فشلت وابقات ليه تانية يموت اعباد الله شبح لا صافي شبح والمشكلة طووووووووطووووز من هو  ومن انا واين نحن ،هوا تايقرب والبنات  غوبشو وتايسوطو خخخ وانا تانفرنس وتابعاه بلعين تاحل لباب دخلت انا اللولة وتانتبوزا ،واهادي همزة صحيحة ليوم نزهاو جلسنا وجلس تاهوا وبدا فخطابو تانشوفو فحال موسيو موحماد سيس تبارك الله مشاء الله عليه طيحني خخخ واغانموت بالضحك قلبي قريب يوقف غاتايهضر ونبدا نكركر

هو:انا عماد ابن عصمان غاتكونو تاتسمعو بيا

كلشي شهق انا شفت فيهم مدلية قنوفتي ب(يااعلى)

نرجس:اوا صافي تلقاوه جاي غير من ورا اولماس(منطقة جبلية) وتايطنز عليكم
وضرؤت شفت فيه وتانهضر

نرجس :استاذي العزيز ،فصراحة انا سمعت ليك وماسمعتش بيك تفضل شرفني بحضرتك

خنزر فيا ووقف وانا درت ليه بيدي تفضل
عماد:انا  رجل اعمال مشهور وعندي عدة فروع فأنحاء العالم وحتا فالمغريب

واااو  فتى احلامي. هه صافي باينا غانولي مغنية ليوم ولا غدا ونتزوج بيه قلتهاليكم ياك

نرجس:وااو(هزيت يدي تانصفق عليه) صدفة زوينة ا استاذ تابابا رجل اعمال تقضر تكون تاتعرفو

كلشي ضار حال فمو

عماد:انا ساكن ففرنسا استاذ فمادة اﻹنجليزية وجيت للمغرب حتا كتاشفت انكم ضايعين فاستاذ للغة اﻷجنبية
نرجس:اه وجيتي دير فينا خير

كلشي خرا بالضحك

خنزر فيا تاني ورجع لبلاصتو وانا هزيت صبعي غير فبلاصتي

نرجس:استاذي العزيز ممكن سؤال

ماتسنيتوش كاع يوافق خخ😂
نرجس:فين بالضبط في فرنسا

يالله بغا يجاوبني
يالله بغا يجاوب وانا نقاطعو

نرجس:مزوج ولا لا

يالله بغا يجاوب تاني وانا نقاطعو

نرجس:صافي صافي  ديرني التانية ماتايهمش

القسم:😂😂
سمية تاتنغز فيا جالسة حدايا ومنية ورايا تاتنغز فيا

ضرت عندها كان اﻷستاذ يالله يغا يهضر تاني وقاطعتو بغواتي  غوتتت على منية

نرجس:خوريني نتي حسن تقبيني وخللي سيدي عماد يضربو لبرد

ضرت شفت فيه:هادي بغات تضيعك فرزقك الشايب ديالي

القسم:😂😂

عماد(بالغوات):نتي را بديتي تاتجاوزي حدودك

نرجس:نو انا غانتزوج بيك نتا   اماشيغي4/4 من لحاجة و كتر من الزبيب الحبيب وراقيا غدا يكونو واجدين سجلني فدوفوايس ونضربو شي فشي نجيبو شي مومو تايمشي اجي باقي قاضر على الدراري والهراري صافي تانا مافيا لي يتشرشم نيت نتبنناوهم
ناري ميمتي نسيت راسي وتيقت الضور هاهوا جاي عندي لا صافي ليوم نمشي فيها كفتة جا شدني  من قرفادتي فواحد لقبية عندي من عام الديناصور  هز كارطابلي ودفعني وتبعو ليا وسد عليا لباب فوجهي

نرجس:ولك يااا خاااين انا بكره الخاينين والله بقطعكم شقف وزتكم للكلاب  خخخ توحشت مايا الصراحة صافي تأترت وتانبكي بلعاني

نرجس:اهئ اهئ ما ألمك ضميرك ياواطي😂😂 لا تساليت بالضحك وخرجت تانغني دزت على لمدير شافني جا تايجري ريوكو سايلين تايطلب الشرع من فعايلي ومن وسااامتي ولوووو  قصدي جمالي ولك انا صاروخ بيصرخ مايعللي صوتو الله يخرب بيتي شو بكززب😂😂

المدير: هيييه اجي نتي لهنا
انا؛وي موسيو

المدير(بهمس): اش درتي تاني

نرجس(ببراءة):تزعطت فالﻷستاذ الجديد(تانرمش بعويناتي)

المدير حط يديه بزوج على فمو:اويييلي(بصوت مبنت حيت هوا مخننت شويا😂😂)

نرجس(هزيت راسي بأه ومدليا قنوفتي):قسما عضما

المدير:وشنو وقااع(بصوت بنت زويملة)

نرجس:عتارفت ليه وجرا عليا(رببعت يديا وتانفكر فشي مصيبة)
المدير؛اجي نتافقو على بلان

انا عطيتو ودني عارفاه مفروح وقريم تكريمو يمشي يتزاوط فخريبكة خخ

المدير:انعطيك رسالة سيري عطيها للسي عاطف مول المات (وتايميل راسو ويتحرك فبلاصتو فحال قحبات لحناجرة) وانا نهدن ليك اﻷستاذ

انا حليت فمي:تزعطتي فيه

المدير حشم وشابك يديه وتايتلو فبلاصتو  ضربت راسي بيدي وقلت ليه:ارا😈 اصلا انا بغيت غاننتاقم من ذاك الواطي ياللي قللعني بررا البيت وانا حاامل😂

شديتها منو ومشيت خليتو تاينقز فحال لبنت وفرحان وفطريقي قريت الرسالة

،يتبع🔥