بنت الكاريان💎مكتملة💎

البارت 1🔥

البارت:1♡

شتو انا مانخاف مانحشم،فيا الهضرة بزااف ،الى ماهضرتش تانحس براسي غاندير افلاس،حلاقمي تايتلاسقو،صحاباتي كاع هربو مني من كثرة الهضرة اصلا ماعندي صحابات من غير سمية ومونية خواتات وطحت عليهم فحال البيضة فزمزم،ماعنديش معا الحب والزمر انا عندي معا المشاكل والمصائب،الى مادرتش شي مشكلة مصارني تايتلواو ويشدني بوتفتاف😂 لالا ولكدوووووب اماي مولانا ،تانعطيهم علاش تايتلووواو ،راه الى مازفطتش فالدقيقة شي زفطة عالمية مايطركنيش النعاس وتاتجيني كريز قوية فدماغي تاتخليني نرتاكب الجرائم الوحشية،هضرتي فرفارة تايشوفني لحارس تايوجد لورقة قبل مانوصل عندو عارفني غانبدا نقرا عليه الزابور تايضرو المخيخ ديالو،البصلة السيسائية متاعو تانرضها بطاطة زعتراوية، ماتعرفوهاش هادي احذى الخضر لي ختارعت انا😁 ورا ختارعت بزاف عرفتو برج ايفيل أنا لي مصمماه  نهار مات الوليد هتلر الله يرحمو شريت امريكا فداك الوقت عقدت اتفاقية معا طاليس وهوا لي قتارح عليا نصمم ليهم حتا برج سانتوس عرفتوه فين جا ياك اه تاﻹسم انا لي ختارعتو ، اودي غاسمحو ليا بديت عليكم تانتوما بالكذوب😂من بين اجابياتي ،شعري زوين وطويل وديما تانربطو كوب شوفال هه كلشي على تانربطو راتانربط حتى منية بعد لمرات فالسطح باش ماتتبعنيش للكوزينة بنت لهم زقرامة،ومرة مرة تاندير ليه كرينات،المهم زعرة وعينية زرقين،وحيت صحاباتي مسيميمات ديما تايقولولي كفاشنتي مابيضاش وزعرة شي لعيبة تيكا تما، تشوما ريحو المحسادات وحدا شعرها يعطعط بتتوما تانشمها تانتشها المرقة.. المرقاوية لاخرااا وسمية شعرها تحكو بيه لحيط طيح صباغتو المجيرة لاخرا،هضرتي مشرملة تشوما رايتململ شي قانوع نريط لشرو حنكو،ولباسي عميق سروالي نتخشاو فيه انا ومنية وسمية بلل مانهضرو على لقبية نلبسوها لشي كار مايضربوش لبرد،واشفتو راتانضرب الهم لبلادي،تفتف اشمن بلاد الله يعطينا شي  تشقليبة  نلقاو راسنا حدا برج اييفيل،
:سميتي نرجس 18 لسنة ، طايتي  مابيهاش المهم مارقيقة ماغليضة غي هوا مانبينهاش بالنسبة ليا داكشي غير تخربيق  عايشة مععا لوليدة  فقط تاتخدم فوزين المسران،ومريضة ربي يشافيها ليا عندها الحجر فالكلاوي،الحاجة لي تاتعقدني ،وتاتخليني غير ضاحكة وهابلة وطالقة البشرة ماشي ضروري الى كنتي مفروح راك فوق السلك راه عايشة غير فبراكة والحمد لله الصباح نوض نفطر تانلقا ميمتي حبيبتي صاوباتو وفطرات وخلات ليا ونمشي نقرا،تانرجع ندير لغدا نتغدا وهاد لمرا انا لي تانخللي ليها  تانرجع نقرا ومعا ال 6 تانجمع البراكة كاملة ونتلاح نحفض  تانقرا ف الباك حيت رغم ذلك تانقرا غير هو تانقرا بالهبال ونضحك الدراري ونطلع ناجحة ونخلليهم تابعيني وتانتوما تبعوني راغانسطيكم حلمي نولي شيخة غي ضاحكا بغيت نولي مغنية المهم راقريبا ليها  خخخ  ااي نشد لميكرو ونغني عطيني صاكي ونتزوج شي رجل اعمال من فرنسا  ااح اليام اصلا الخبز بنين علا اﻷحلام لي مستحل تحقق،واحد النهار فقت على عادتي طركاتني المشوكة تاع منية والمنتوفة تاع سمية مشينا نقراو غاتاقالولي جابو استاذ جديد  لﻹنجليزية'شناهوا تابربي تانلبس مرتو لبيض

يتبع😂