همس بفيراس بصوت حاني :. فى كلام لما بيتقال بيغير كل حياتنا معاة
انا من اللحظة دى بقولك انى بحبك اكتر منى
انتى إللى عشانك بكتب شعر انتى إللى عشانها بغنى تتجوزيني
مش عايز غير فى الحياة اوعى تسبيتى من غير مااتكلم انتى بتسمعيتى
عشانك اطول السما لو حبتينى انا حاسس ان الكون وياكى بشوفو بشكل جديد الدنيا بتضحك وانتى معايا وبتكشر لو انتى بعيد
انا شايف فيكى ولادنا ومستقبلنا ودنيا امان ولم نكبر ونعحز هفضل احبك زى زمان تتجوزينى مش عايز غير فى الحياة اوعى تسبيتى من غير مااتكلم انتى بتفهمينى تتجوزينى.....
سيدرة. هههه صوتك وحش ههههه
همس قائلا :. بقى بعد كل دة وصوتى وحش دا انا اتجننت ياجدعان عمري ماغنيت واتجننت وعملتها عشانك الكلام طالع من هنا، اشار الي قلبه قلبي ونزلت علي ركبتي ووجعتنى والله ههههه
سيدرة وهي تنظر حولها ثم تعود النظر اليه : . حد قالك تركع كدة هههه بس معقول مغرور أفندي عامل كل دة عشانى مش مصدقة بصراحة لا وكمان بيحبني دى جديد خالص
هتف فيراس بصدق :. صدقينى كل كلمة قولتها بتعبر عن إللى جوايا قولتى اية موافقة تكملي حياتك معايا
همست بتردد : . ادينى فرصة استوعب كل التغير دة
فيراس بحب . لا عايزك توافقى دلوقتي وانا اوعدك هخليكى اسعد انسانة فى الدنيا عشان بحبك هعمل أى حاجة عشانك وهتجنن عشانك كمان انا ماليش فى الرومانسية بس نتعلم عشان خاطر عيون حبيبي الرصاصى دى هههه
سيدرة بتسال : . لية دلوقتى عشان بقيت بنت عمك
قاطعها قائلا بحنيه ونظرات عيناه تحتصنها : . ماتكمليش انا حبيت سيدرة إللى شوفتها فى جنينة الورد اول مرة إللى طولت لسانها وكبرياها وثقتها فى نفسها وقوتها كمان دى سيدرة إللى فكرت فيها وقلبى دق ليها اول مرة اعرف يعنى اية حب رغم كبر سنى وكمان عندى شعرتين بيض من الهم إللى شايلة والمسولية إللى على كتافى رغم انى اتجوزت بس مش حبيت
جحظت عيناها بصدمه ثم هتفت قائله . انت كنت متجوز
فيراس بجديه : . اة ومن حقك تعرفى كل حاجة عن جوازتي الأولى كانت مبنية على المصالح وبس وعشان كدة ماكملتش ومقدرتش أتحمل الوضع وانفصلنا بهدوء
سيدرة. اممم عشان الفلوس يعنى تتجوز عادى كدة
فيراس بشرود. كنت متحمل مسؤلية كبيرة بعد وفات بابا وبعدية جدى حتى دراستى اتحرمت ادخل المجال إللى نفسى فية وجدى اصر ادخل زراعة وماخبيش عليكى كنت كاره كليتى فى الاول بس بعدين اتاقلمت عليها ولم وصلت 28 سنة ماما اصرت بقى تجوزنى بقيت رجل أعمال ناجح ناقص الزوجة وهى إللى اختارت وانا وافقت عشان ارضيها واكمل حياتى واكون اسرة بس للاسف الوضع كان غلط من الاول كنت مضغوط جدا وبحاول احبها بس ماحصلش حتى هى كمان مش قدرت تفهمني وكان الفلوس والسفر كل حياتها حتى نزلت البيبى من غير مااعرف وبعد انفصالنا عرفت منها عايزة توجعنى يعنى بعد لم قررت انفصل عنها المهم ماعرفتش يعنى اية حب غير بوجدك انتى ونفسى تكملى إللى ناقصنى نكمل بعض ها قولتى اية يابنت قلبى انا عارف فى فرق بينا 12 سنة مش عارف دة يدايقك ولا اية
سيدرة. العمر مش مقياس الحب والاخلاق والتواضع والثقة وعزة النفس والكرامة والمودة والرحمة هو دة البيت السعيد مش فلوس ومصالح ونفوز كل دة مايساويش حاجة، ثم استطردت قائله بتسأل : ممكن تجاوبني بصراحة لو انا سيدرة بنت السايس زى ماماتك بتقول هيتكرر نفس الموقف دا و هتيجى تصارحنى وتقولى كل دة عشانى بجد
