خديجه : انا مصابه كانسر في المراحل الاخيره
غفران بصدمه والدموع بتنزل : ايه اللهم لا اعتراض اللهم لا اعتراض
بتحضن خديجه
خديجه بدموع : انا خايفه يا غفران خايفه أقابله كده انا غلطت كتير اووي في حياتي بس انا لما عرفت ملقتش حد.غيرك أقوله خفت منهم اكيد كانوا هيتنمروا عليا زي سالي
غفران : سالي !
خديجه دموعها بتنزل بسرعه :أنا قولتلها إنهارده بإعتبارها اقرب أصدقائي وزي اختي او انا كنت مفكره كده بس هي بعدت عني بسرعه وقالتلي ازاي وامتي و قالتلي خدي بالك من نفسك وخلاص معملتش زيك.كده واخدتني بالحضن بعدت بسرعه كإني وباء
غفران بدموع وهي بتحضن خديجه وبتطبطب عليها : رُب ضارة نافعه لو مكنش دا حصل مكنتيش هتعرفي انها صاحبة سوء مكنتيش هتجيلي مكنتيش هتتوبي روحي لربنا يا خديجه هو أحن من الكل عليكِ روحيله وأرضي لو رضيتِ هيدهشك بعطاؤه.
خديجه : انا عاوزه اصلي ينفع
غفران : اكيد الحمام علي أيدك اليمين اتوضي وتعالي
خديجه :حاضر
شويه وخرجت خديجه
ووريتها غفران مكان الصلاه وبداؤا يصلوا صلاه الحاجه
غفران علي سجادتها بتدعي لخديجه بالثبات والرضي وبتدعي ربنا يشفيها وخديجه كانت في دنيا تانيه دعت بكل حاجه في قلبها ودعت كتير اووي لربنا أنه يغفرلها
بعد وقت مش قليل خالص
خديجه : انا حاسه براحه كبيره اووي
غفران : ربنا يريح قلبك
خديجه :انا هبدأ كيمياوي بكره
غفران : انا جايه معاكي وهكون معاكي في كل الجلسات
خديجه :تسلمي يا قلبي بس انا مش عاوزه اتعبك كفايه وقفتك جنبي انهارده انا بحبك اووي واسفه اوووي لكل وقت ضايقتك فيه
غفران : متعتذريش حاجه كانت في الماضي وانتهت المهم دلوقتي بكره تعدي عليا هاجي معاكِ ودا اخر كلا اتفقنا
خديجه بفرحه : اتفقنا
تاني يوم الصبح فون غفران بيرن
غفران : السلام عليكم ورحمه الله
مرام : وعليكم السلام اي فينك برن من بدري
غفران: معلش نمت متأخر
مرام : يلا فوقي هنتأخر
غفران : معلش يا مرام مش هروح انهارده الكليه
مرام بقلق : ليه مالك تعبانه ولا حاجه
غفران : لا يا قلبي متقلقيش بس واحده صاحبتي عندها جلسه كيماوي وهبقي معاها
مرام بقلق أكتر: صاحبتك وجلسه كيمياوي مين دي
غفران : خديجه
مرام : خديجه مين لحظه خديجه المتنمره
غفران : مرام عيب كده
مرام : لاا شكله موضوع كبير انا جيالك
غفران : في إنتظارك يلا في أمانة الله
مرام : سلام
بعد وقت قليل بتوصل مرام لبيت غفران
غفران : ازيك يا روحي
مرام : الحمدلله وانتِ
غفران : بخير الحمد لله
مرام : افهم بقي اي حوار خديجه
غفران بدأت تحكي لمرام كل اللي حصل
مرام بدموع : ربنا يشفيها يارب
بيرن جرس الباب بتفتح مرام الباب بتلاقي خديجه
خديجه : مرام
مرام : ........
فاطمة جمال
