الفصل التاسع
مراد .بابا عنده حق دة حق والدك وحق والدتك كمان وطرد جدك ليهم وعدم اعترافة بيكى وكمان حق حرمانك منهم ومش تتنازلى عن حق والدك
حسن .انتى امانة وهتسال عليها يابنتى وانا طول مافى نفس هسعى واجبلك حقك عشان اكون اديت الامانة وحافظت عليكى وتستلمى مالك عشان لم اقابل ابوكى اقولة بنتك بخير وحقها رجعلها
سيدرة. انا مش هسيب حق بابا ولا ماما إللى جدى أتخلى عنهم وانا مستعدة اقف ضدهم كلهم بس هو مغرور افندى هيقبل بية
مراد .انا هكلم ايهم الاول عشان يكون معانا وانا عارف ايهم مش هيتخلى عنك انا واثق فية لكن المغرور هههه مش ضامن
حسن .لا يابنى ولاد سيف زى ابوهم لا يمكن ياكلو مال اليتم
سيدرة. فعلا بدليل عمى كان مكتفى يبعتلى فلوس فى السر بس وكمان عارف انك مش بتقرب الفلوس دى ومش عرف ولادة ببنت عمهم مش كدة
حسن .خاف يابنتى وهو مات وجدك كان لسة موجود جدك كان صعب اوى
سيدرة. اكيد طبعا مش حن على ابنة وبنتة لسة مولودة اكيد صعب اوى كمان
حسن .سيبك من إللى فات خلينا فى دلوقتى انا ومراد معاكى نرجعلك حقك
سيدرة. انا عايزة تعمل العملية بقى دى حاجة بسيطة
حسن .ربنا المستعان ارجعلك حقك الاول واعملو إللى انتو عاوزينو انا مسلم امرى لربنا وانتم من بعدة
سيدرة. حبيبى يااحلى سونة فى الدنيا
مراد .طيب هكلم ايهم يجى دلوقتى وبكرة نخلص الموضوع قبل مايسافرو نكلمهم وهم هنا ...
اتصل مراد على ايهم وطلب مقابلته فى منزله الان، توجه أيهم على وجه السرعه إلى صديقه مراد ليعلم ما
الأمر الهام الذي يريد التحدث معه، وخلال دقائق كان يطرق الباب
....
مراد. اتفضل ياايهم
ايهم .اية يابنى قلقتنى عمي حسن كويس
مراد. الحمدلله اقعد بس الاول وبدأ مراد بسرد ما يعلمه عن شقيقته سيدرة وكلام والده وايهم مصدوم
ايهم .سيدرة إللى هى اختك تبق بنت عمى انا طب ازاى
مراد .تعالى ادخل عند بابا وهو يثبتلك كلامى
ايهم. انا مستغرب يامراد كل القصة دى ولا الافلام مش مستوعب بس الحكاية
مراد .تعالى لو عايز تسال بابا حاجة هو موجودة
دخل مراد وايهم فى غرفة حسن
ايهم. ازيك ياعم حسن عامل اية
حسن .الحمد لله يابنى
ايهم .ازيك يابنت عمى بالحضن بقى مش طلعنا قرايب
مراد. ايهم اتلم انت ماصدقت ولا اية
ايهم .الله مش اسلم على بنت عمى انت مالك يابايخ انت
مراد بجدية. تسلم بالايد بس فاهم
ايهم. ههههه انت هتغار على اختك منى ولا اية
سيدرة. يعنى انت مصدق انى بنت عمك فارس
ايهم. انا عارف عمى حسن وعارف مراد يبق زى اخويا وواثق فى كل كلمة قالها وبصراحة شكلك تركى فعلا ههه
مراد. ولة انت هتعاكس اختى قدامنا مافيش دم خالص
ايهم .بنت عمى مالكش دعوة
مراد. واختى انا
سيدرة. هههه بس خلاص كدة ضمنا واحد معانا بالنسبه بقى المغرور والست الوالده اية النظام
ايهم .ههههه تقصدى فيراس هو مش مغرور اوى يعنى فيراس مع الحق دايما بس لازم تتكلمو معاهم بكرة علطول قبل مانرجع القاهرة
سيدرة. الصبح هنكون عندكم وربنا يستر بقى
ايهم .ماشى يابنت عمى بس اية مش هتاكلونا ولا اية
مراد. تصدق والله لسه ما اكلنا بس عندنا فول وفلافل
ايهم .بجد والله مفتقدهم
حسن .جهزى الاكل يابنتي
سيدرة. حاضر
....
