Ang tadhana'y sadyang mapaglaro
Pagkat kami ay muling nagtagpo
Dibdib ko'y bigla kong nasapo
Bakit nagkaganito ang puso.
Ako'y napatingin sa kanya
Ayos lang kahit mukha akong tanga
Umaasa na lilingon siya
Malaman ko man lang pangalan niya.
Ako'y naglalakad kasabay siya
Hindi ko alam ba't ako masaya
Di ko batid saan ang punta niya
Basta siya ang aking ligaya.
Wala akong pagsidlan ng tuwa
Animo'y wala sa aking diwa
Nasa isip ay kami lang dalawa
Sa bangka sa gitna ng lawa.
Sa malas ko nga naman
Bakit ngayon pa umulan
Wala pa naman akong payong tangan
Kaya't ako'y tumakbo na lang ng tuluyan.
