غفران : خديجه موضوع اي
خديجه : مش هينفع في الفون ممكن نتقابل
غفران: مش هعرف أنزل دلوقتي ممكن تجيلي البيت
خديجه : تمام اووي اديني العنوان
غفران :..........
خديجه : تمام ربع ساعه و اكون عندك .
بعد وقت وصلت خديجه لببيت غفران
غفران : اتفضلي يا خديجه اهلا بيكِ
خديجه : شكراً يا غفران واسفه جداا إني جتلك دلوقتي وكمان صحيتك من النوم
غفران : ولا يهمك تشربي اي شاي ولا نسكافيه
خديجه : مفيش داعي
غفران : لا ازاي بقي اول مره تجيلي بيتي ديچا يبقي لازم تشربي حاجه
خديجه ببسمه : يبقي شاي
غفران : اووك
وقامت غفران وعملت الشاي وكل ده وخديجة مرقبه تصرفاتها وازاي بتتحرك كأنها شايفه
غفران : اتفضلي يا ديچا
خديجه : تسلمي تعبتك معايا
غفران كل ده بذهول من تغيير خديجه المفاجئ:لا ابدًا موضوع اي بقي
خديجه : ممكن سؤال يا غفران
غفران : اكيد اتفضلي
خديجه : انتِ اتعميتي ازاي
غفران حست بالاحراج شويه
خديجه : اسفه مش قصدي احراجك بس
غفران بمقاطعه : كانت حادثه وانا صغيره في ٦ ابتدائي وقتها فقدت امي وابويا ونظري بعدها جيت عيشت هنا مع جدتي وفي ثانوي فقدتها هي كمان ربنا يرحمهم
خديجه :امين مكنتش قصدي اضايقك بس انا كنت عاوزه اعرف اتعاملتي ازاي مع المرض وازاي إتاقلمتي ازاي مش بتضايقي من كلام الناس "بإحراج "مش بتضايقي من كلامنا
غفران ببسمه : لأن دا قدر كل اللي حصلي قدر مقدرش أعترض عليه ابدًا طبعاً انا في أول الأمر كنت متضايقه علشان أعتبر فقدت كل حاجه وكل ما ليا بس وقتها جدتي الله يرحمها قالتلي : " يا غفران يا حبيبتي محمود درويش بيقول كل من أُصيب في غير قلبه، مُعافىٰ . " وقتها فهمت قصدها ولحد دلوقتي بفتكر كلمتها وأبتسم واشكرها
خديجه : يعني اي
غفران بإبتسامه : اللي انا فهمته ان طالما المرض مش في القلب يبقي الدنيا بخير طالما انا مش بحقد مش بأذي مش بكره يبقي انا لسه بخير يعني مثلا لو مكنتش فقدت بصري كان ممكن أزني
خديجه بصدمه : تزني !!
غفران : ما العين تزني وزناها النظر يعني كان ممكن اشوف حاجات وحشه او اشوف ولد واعجب بيه و اعلق قلبي
خديجه : واي يعني لما تحبي حد
غفران: لا مش كده انا لما اشوفه واقعد ادقق نظري فيه يبقي حرام لأن ربنا أمرنا بغض البصر يبقي عصيت أمر الله وكمان كنت هعلق قلبي بيه وهوجع قلبي علي الفاضي وفي الاخير يمكن هو ميحبنيش اصلا ف ليه من الاول
أنا بحمد ربنا كتير اووي اني مقدرش اعمل كده
خديجه بدموع : انا بعيده اوووي عن ربنا هقابله إزاي
غفران :باب التوبه دايما مفتوح وربنا بيفرح بتوبه الشباب يعني وقتك ده احسن وقت.
خديجه : بجد يعني ممكن ربنا يتقابلني
غفران : ربنا مبيردش عبده أبدا
" قل أدعوني أستجب لكم."
خديجه : انا عاوزه ابدأ عاوزه اتوب تساعديني
غفران بفرحه : أكيد طبعا اللهم بارك اللهم بارك
خديجه بدموع وصوت مهزوز : شكرا يا غفران اووي شكراً ليكِ.
غفران :الشكر لله يا قلبي بس ممكن سؤال
خديجه : اكيد عاوزه تعرفي إي اللي غيرني صح
غفران بضحكه : بصراحه اه فضول بقي
خديجه : أنا......
فاطمة جمال
#غفران