بعد ان تناول العشاء فى منزل العم حسن غادر ايهم وتوجه إلى بيت المزرعة وظل شارد فى رد فعل وفاء هانم وبعد طول تفكير ذهب فى ثبات عميق ....
اما فيراس توجة إلى الاسطبل يطمئن على المهرة الصغيرة سيدرة ويمسد على ظهرها برفق ويبتسم لها
فيراس .تعرفي ان حبيت اسمك اوى زى ماحبيت صاحبة الاسم وقوتها وثقتها وعزة نفسها مش عارف لية دايما فى بالى وملامح وشها الملايكى دايما قدامى هو دة يبق اية
وظل فيراس يتحدث مع الخيل ،و بعد ذلك عاد إلى منزله ..
.......
فى صباح اليوم التالى
جلست وفاء هانم على مائدة الطعام وبجابنها فيراس وايهم
ايهم .يشعر بقلق من القادم
وفجأة رن جرس الباب وتوجهت هنية وفتحت الباب
هنية .مين ابو مراد اتفضل اتفضلو ازيك يامراد وانتى ياسيدرة .
سيدرة. الحمد لله ياخالة
مراد .بخير والله
هنية. عايزين البشمهندس فيراس
حسن .اة والهانم كمان وبلغيهم بوجودنا الاول
هنية .طيب من عنية
توجهت هنية إلى غرفة الطعام .
هنية .وفاء هانم فى ناس برة عايزة تقابل حضرتك البشمهندس فيراس
وفاء .مين الناس دى
هنية .حسن السايس ومراد وسيدرة
فيراس. اية خير خليهم يتفضلو
وفاء .عايزين اية دول
فيراس .تعالى نشوف دلوقتى نعرف
فيراس. اهلا وسهلا اتفضلو
حسن .اهلا بيك يا بنى
وفاء .افندم فى اية عايزين اية دلوقتى
فيراس .ماما استنى شويا تشربو اية الاول
مراد وحسن. مالوش لازوم
حسن .انا جاى اقولك على حكاية من زمان وياريت تسمعونى كويس وبعد نصف ساعة من الحوار والصدمة المرسومة على وجوه وفاء وفيراس
وفاء بعصبية .كداب بنت فارس كانت معاه وماتت فى الحادثة الراجل دة كداب
مراد. بابا مش كداب ولو مش مصدقين اسالو المحامى بتاعكم
فيراس. لية بابا مش قلنا حاجة زى دى
حسن .دى شهادة سيدرة ولو عايزين تعملو تحليل إللى بيثبت قرابت سيدرة بيكم اعملو دى مال يتيم ولازم الحق يرجع لصحابه
وفاء .انت اتجننت يا راجل انت جاى تضحك علينا بكلام فارغ عشان تستولا على املاكنا انت اكيد بتخرف
سيدرة. بس بقى بابا مش مجنون ولا كداب وياريت تتكلمى معاة بأدب
وفاء .يعنى بتقولى ان دة ابوكى وانتى هتعلمينى ازاى اتكلم يا بت انتى
سيدرة. ايوة ابويا الا ربانى وكبرنى وعلمنى ومش أتخلى عنى ولا رمانى لحد غيره يربينى كان عمى اول بية بعد وفاة بابا بس هو عمل اية خاف وفضل ان افضل مع بابا حسن عشان اطمن ان هكون فى امان معاة ودلوقتى بدل ماتشكرو بابا دة تقولى علية مجنون وبيخرف انا مش هسمح بدة وانتى إللى عندك اعملية وانا مش هسيب حق ابويا مش عشان انا عايزة فلوس لا عشان دة حق فارس زى ماكان حق سيف يعنى انا مش هخليكى تتمتعى بحق ابويا إللى اتحرم من كل حاجة واتطرد ومات مش هسيب حق ابويا ليكى يامرات عمى اة وكمان اسالو محامى عمى اكيد هو عندة الحل للغز دة وعلى فكرة الفلوس إللى عمى كان بيبعتها لية فى السر لسة زى ماهى بابا مش مد ايدو ليها وانا هرجعها عشان مش اقبل اخاد حاجة فى السر فلوسى وحقى هاخدة والكل هيعرف انا مين وبنت مين والكل هيعترف ببنت فارس و
كفايه عليكو كدة بينا يابابا نروح عشان هم يكلمو المحامي بقى سلام
وغادرت سيدرة ووالدها ومراد المنزل..
