✳ الجزء 63 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاول ✏
⚡ ما بين الخفايا انجلي ⚡
🌸فاطمة الزهراء مبارك🌸
جالس في البار و حداه قرعة ديال شراب كي جغم منها ناض جمع الوقفة و خرج و راسو كي ضرو بزااف كي فكر دار اكبر غلاط في حياتو هو منين سمع لوحدة مكتسواش غدارة و منافقة و حكم على حبيبتو و عشيرة حياتو و عمرو بدون ما يلجأ ليها و فوق هذه الشي دار معاها يخطبها و سمح فيها و مشا ضرب صداقو على وحدة أخرى هذه لي كانت كتدبحو
وصل الدار دخل و كي دور عينيه بانت ليه جالسة حدا مو و خالتو تبسم لخالتو حيت معتابرها كيف الام ديالو بالضبط مشا باس راسها
ياسين:على سلامتك الآلة غاليا
غاليا:مالك اولدي حالك معجبنيش من البارح مبغيتيش تبرز مع مراتك ما بغيتي تصور معاها و جبتيها و سمحتي فيها هنا و خرجتي
ياسين(شاف في اكرام لي مخشية حدا مو لي عاد عرفات الخبار منين عاود ليها ياسين شنو دار):هذه بنت الحرام خرجات ليا على حياتي و البنت لي كنبغي بسبابها سمحت فيها بالحق والله ما تبقا فيك بالله دابا تشوفي
غاليا:الله اولدي رجع لعقلك
ياسين:انا دايرو طالع نعس انت منبغيكش نقربي لبيتي ولا تقيصي فيه شي حاجة عرفتي علاش الوحيدة لي عدخل ليه عروسة هي يقين
***:ياسين راها مراتك دابا معندك ما دير
غاليا:صافي ا ختي تورية خليه على خاطرو
طلع ياسين مغزف البيت تورية تنهدات و شافت في غاليا:فين عتبات هذه البنت
غاليا: بيت بدر فتحوه و نضفوه و دخل ليه تنعس
تورية(وقفات معصبة):بيت ولدي مستحيل يدخل ليه شي حد
غاليا:الله يهديك الولد غاب عليه 33 عام
تورية:واخا يغيب حتى يعيى عيجي النهار لي يرجع ليا فيه كبدتي لدارو وسط خوه و مو
مشات بحالها خلاتها كتشوف اما اكرام مبقا عندها ما تقول كيف المدلولة جالسة بيناتهم
اما في جهة التانية جالسة في البيت كتجمع حوايجها و شنو عتدي معاها مرة مرة دور تشوف حفيظة خابسة بكيتها عنقاتها و حطات راسها على كتفها
يقين:علاش كتبكي
حفيظة:عتخلي عليا الدار خاوية
يقين(بضحيكة ديالها):حتى انا عنتزحشكم ولكن غير نولي نتخلص نجيبكم حدايا
محمد(دخل عندها):ان شاء الله بركة من البكا يا هذه المرة
حفيظة:سكت عطاني ربي عوينة وحدة بغيتها تبقا حدايا
يقين:الا بغيتيني نبقا منمشيش نبقا
حفيظة:الا سيري غير في الاول كتكون قاصحة
يقين:و صافي مسحي عينيك
محمد:الطيارة غادا مع 6 - بنتي يالله جمعتي لي عتدي معاك
يقين:اه جمعت كلشي
محمد:الله يرضي عليك نعسي شدي راحتك راه غادا تابعك نهار طويل يالله
يقين:واخا ا بابا
حفيظة:عنبات حدا بنتي اليوم
يقين(عنقاتها):خليها ا بابا
محمد:مالي أنا حابسكم نوضي زيدي قدامي عتبات حدانا بجوج نوضي
ضحكات و ناضت مشات عندهم البيت تخشات حداها
أنت تقرأ
🔥 قسوة الضراء 🔥 ( بالدارجة المغربية ) تيما مبارك
Actionقصة لي كتبتها بعشقي ليهم و حبيت ابطالها فيها بطلة قصتي متكبرة مغرورة ولكن قلب بيض قاسية ولكن حنونة مع لي كتبغي كبرها زمان ولو انها تزوجات علر عمر صغير بغات و عشقات تكملوها عشقها حولها انسانة قاسية ولات كيف ضرة الا قربتي ليها ضرك اما بطل قصتي رجولة...
