حكاوي

الحكاية الخامسه (انتِ بنت )

_عصام ...انا مش عارف اقول ايه بصراحه...هختار حد يحكي علطول ...مش عارف اختار مين...
_ انا هتكلم يا دكتور... انا (إسراء عبد الحميد) عندي (37) سنة.... عندي ورشه (Accessories) انا و تلاته اصحابي احنا سوا النهارده اهو..... هتكلم عن مشكله في مجتمعنا العربي بشكل عام مش مصر بس يعني..... هي كلمه (انتِ بنت).... اكيد كل البنات و الستات القاعدين هنا سمعوها لو مره عالاقل في حياته.....و الجمله دي ديما بيجي بعدها كلمه ( مينفعش) ...انتي بنت متعمليش ده و متعمليش ده ... انا من الصعيد اصلا ...بس الحمد لله عيلتي متفهمه جدا ...و ملحوظه مهمه في الصعيد مش كله تشدد و بتاع خالص ...بالعكس و بالذات انهم بيحاولوا يغيروا ديما الفكره دي بس المسلسلات بقي نعمل ايه ( بضحكه لطيفه و تكمل كلامها) ....مثلا في ناس كتير بالاخص من الناس بتوع زمان شويه ....نبدا في الطفوله ...انتي بنت البسي فستان ...حاضر ...انتي بنت متعبيش بالعجله في الاشارع مع اخوكي ...حاضر...شششش وطي صوووووتك شويه انتي بنت ...حاضر.....تكبر البنت شويه ... انت بنت و كبرتي يبقي لازم تهدي شويه و تبطلي شغل الاطفال ده ....حاضر ...انتي اتهبلتي انتي عايزه تخرجي انتي و اصحابك انتو بناات فاهمه ولا لا ...خلاص حاضر ....نيجي للكليه ...انتي هتدخلي كذا ...بس انا مش عايزه الكليه دي انا عايزه كذا ...ازاي ده لا طبعا في بنت رقيقه تدخل الكليه دي ...تمام حاضر ....نيجي للشغل... بعد ما تكون دخلت كليه هي مش عايزاها قدرت اخيرا انها تعمل مشروع مثلا و تنجح فيه ... يبدا كلام الناس (ايه ده انتي ليه مش بتشتغلي في مجالك ...مشروعك مش هينجح ... هتفشلي ... اكيد فشلتي في مجالك فقولتي اهي حاجه و السلام ) كلام كتير اوي بيتسمع ممكن مش من اسرتك الهما مامتك او باباكي او حتي اخواتك ...انا بردو كلامي مش علي كل العائلات فاهمني ...و يمكن مش الامثله دي بس في حاجات كتير تانيه انا يمكن مقولتهاش بس برد....

_واحد من الحضور : طب احنا نفهم ايه من كل الانتي بتقوليه ده يعني دي حاجه كانت بتضايقكوا سكتوا عليها ليه؟

_واحده من الحضور :معلش يا (اسراء) هرد انا المره دي .. اول حاجه انا اسمي (مريهان) انا دخلت طب ... مع اني كنت عايزه ادخل علمي رياضه و ادخل هندسه بس اتقلي هندسه دي بتاعت الرجاله انتي بنت رقيقه ...ادخلي علمي علوم ...ده كان امر مش رأي ... دخلت طب و قولت عايزه ابقي دكتوره نفسيه ....لالالالالالا نفسيه ايه عايزه تبقي بتاعت مجانين ...هما مش مجانين دول مرضي ... لا دول مجانين يا حبيبتي .. خليكي اطفال ... و كنت بقول حاضر ...اتخرجت ..منجحتش في شغلي ...قولت خلاص ابقي (wedding planner) الموضوع كله اترفض و قلولي خلاص مفيش شغل اصلا ...و فعلا قعدت في البيت لحد ما جه واحد يخطبني ...و انا اصلا مليش راي فطبعا وافقوا( و تبتسم و تبص لجوزها ) بس الحمد لله هو كويس جدا ...بس اهي دي مشكله من المنعلقه ب(انتي بنت) ...انت كنت تقدر تحل ده ..و تقدر انك تقول لا ..كنت طبعا هتعد تزعق شويه و هتسبلك البيت يومين و حلاص يا حبيبي معلش ارجع و الموضوع هيعدي ...و اكيد في كتير من القاعدين مرو بحاجات كده اتغصب عليهم حاجه في يوم و عملوها من غير ما يكونوا عايزين ... بس كده...

_اسراء : بس بجد الحمد لله ان ده اتغير دلوقتي تماما بجد ... بس ده الانا كمت عايزه اقوله و شكرا يا (ميرهان) انك كملتش معايا .

_عصام :انا اسفلكوا كلكوا لكل واحده حصل معاها كده ... يلا نشوف البعده.

**********