EPISODE - 1 (Unicode)
ဇိမ်ခံပစ္စည်းမျိုးစုံဖြင့် အရောင်အဝါ တဖိတ်ဖိတ်တောက်ပလျှက် လူကုံထံတို့၏ ကြွယ်ဝခြင်းဝိသေသကို ဖော်ပြနေသော ခမ်းနားလှသည့် ဧည့်ခန်းအတွင်း၌ သုံးပွင့်ဆိုင် ခပ်လှမ်းလှမ်းထိုင်ကာ စကားဆိုနေကြသော လူသုံးယောက်ရှိနေသည်။
မဟော်ဂနီရောင် တဖိတ်ဖိတ်တောက်နေသော ဆိုဖာတစ်လုံးစီပေါ်တွင်ထိုင်နေကြသော ထိုလူသုံးယောက်သည် တစ်ယောက်နှင့်တစ်ယောက် မရင်းနှီးကြဟန် ခပ်တန်းတန်း မျက်နှာထားမျိုးဖြင့် ရှိနေကြပြီး တစ်ခါတရံပြုံးပြသည်ကလည်း ဟန်ဆောင်အပြုံးတုသာ ဖြစ်လိမ့်မည်။
" ဒေါ်လေးမရှိတုန်း မင်းဦးလေးဆုံးမသမျှကို သေချာနားထောင်ပြီး လိမ္လိမ်မာမာနေခဲ့နော် ထယ်ယောင်းလေး။ မင်း ဦးလေးက တက္ကသိုလ်က နည်းပြဆရာဆိုတော့ မင်းကို ကောင်းကောင်းမွန်မွန် ဆိုဆုံးမနိုင်မယ်ထင်လို့ ဒေါ်လေး ခရီးထွက်နေတဲ့အချိန် မင်းကို သူနဲ့အပ်ထားခဲ့မှာ။ သူက မကြာခင်မှာ ဒေါ်လေးနဲ့ လက်ထပ်ရမယ့်သူဆိုတော့ မင်းဦးလေးအရင်းလို သဘောထားပြီး သူ့ပြောစကားကို နားထောင်ရမယ် ကြားလား "
သူ့ခင်ပွန်းလောင်းရှေ့ရောက်မှ မပြောစဖူး ချိုချိုသာသာစကားတွေထွက်လာသော အဒေါ်ဖြစ်သူကြောင့် ထယ်ယောင်းစိတ်ထဲ 'သောက်ပိုတွေ'ဟု ရေရွတ်လိုက်သည်။ သို့သော် သူ့မျက်နှာထားက သူ့အတွင်းစိတ်နှင့် လားလားမှမဆိုင်။
လိုသည်ထက်ပင် ပိုပြုံးလျှက် အမြင်ကတ်လောက်ဖွယ်သော အပြုံးမျက်နှာဖြင့် အဒေါ်ဖြစ်သူ၏ ခင်ပွန်းလောင်းကို သိသိသာသာ စူးရဲစွာစိုက်ကြည့်ကာ အဒေါ်ဖြစ်သူဘက်ကို တစ်ဖန်ပြန််လှည့်ရင်း သူတုန့်ပြန်လာသည့်စကားက ဟာသဟုပင် ထင်ရက်စဖွယ်မရှိ။
" စိတ်ချပါ အဒေါ့်ခင်ပွန်းလောင်းကို ကျွန်တော့်ခင်ပွန်းလောင်းလို သဘောထားပြီး စိတ်ရောကိုယ်ပါပုံအပ်ပြီး ပြောသမျှနားထောင်ပါ့မယ်။ ခရီးသွားတာ သိပ်လည်းမကြာစေနဲ့နော်။ တော်ကြာ အဒေါ်ပြန်မလာခင် အဒေါ့်ယောက်ျားနဲ့ကျွန်တော် ညားနေမှဖြင့် "
ကျားသစ်ပျိုတစ်ကောင်ပမာ မာယာအပြည့်ဖြင့် စူးရဲတောက်ပသောမျက်ဝန်းအကြည့်တို့က သူ့စကားက ဟာသမဟုတ်မှန်း သိသာစေသည်။ သို့သော် အဒေါ်ဖြစ်သူမင်ယောင်းအဖို့က ဒီအကြည့်လောက်ကို စာဖွဲ့မည်မဟုတ်။
YOU ARE READING
50 Shades of Kim
Fanfiction" ဦး ထင်နေသလိုမျိုး ထယ်က ပင်ကိုယ် အကျင့်စာရိတ္တဆိုးတဲ့ ကလေးတစ်ယောက် မဟုတ်ပါဘူး ဦးရယ်...ထယ့်ကို လွှမ်းမိုးထားတဲ့ နောက်ကွယ်က အရိပ်မည်းတွေကြောင့်သာ ထယ်.. လူဆိုးလေး ဖြစ်နေရတာ "
