Mrs.Wang ( မစၥစ္​ ဝမ္​ )

--- 2 --- [ Unicode ]

2

..Ti .... Ti .... Ti....
Ti....Ti...

ကုတင်​ဘေးကစားပွဲခုံပု​လေး​ပေါ်မှာ အဆက်​မပြတ်​မြည်​နေတဲ့နာရီ​လေးရဲ့ နှိုးစက်​ခလုတ်​ကိုရိ​ပေါ်ပိတ်​လိုက်​သည်​။

​နေ​ရောင်​ခြည်​ဖျော့​ဖျော့တိုးဝင်​နေတဲ့ ပြတင်​တံခါးဆီက ခန်းဆီးအဖြူ​ရောင်​လေးက​လေ​ပြေ​အေး​အေးမှာ ယိမ်းသမနှယ်​ပျော့​ပျောင်းလူးလွင့်​နေသည်​။

ရင်​ခွင်​ထဲမှာ ကျစ်​နေ​အောင်​ထွေးဖက်​ထားမိ​သော
ချစ်​မဝတဲ့အသည်းညှာ​လေးရဲ့ မျက်​နှာနုနု​ချော​ချောဆီကို ကျ​ရောက်​နေတဲ့​နေ​ရောင်​ကို လက်​နဲ့ကာလိုက်​သည်​။ အသက်​မကချစ်​ရသူမို့​နေ​ရောင်​ထိုးလို့ အိပ်​ရေးပျက်​မှာလည်း စိုးရိမ်​ပါသည်​။ ရိ​ပေါ်က သူလက်​ကာပြီးမှ လှုပ်​ရှားလာတဲ့​ရှောင်းကျန့်​ကြောင့်​ပြုံးမိသွားသည်​။

"နိုးပြီလား အချစ်​.... မနက်​စာအရင်​စားချင်​လား မျက်​နှာအရင်​သစ်​မလား"

ည ညဆိုလည်း မုန့်​ထုပ်​တွေမစားရရင်​အိပ်​မ​ပျော်​တဲ့ သူ့ချစ်​မဝ​လေးက
မနက်​ဆိုရင်​နိုးနိုးချင်း မနက်​စာစားတတ်​သည့်​အကျင့်​ကို သိ​နေသည့်​ရိ​ပေါ်က​မေးလိုက်​သည်​။

ရှက်​သွားသည့်​ရှောင်းကျန့်​က​တော့ ပခုံး​ရောက်​နေတဲ့​စောင်​ကို​မျက်​နှာထက်​ဆွဲတင်​ပစ်​လိုက်​ပြီးမှ အ​ဖြေ​ပေး၏။

"ထပ်​အိပ်​ဦးမှာ"

"ထသင့်​နေပြီ​နော်​ရှောင်း​ပေါင်း​ပေါင်း ... ညကအိပ်​ရေးမဝလို့ ထပ်​အိပ်​ချင်​တာလား ဟမ်​...."

အနည်းငယ်​တည်​တံ့​နေတဲ့ ရိ​ပေါ်ရဲ့အသံမှာ ကျီစယ်​လိုရိပ်​တွေအပြည့်​။

"မအိပ်​ရဘူး​လေ...အဲ့ဒါ​ကြောင့်​ကိုယ့်​တာဝန်​ကိုယ်​ယူပါ မစ္စတာဝမ်​"

​စောင်​ထဲက​နေ ထထိုင်​လိုက်​ကာ လက်​နှစ်​ဖက်​ကိုဆန့်​တန်း​ပြောလာတဲ့
​ရှောင်း​ပေါင်း​ပေါင်းဆိုလိုတာက ရိ​ပေါ်အားချီခိုင်းခြင်းဖြစ်​သည်​။

"ဟုတ်​ပါပြီဗျာ .... လာ "

​ရှောင်းကျန့်​ရဲ့​ဘေးမှာရိ​ပေါ်မတ်​တပ်​ရပ်​ကာခါးကိုင်း​ပေးလိုက်​တော့
လွှားခနဲခုန်​တက်​လာတဲ့​ပိန်​သေး​သေးခန္ဓာကိုယ်​လေးရဲ့​ခြေ​ထောက်​သွယ်​သွယ်​လေး​တွေက သူ့ခါးဆီရစ်​တွယ်​ထား​ပေမယ့်​
ပြုတ်​ကျမှာကိုစိုးရိမ်​စိတ်​ကြောင့်​ခါးကျင်​ကျင်​လေးကိုထိန်းဖက်​လိုက်​သည်​။