تك تك تك
دا صوت العصاية بتاعتي والأصح العكاز بتاعي
انا غفران عندي ١٩ سنه ودِ اول سنه ليا في الكليه كليه آداب وبالتحديد علم نفس وملحوظه غير مهمه انا عمياء.
بيرن الفون
غفران : السلام عليكم ورحمه الله وبركاته
مرام : وعليكم السلام ورحمه الله وبركاته هاا خلصتِ ولا لسه انا قدام البيت
غفران : طالعه اهوو ثواني بس
مرام: اوك مستنيه
بتخرج غفران وبتقابل مرام قصاد الباب وبيحضنوا بعض
دِ مرام تبقي صديقه عمري حاجه كده موااه سكره وتعتبر عكازي في الدنيا وسندي وكل ما ليا وقبل ما انسي هي في كليه علاج طبيعي
مرام: كفايه سلمات ورانا حاجات يوم طويل
غفران : والله مش عارفه لازمتها اي نروح الكليه اصلا ما كنت فضلت نايمه
مرام : غيبوبه انا مصاحبه غيبوبه يلا يا استاذه قدامي
بعد فتره بيوصلوا عند كليه غفران
مرام : قلبي همشي أما بقي خدي بالك من نفسك وعلشان خاطري اي حاجه تحصل رني عليا ماشي يا عمري مش عارفه همشي ازاي واسيبك اصلا
غفران : امشي يا بت عيله صغيره انا ولا ايه بالسلامه يا شربات يلاا
مرام : سلامه يا قلبي لا إله إلا الله
غفران : محمد رسول الله
وبتكمل غفران طريقها اللي حفظاه
فجاه بتخبط غفران في حد
غفران : انا اسفه اووي.
خديجه : انتِ عمياء ازاي تخبطي فيا كده
غفران : قولت لحضرتك انا اسفه وانا فعلا عمياء عن اذنك
خديجه حست بالذنب : غفران انا اسفه مكنتش اقصد
غفران استغربت : ولا يهمك
خديجه: محتاجه اي مساعده
غفران بإستغراب اكتر : لا ابدا شكراً
خديجه : تمام.
بيسمعوا صوت بينده علي خديجه
سالي : ديجا ديجا
خديجه: نعم يا سالي انا هنا
سالي بسخريه: اي ده غفرااان حبيبتي عامله اي
غفران :الحمد لله يا سالي وانتِ
سالي : احسن منك الحمدلله والله يا غفران يا حبيبتي انا كل ما اشوفك استغرب ازاي عمياء زيك تدخل كليه وانا اللي كنت فاكره ان وجودك في الثانوي حاجه غريبه المهم يلا بقي يا ديجا الشله مستنياكِ "بنظرة إحتقار " و ياريت بعد كده متقفيش مع ناس معاقه
خديجه بشرود : يلااا.
غفران ببسمه : استغفرك و اتوب اليك والله لولاكِ يا سالي مكنت هستغفر كتير كده يلا اهي تكفير ذنوب.
بيعدي اليوم علي خير طبعا غفران مسلمتش من تريقه سالي وشلتها عليها بس الغريب ان خديجه كانت ساكته ودا غير طبيعتها المتنمره خاالص
بترجع غفران بيتا وبتفكر في تصرفات خديجه الغريبه
غفران : مش معقول اللي حصل يعني تبقي بتكرهني وتتنمر عليا كل يوم وكل لحظه وفجاه كده تتعذرلي وتكلمني حلو انا كنت أتخيل إن اي حد يكلمني كويس حتي سالي الا خديجه برينسيس الجامعه
و بتضحك وبتنام
بتصحي غفران علي رنه الفون
غفران : السلام عليكم ورحمه الله وبركاته
...... : وعليكم السلام ازيك يا غفران
غفران : الحمدلله مين
....:انا خديجه وعاوزه اتكلم معاكِ ضروري
فاطمة جمال
