خديجه :عاوزه لما يتوفاني الله تتنقل قرنيتي لغفران
مرام : بس
خديجه :علشان خاطري يا مرام انا عارفه انك من زمان بدوري علي متبرع علشان العمليه سمعتك وأنتِ بتكلمي الدكتور امبارح
مرام بدموع: حاضر بس أنتِ هتبقي كويسه وهنلاقي متبرع لغفران متقلقيش
خديجه بصوت تعبان: مرام انا عارفه إني خلاص بس المهم غفران متعرفش ان انا موت ولا إن القرنيه بتاعتي غير بعد ما العمليه تتم تمام يا مرام مرام
مرام: تمام
خديجه بتعب: مرام ادعولي بالرحمه و سامحوني
مرام بدموع : حاضر
خديجه : أشهد أن لا إله إلا الله وأن محمداً رسول الله
مرام بدموع : لاااااا
بتغطي وشها وبتعيط بحرقه
تاني يوم بيقام العزا وكل ده وغفران في بلدها زياره لعمها المريض
*بعد يومين*
فون غفران بيرن
غفران: السلام عليكم ورحمه الله وبركاته
مرام : وعليكم السلام ورحمه الله وبركاته
غفران لازم تجي علي المستشفي حالا
غفران بخوف: خديجه حصلها حاجه
مرام بدموع : لا يا قلبي متقلقيش
خبر حلو لقينا متبرع لعمليه القرنيه
غفران بصدمه: بتهزري صح
مرام : بسرعه يا غفران لازم تيجي
بعد وقت في المستشفي
غفران : أنا عاوزه اروح لخديجه وبعدين أعمل العمليه وحشتني اووي
مرام بصوت مهزوز : لا العمليه الاول علشان خاطري
خديجه : حاضر
بعد وقت بتكون العمليه خلصت
الدكتور بيشيل الشاش من علي عنيها
غفران بدموع : انا شايفه يا مرام انا شيفاكي جميله زي ما انتِ
مرام بدموع : اللهم لك الحمد اللهم لك الحمد
غفران :يلا بسرعه افرح خديجه
مرام : غفران يا حبيبتي انا لازم أقولك حاجه
وبتبدا مرام تحكي لغفران اللي حصل
غفران بدموع : ربنا يرحمك يا خديجه ربنا يرحمك يا نور عيني
بعد سنه في المقابر
بالتحديد عند قبر خديجه
غفران :ازيك يا ديچا وحشتيني
زي النهارده من سنه انا فتحت تاني وشوفت الدنيا بسببك بسبب عنيكِ شكرا اووي يا نور عيني ربنا يرحمك ويغفر لك و يجعل مثواكِ الجنه انا همشي بقي يا ديچا بس مش هطول عليكِ معادنا الجمعه زي كل اسبوع سلام يا عيوني
تمت
فاطمة جمال
