اسرت قلبي بحبها و رحلت

بارت 1

في صباح يوم جديد في مدرسة ثانوية للبنات :-

رسو : اكو شرف شيخ الشباب ( تقصد شاكس )
شاكس وهو يطالع السبورة : شنو علينا احين ( يسأل رسو )
رسو : اليوم الثلاثاء شفيكم علينا حصتين رياضيات ورا بعض احين بتيي ام عروج ( تقصد مدرستهم )
شاكس بتذمر : اوفففف مالي خلق رياضيات على الصبح احنا ليش دخلنا علمي من الاساس مفروض ريحنا مخنا و دخلنا ادبي
رسو اطالع الباب : اكي شرفت لولو كالعادة متأخرة
لولو قعدت مكانها جنب شاكس و حطت شنطتها على الارض

مر الوقت و عدت الحصص و صار وقت بريكهم

شاكس وهو قاعد و ساند ظهرة على الكرسي و سمع سوالف رسو و لولو قاطعهم و قال لهم : بقولكم شي ( بأبتسامة خفيفة )
رسو و لولو : قول شنو فيك ؟
شاكس : صح امي مسجلتني في تحفيظ للقرآن ؟
رسو و لولو : اي زين
شاكس : بقولكم في وحده معانا في الكلاس شقققق وربي خقيت اخخخخ ( يقصد نوني )
رسو و لولو : اوووو قول قول مب من عوايدك هل سوالف شعندك ؟
شاكس : ما ادري شنو صار دخلت قلبي على طول و اخخخخ جي شكلها كيوت و شفايفها ( غمض عينة عشان يتذكر شكلها) جي توت على عسل وربي حلوين
رسو : اووو تطورنا و قمنا نخق بعد بس دقيقة يا زفت امك مطرشتك عشان تتعلم قرآن وانت رايح تخق على بنات خلق الله ما تستحي على ويهك ؟
شاكس وهو يضحك على رسو: ياخي شسوي جمال ما اقدر ارتبك انطر اللحضة الي تدخل فيها الحصة عشان اتنح فيها

لولو كانت تحترق من كلام شاكس و تغار بس ما كانت تبين لانها تحبة بينها و بين نفسها و ما قالت حق احد ابداً

رسو و لولو بتعجب : دقيقة و شوش شنو صار عليها ( يقصدون حبيبة شاكس السابقة )
شاكس : اووو ذيج خلاص فركشنا من فترة
رسو و لولو: ليش شصار ؟
شاكس خذ نفس عميق و عدل قعدتة : هو صج كنت احبها اكثر وحده من اكساتي ( يقصد حبيباتة السابقين كلهم ) بس في مرة طلعت معاها و قالت لي امسك جوالي و جوالها في يدي رن رقم بأسم My love سألتها من هاي ارتبكت حزتها و تمت ترقع الموضوع فرديت على المكالمة و قلت انت من الي في الجوال قالي انت من انا حبيب شوش اذا ما تدري و ادري انك حبيبها بس خلاص شوش خانتك معاي و قررت تكمل حياتها معاي و تجذب عليك سكرت المكالمة في ويهة و طالعت شوش و قلت لها صج الي قاعد يقولة تمت ساكتة و عرفت ان الي صاير كلة صح فطالعتها بنضرة خيبة امل و خليتها و رحت بس هي تمت تناديني عشان تبرر خطأها بس حبيبها الجديد اتصل لها و قال لها ما عليج منة كملي حياتج معاي و خلية انا احسن منة و انا طالع قالت لي أصلًا عندي الي احسن منك و ما احتاجك في حياتي
رسو و لولو: زين شصار لك بعدين ؟
شاكس : ما صار شي صح زعلت كم يوم بس ما همتني وايد و اكتشفت ان ما احبها وايد لدرجة ان ازعل و حياتي توقف عليها
سكت شوي و كمل
لقيت الاخشن بس تدرون شنو المشكلة انها ستريت ما تحب هل سوالف اوففف ( يقصد نوني )

خلص البريك و كملو حصصهم طبيعي و صار وقت رجعة البيت

رسو تمشي في الساحة مع شاكس :-
فجأة مرت وحده من جنب شاكس تصنم مكانة و دمعت عينة لا شعوراً
رسو : شاكس شفيك ؟
شاكس حس على عمرة : مافيني شي بس البنت الي مرت جنبي ريحت عطرها نفس ريحة عطر نوني اخخخخ اشتقت لها من زمان ما جفتها لان التحفيظ مسكر هل فترة
رسو و هي تضحك على شكلة : ليش دمعت زين وايد متأثر برحيل الكرش يعني ولا شنو ؟
شاكس: شدخل متا دمعت انا ؟
رسو : والله ما جفت شكلك ( و ضحكت علية )

اكتبو ارائكم في الكومنت!