#حـب_مـحـرم🔥
#Retaj_Rakitic💫💜: الـكـاتـبــــة
الحلقه3❤️📚
الساعهه 3 العصر☁️☁️
ورد:سمعت بوها وامها يتناقشو بصوت عاالي..لمت شعرهاا فوق ولبست برنوصهاا خدت كراساتها وكتباتها وطلعت...
قعمزت خلف الڤيلا وبدت تقراا بتركيز لان عندهاا اختبار ميكاا وهي عقدتهاا الميكا...فتحت فيدوهات نت بس مافهمت شي..
بسمه:من خلفهاا...فهمتي حاجه
ورد:لوحت الكتاب ع طوول ايدها...لاااا
شن بنديرو
بسمه:منقدروش حتي نغشو فيه
ورد:راااسي ستااك
بسمه:اهااا خوي زيد يحبها عشقه
ورد:لاااا نرسب في ماده ومستحيل نقراا عنده خوك المريض
بسمه:مسكتهاا من ايدهااا...نوضي اكييد في ورشته توا...يفهمناا وربي يفهم هيااا
🕊️رِوَايـَــاتٌ رَتَـــاجْ رَاكـِــيـــتــِـيـــتـِــشْ🤍📚
🕊️رِوَايـَــاتٌ لـِــيـــبِـــيـــةٌ 🤍📚
رؤى:عيونهاا فرحوو وارتسمت ضحكه ع وجهها...علووش
علي:ضحك...بنت خالتي الغاليه
رؤى:سلمت عليه بفرح ومش مصدقه...خش داخل مع رجالهه عمام محمد مجتمعين في مربوعه هدرز عليهم
علي:لالا مش فاضي كلمت تطلعي قداام الباب ع سريع...خودي...مدلها كيسه
رؤى:استغربت...شن هدا
علي:امي وخالتي دارو رب وقالولي ابعتلها منه...خبيتلك بينهم شكلاطه نعرف تحبها
رؤى:ضحكت ونقزت في مكانهاا...صحييت
خدتهم منه وهي تضحك
علي:تبي حاجه
رؤى:سلامتك...والله عيب توصل للباب ومتسلم ع حد
علي:حرك عيونه بملل...منبيش نعلق معاهم عركه
رؤى:اوكي براحتك...سلملي ع امي وبابا
علي:يوصل...مسك ايدهاا...شهر رح يتم وترجعي لحياتك الطبيعيه
محمد:درس سيارته ونزل ع منظر هدا🔥
________________________________
زيد:مسح يديه من زيت المحرك...شن ديري انتي وياها هني الولاد شويه ويجوني🤨🤨
ورد:قلبت عيونهاا...😒😒
بسمه:والله خوي نبيك تقريناا😟
زيد:شاف لورد...اهاا...به خشي دااخل
ع سريع مش فاضي شن فيه وينه يلي مش فاهمينا
ورد:شافتله بحقد....الاحتكاك🔥
زيد:ابتسم ع جنب...اهااا لعبتي هدا😏
وينه تراا
________________________________
رؤى:جسمها رعش في لحظه وبعدت ايدهاا
محمد:ابتسم...اهلين
علي:اهلين كيف حالك نسيب انشالله بخير
محمد:الحمدلله...انت شايف من المناسب وقفتكم هكي
علي:ضحك...كيف بنت خالتي
محمد:هداك قبل ماتولي مرتي...وحني نساوينه ميوقفوش في شارع
علي:بلع ريقه...متأسف عندك الحق انخليكم انا
بااي رؤى
رؤى:ابتسمت بتوتر لين اختفت سياره علي..
محمد:مسكهاا من كتفهاا بقووه...
رؤى:توجع فيااا ره بشويه
محمد:قعد ماسكها بطريقه هادي لين وصلهاا لغرفتها وحدفهاا فاهاا...لو حضرت جنابك معندكش كرامه انااا عندي
رؤى:عفواا شن درت انا
محمد:بدي يعيط علاها...ناااسيه انك مررتي ومكتوووبه بإسمممي وعلياااا توسسسخلي في عررضي ولا كييف
رؤى:ع خاطر وقفت دقيقه مع ولد خالتي
محمد:كسر مررش المرااياااا....معععش تتطلعي برااا الباب فاهمه...
رؤى:عيونهاا دموعو ونخلعت من الخبطهه...
محمد:قرب علاها وقالها بصوت واطي يرعش...فاهمه
رؤى:خنقتها العبره وصوتهاا هررب منها...هززت راسها بخوف ودموعها نزلوو
محمد:سيبهاا وطلعع طبعاا مع خبطه الباب ليين صوتهاا تردد في غرفه
رؤى:حطت يدها ع قلبهاا وبدت تبكي بصوت عالي وتشوف لمررش المرايااا كيف مكسر
أنت تقرأ
حب محرم🕯️
Romansaاعلان الروايه الجديده♥️⬇️ ورد:😨😨😨😨...ءءءاااءء زيد: ماسك الكيس الكبير الاسود يلي واضح عليه جثه🔥🔥 ورد:وجهه انخطف لونه في لحظه...ورجلاها بدو يرجفو زيد:فنص فاها بغضبب...وفات من باب المطبخ... طبعا ورد كانت عباره عن صنم لانها معش قدرت تتحرك بخطوه من...
