𝐸𝑡𝑒𝑟𝑛𝑎𝑙 𝐿𝑜𝑣𝑒 𝐼𝑛 𝑀𝑎𝑓𝑖𝑎 , (𝑵𝒐𝒓𝒎𝒂𝒍) {𝐶𝑜𝑚𝑝𝑙𝑒𝑡𝑒𝑑...}

Ep 2 Uni/Zawgyi

Unicode

အခန်း {2}

10မိနစ်ကြာကားဖြင့်သွားရသော 5ထပ်တိုက်ကြီး၏ 4လွှာတွင် CEOလွှဲပြောင်းပွဲဟူသော စာတမ်းကြီးက လှပစွာ နေရာယူထားသည်။ 5ထပ်တိုက်ကြီးမှာ ဦးမိုးစက်ရတနာရဲ့ မိုးမကရတနာစံအိမ်ကြီးပင် ဖြစ်သည်။

အပေါ်ဆုံးလွှာတွင် မိသားစုအပန်းဖြေအထပ်ဖြစ်ပြီး၊ ဒုတိယအလွှာ၏ အရှေ့ဘက်တွင် ဦးမိုးစက်ရတနာနှင့်ဒေါ်ခင်မိုးမက၊ပတ္တမြားရတနာ၊ပုလဲရတနာနှင့်Diamondတို့ အိပ်ခန်းကိုယ်စီရှိသည်။ အနောက်ဘက်ခြမ်းတွင်လည်း အခန်းများစွာက နေရာယူထားသည်။ 5ထပ်တိုက်စံအိမ်ကြီးရှိ အခန်းများသည် အသံလုံအခန်းများသာ ဖြစ်၍ ရေချိုးခန်းနှင့်အိမ်သာ အခန်းတိုင်းတွင်ရှိသည်။
တတိယထပ်တွင် ထမင်းစားခန်းကျယ်ကြီးနဲ့ TV၊Computer၊စာကြည့်တိုက်ဟူ၍ အခန်းသုံးခန်းနှင့် ကျန်အခန်းများမှာ အိမ်အကူအဒေါ်ကြီးများနှင့် သန့်ရှင်းရေးအလုပ်သမားများ၏ အခန်းများစွာ ရှိသည်။4လွှာမှာတွင် အစည်းအဝေးခန်းမကဲ့သို့ ခန်းမတစ်ခုသာရှိသည်။အောက်ဆုံးထပ်တွင် အခန်းများနဲ့ ဧည့်ခန်းကျယ်ကြီးသာရှိသည်။

ဤစံအိမ်ကြီးသည် မာဖီးယားဂိုဏ်းဘုရင်တစ်‌ယောက်၏ ဂုဏ်ကို ခန့်ညားထည်ဝါစွာ ပုံဖော်ပြသထားသလိုပင်ဖြစ်သည်။ လုံခြုံရေးနှင့် ကားဒရိုင်ဘာများအတွက် နှစ်ထပ်တိုက်ကြီးတစ်လုံးမှာလည်း ထည်ဝါစွာ တည်ရှိလေသည်။တောင်တန်းနှင့်နီး၍ တောင်ခြေရင်းနှင့် တောင်ပေါ်တွင် အပန်းဖြေစံအိမ်များစွာ တည်ဆောက်ထားသည်။ ‌မိုးကောင်းကင်ရောင် ရေကူးကန်ကြီးမှာလည်း ပြာလဲ့စွာဖြင့် မိုးကောင်းကင်ကြီးနဲ့အတူ အလှချင်းပြိုင်ဆိုင်နေသယောင်။

"ကြွရောက်လာကြတဲ့ ဧည့်သည်များအားလုံး မင်္ဂလာပါ .. ခုချိန်ကစပြီးကျွန်တော့်သမီးကြီး ပတ္တမြားရတနာကို Only Oneရဲ့ CEOရာထူးလွှဲပြောင်းပေးတော့မှာ ဖြစ်ပါတယ်ဗျာ .. ခုချိန်ကစပြီး ကုမ္ပဏီကိစ္စတွေကို ကျွန်တော့်သမီးကြီးက စီမံမှာဖြစ်ပြီး .. ကျွန်တော်ကတော့ တစ်ချို့လုပ်ငန်းတွေပဲ ဆက်လက်တာဝန်ယူတော့မှာပါ .. Only Oneရဲ့CEOအသစ် ပတ္တမြားရတနာကို ကြိုဆိုပါတယ် .."