فيراس باستغراب. انا مش فاهم حاجة دة بجد
ايهم بتصديق .ايوه لية لا كلم المحامي
وفاء .مش ممكن ازاى بنت التركية عايشة وليه سيف ماقالش حاجة اتصل خلية يجى يشوف المصيبة دى
فيراس. طيب
فيراس .الو ايوة يا متر فى مسئلة مهمة لازم تيجى مزرعة المنصورة دلوقتى الأمر يخص بنت عمى انت عارف بالموضوع دة
المتر .ايوة يابشمهندس حاضر جاى وهجيب كل الاثبتات والوصية إللى تخص سيدرة
فيراس .اوكية مستنينك سلام ....
وفاء .قالك اية
فيراس .بيقول ان يعرف وهيجيب الاوارق وجى
وفاء .ماشى لم اشوف بنت السايس دى عايزة اية
.......
بعد ساعة كان المحامى موجود فى بيت المزرعة
......
وفاء .فى اية إللى بيحصل يا استاذ شوكت معقول بنت السايس تكون بنت فارس العامرى
شوكت .دى الحقيقة فعلا وسيف الله يرحمة كان عارف كل حاجة وكل كلام حسن مظبوط وسيف كاتب جواب وقت لم سيدرة تظهر فى حياتكم اسلم الجواب دة لفيراس وايهم وكمان فى وصية لازم تتنفذ وتكون سيدرة موجودة وانا بفتح وصية سيف دى امانة فى رقبتى
وفاء .ازاى سيف سايب وصية وبعدين لية مش ظهرت بعد وفاة سيف
شوكت. دى رغبة سيف
فيراس .بس حضرتك عملت اعلان وراثة بعد وفاة بابا وانا وايهم إللى موجودين بس وماما
شوكت .دة صحيح عشان سيدرة مش من ورثت سيف من ورثت فارس وبعدين كان فى إعلان وراثة بعد وفاة جدك وتخصكم انتو الاتنين بس عشان جدكم مش كان يعرف بوجود سيدرة بس دلوقتى وصية سيف دى تخصكم انتو وسيدرة معاكم والجواب دة هيفهمكم فى اية
استلم فيراس الجواب وبدأ فى قراءته بصوت عالى
لبسم الله الرحمن الرحيم
ابنائي الاحباء فيراس .ايهم
انا عارف انكم هتتصدمو من وجود بنت عمك بس دى الحقيقة إللى مش ممكن تستخبى اكتر من كدة وقت لم يوصلكم جوابى هكون بين ايادى الله ادعولى بالرحمة وعشان ارتاح واطمن انى مش كلت حق بنت اخويا اليتيمة عارف انى مخلف رجالة وهتصون حق اليتيم وترجعة عمك فارس اتظلم كتير فى حياتة من والدى ولم مات بنتة هى كمان اتظلمت وعاشت وسط ناس مش اهلها بس كانو بيحبوها فيراس رجع حق سيدرة انا عارف انك دلوقتى كبرت الأملاك بس عارف ومتاكد انك مش هتظلم بنت عمك خلى بالك منها واحميها وفى ورق مع المحامى يثبت أن فارس شريك ليا فى املاكى من جدك مش بطلب منك غير ترجع الحق لصحابة ولو فضلت اشكر فى حسن على الأمانة إللى صانها وخلى باله منها مش هوفى حقه وجى الوقت انك تشيل الامانة بداله فى امان الله ................
فيراس. كدة تمام بلغ مراد يجيب سيدرة ويجى دلوقتى وكمان عمى حسن لازم الوصية تتفتح فى وجودهم
ايهم .حاضر
وفاء .اية انتو اتجننتو سيدرة هتاخد تعبك وشقاك يافيراس
فيراس. لا ياماما بابا ماكد انها هتاخد ورث عمى بس مش ورثنا وعارف انى كبرت الشركات بعدة وانا مش هظلمها...
يتبع