لاحت ابتسامته اعلي ثغره ثم همس بحب صادق : انتى متخيلة عشان بقيتى بنت عمى قررت اتجوزك انتى اختيارى الوحيد إللى هفضل مصمم علية مهما كلفنى الأمر مش عشان بنت عمى عشان سيدرة نفسها إللى حبيتها وحبيت طولت لسانك وخفة دمك وكمان جمالك بردو كل دة شدنى ليكى وفرحت اكتر لم عرفت صلة القرابة إللى بنا وقولت كدة هشوفك اكتر واتقرب منك اكتر انا فعلا بحبك ومش عايز حاجة من الدنيا غير حبك وبس
سيدرة. امممم كدة اقنعتنى هههههه سبنى افكر واخد راى بابا واخويا ههه
ارسل إليها غمزه ثم قال بمشاكسه : . بجد عايزة تفكرى
هتفت بمرح : امال فاكر نفسك اية اول ماتقولى هقولك وانا كمان لازم اتقل شويا ياعم المغرور
فيراس. هههههه افهم من كدة فى قبول صح
سيدرة بابتسامة .ممكن فى قبول بس مامتك هتوافق علية كدة عادى مش ممكن اشك بصراحه ههه
فيراس. لا انا اقنعت ماما مش مهم ازاى بس هى وافقت
سيدرة. اممم يعنى هى رفضانى بقى
فيراس. مش مهم أى حد فى الدنيا انتى اختيارى الوحيد في حياتى كل حاجة اتفرضت علية مش هسمح بحاجة تانى تخصنى اتجبر ان اعملها من غير ماارضى بيها
سيدرة .خلاص كلم بابا وكمان مامتك تيجى تطلبنى و نعيش الجو دا بقى، بس بلاش شغل الحموات اها انا بقولك اهو
ضحك باعلي طبقات صوته علي حديثها المشاكس . ههه والله انتى عسل بتعرفى تضحكينى حتى لم كنتى بتردى علية كنت ببتسم على كلامك وقوتك
سيدرة بشرود همست قائله : مش كل حاجة القوة ساعات الواحد يبين قوتة عشان يدارى ضعفة وماحدش يستغل النقطة دى
شعر بانها تخفي شيء همس قائلا بحنان : . تقصدى انك مهما بينتى قوتك انك ضعيفة من جوة مش كدة اوعدك انى اقوى بيكى وانتى تقوى بية واكون سند ليك وانتى سند ليا
ارادت تبديل الحديث هتفت قائله بمرح : .حلو المكان اوي وكمان الورود دا عشانى ميرسى على كل إللى انت عملتة
فيراس. هو مش اختيارى غير الورد بس المركب والبالالين وكل دة من تصميم السكرترية بتعتى
سيدرة. امممم وانا اقول بردو جبت الرومانسية دى منين هههه
فيراس. لا عندك الاغنية اختيارى والورد كمان اية رايك
سيدرة. مش بطال انا بحب الورد جدا بس كان ممكن حوض ورد كفايا على لاقل هخلى بالى منة ومش هيدبل ويموت لكن كل الورد دة هتدبل وتموت
فيراس. ههه خلاص المرة الجاية اجبلك حوض ورد ولا تزعلى نفسك انتى توامرى
سيدرة. ممكن بقى تروحنى
فيراس. مش عندك اسالة تانى عايزة تعرفى اجابتها
سيدرة. انا مايهمنيش حياتك قبل كدة انا يهمنى فيراس دلوقتى اية وبس
فيراس. على فكرة انا مش مغرور، هو بحكم شغلى انا جاد بس فى شغلى وفى حياتى عمرى ماكنت مغرور وهتعرفى دة بنفسك
سيدرة. هنشوف كلة هيبان هههههه
فيراس. ههه اوكية بينا اوصلك .....
بعد لقاء سيدرة بفيراس على كل جانب
سيدرة. تحكى إلى والدها ومراد وهى تبتسم وسعيدة بعرض فيراس ..
وحسن مبسوط ان بنتة لاقيت الشخص المناسب وفرحان عشانها..
مراد.ايضا سعيد بسعادة اختة ويتمنى لها حياة سعيدة مع فيراس ومتاكد ان فيراس حب سيدرة بجد وصادق فى كلامة ومشاعرة.. ..
عند فيراس بلغ ايهم ووالدتة بموافقة سيدرة ..
وفاء .هى تقدر ترفضك دى ماتحلمش بيك اصلا
ايهم .ماما هى بنت عمنا وعيب كدة
فيراس. ماما جهزى نفسك هنروح بكرة نتكلم فى كل التفاصيل مع عمى حسن
هتفت وفاء بضيق : بقى على آخر الزمن اروح اطلب بنت السايس لابنى
